行街日

無工番最邪惡應該都係可以係中午時間出街...今日一早就去左TST...先去sogo..見到chevigon 有少量褲減價...結果我買左2條 (@295 each)...羊都買左一條...不過佢只係好少量有減價同埋好似得佢呢間shop 有減價同埋好似減價埋呢2日....

之後去Califonia Kitchen Pizza lunch..都幾抵因為個餐$68 有頭盤有main 有飲品...原來lunch hour set lunch 個ice tea 都有unlimited refill...都OK bor...結果都係太多...我食左一陣就放棄左喇~~個pepperoni pizza 普通﹐反而個意粉我自己好喜歡....悠閑地望住海景...坐左個半鐘

之後就去睇boots...試完其實都喜歡一對淺啡色既﹐不過就係因為佢既顏色所以無買...因為好難親到我D裙 XDDDD

好累...搭車訓死左........haha...

人懶左...

人懶左...寫blog 都寫少左....不過呢排日日都有D野做....

星期六入左camp..不過我無過夜~~ 同羊D朋友反....有wii 有uno..之後8點幾開始BBQ, 但我9點7就走lu...好想再BBQ呀~~~~~~

星期日行左一日...為新屋揀地磚...又去ikea 睇野﹐結果10點到新屋....去到6點半先番到home..簡直係用晒我畢新既勞力呀~~~ 不過仲有好多野都要快D confirm 比個C父...例如個櫃要點整...真係大屋搬細屋, 唔見一蘿穀............

呀~~~要努力呀

禮物

超開心~~史迪仔

羊o羊送的~~XDDDDD 我好少會要買史迪仔公仔(通常都係羊o羊反夾公仔機夾比我)...呢個一見到就好喜歡~~我覺得佢個樣好搞笑呀~~~~多謝晒^3^

繼續假期

繼續放假...每一日都有D野做~~ 當然最重要係陪下阿媽飲茶喇~~~

今日美國個堂哥係大陸番香港喇~~又暫住我家2日 ...不過我唔得閑陪佢喇~因為聽日要去跑馬地飲~~都幾遠下wor....係家無得print地圖, 真係麻煩

開始入秋喇~~我出街都要帶jacket..不過呢2日好似有D傷風....有無人可以比我傳染呢~~

大家都要小心身體~~呀

load 唔到相

本來想load 相﹐係之前去哎呀契女生日時影既相....點知load 極都唔得....唯有放棄~~XDD

後補:

放大假

哈哈~~放大假....呢3日都好忙

星期1陪媽媽飲茶....之後見工﹐例牌等消息
星期2媽媽打牌﹐陪完佢飲茶我就回家~~哈哈~~午睡左2小時~正
今日會去拜阿婆~~ 一陣間8點20分就出門口~~

我會努力令到呢個長假期變得充實D...所以今日下午會逼羊陪我打毛波....哈哈

努力做運動~~

散水~

已經無得再考究係唔係自己任性....因為last day 終於黎臨......

最後一日忙住delete 電腦既野﹐中間亦出左去買餅....由於公司樓下無蛋tart..結果行出去第一城買~~最後買左cheesecake...西餅....糯米chi 同蛋tart...而無番既同事我買左雪糕reserve 晒比佢地~雖然overbudget 但見佢地食得好開心....自己同樣好開心

更開心係原來同事簽左張卡比我﹐thanks all...最surprise 竟然係一向都其他人嚴肅好惡 (但對我就好錫我又同好好) 既engineering 阿頭...以前我一入呢間公司就跟佢架喇~ 佢竟然係張卡度寫 “搵份好工不如嫁個好老公”....哈哈~~~真係估唔到臨尾都肯為我搞個 gag..XDDDD

多謝晒~~yeah

感動的一天

聽日就係last day...今日係公司出左封farewell letter..見到同事個別既回覆﹐好感動~~

更感動係CEO 既reply....仲sponsor 左$500 出來食tea......後來太子son 加碼﹐結果大家一齊食pizza 做lunch...我知道CEO 對我好好﹐好開心﹐因為之前D同事走﹐都無請過....而且除左tea 仲reply jor email 多謝我....

好唔捨得D同事架﹐但始終要走~~知道同事唔捨得我個笑容﹐就覺得呢幾年無白費到~~ 因為我一直都係希望自己可以帶比人歡樂

嗯~~大家繼續努力呀~~

yeah

yeah...終於買左波鞋~~~

了左一件心事XDDD

我家的喜悅

當分享其他人既喜悅既時候~~我亦希望大家分享我既喜悅....

你睇下~~ 姐姐已經懷孕21週喇~~ 每一次見到佢﹐就覺得佢個肚好大個.....好似西瓜o甘~~ 胡小寶一定係好食好住喇...亦因為有好多朋友最近都生小朋友﹐結果打聽左好多資料比姐姐~~真好~ 哈哈

姐姐預產期係農曆新年~~ 講講下原來已經得番4個月時間咋~~ 我當然好期待喇~~ 可以做姨姨wor..哈哈~~不過一定都係惡EE o者 XDDDDD

生兒育女的喜悅

最近真係好多朋友既BB 出世

眼仔個囡
Jasmine 個仔
阿包個囡~~ (擒日出世)
仲有咸隊個仔~~(今日出世)

突然間真係覺得有小朋友真係會令個氣氛好開心~~做朋友既都會感受到個份難以形容既喜悅

其實同朋友傾計﹐好多都話一個家庭係應該有小朋友~~唔知點解我從來都無呢個感覺.... 只不過我一向都喜歡小朋友...所以我都會生.... 哈哈~~亦因為呢原因﹐我永遠都唔會明白...點解一個家庭要有小朋友呢個道理XDDD

希望所有BB 都健康快樂o甘成長~~亦叮囑各位父母....記得唔好寵壞自己個B 呀 (睇怕都好難XDD)~~小妹永遠都 available 去做惡EE呢個角色 架~~哈哈哈哈

買唔到波鞋呀~~~~

T_T 之前睇中左對new balance 波鞋﹐特價$258~ 結果今日打算去買點知無晒貨~~好唔開心呀~~因為難得搵到對我又喜歡又唔貴既~~真係好後悔當日無買呀

家下方案有 (1) 買藍色 (2) 買另一個款 (3) 比貴D係專門店買

呀~~~~~~~~~~~~~~~~~~~~~~~~~~~~~~~~~~~

開心~~~

多謝D 同事﹐知道我走~話星期1 大家一齊同我飲茶farewell~~ 個別同事仲約我星期5 再食多一次~~ 好多謝大家都我o甘好~~知道同事唔捨得我走﹐我反而覺得自己決定正確~~有時係最好既時候離開~~對呢間公司完全只有開心感覺而無遺憾~~

擒日出左MK~~ 去左食粉~~好似好耐無係MK 食過~超開心~~之後行街~~ 見到D wii R晒頭~~o羊 upgrade 3.0...又日本版又美國版....完全唔知係o羊

去到信和見到隻錶好喜歡~~$850~ 不過就算幾喜歡都唔會買﹐因為我都唔戴錶既~~哈哈~ 上次戴錶都好似已經係3年幾前~~家下習慣左用電話個clock 就無必要買喇

例牌行到9點幾就開始累~~哈哈~~~最後坐車買左mcdondon 大薯條食﹐開心~~ 好想食將軍漢堡呀