對話.....

擒日陪完堂哥既family..去完ocean park...覺得唔太舒服﹐就回家了
以下係我家姐既日記....記載左個晚既dinner...

今晚同阿爸阿媽，阿哥阿嫂，仲有由美國返黎玩既堂阿哥“大頭”一家去左鯉魚門食海鮮。原來由我屋企去鯉魚門好近，唔駛半個鐘就到。五年冇見侄仔Aaron同姪女Emily﹐佢地都唔記得我lu. 不過我仲好記得佢地五年前黎我屋企﹐成日響我張床度跳來跳去﹐Aaron又逐隻公仔拎起﹐用D唔鹹唔淡既廣東話問我 "姑姐﹐我可唔可以拎返去State?"﹐諗起都好笑。 家陣阿侄仔姪女D廣東話都冇以前咁好﹐今晚同佢地講野都講英文多﹐我諗下次再見﹐應該要全英語對話喇﹗

小妹﹐今晚你雖然冇出現﹐但我地都有提起你喎...
阿哥問Emily: 你有冇見過Flora姑媽﹖
胡師奶﹕係姑姐呀...
阿哥: 係﹐你有冇見過Flora姑姐﹖
Emily點頭。
阿哥: 佢好肥呀呵﹖﹗﹖﹗
Emily冇出聲...

突然﹐阿堂阿哥爆左一句﹕阿盈好開放...
全場"r"頭...
原來佢想話"阿盈好開朗"囉﹐哈哈哈!!!!!!! @@
(睇黎﹐下次堂阿哥返香港﹐可能都要同佢講英文喇...)

咳咳 ><" 我唔係想令大家笑架...不過我睇完之後﹐真係爆笑了
其實令我surprise 既﹐係我依然可以比人開朗既感覺....
對的﹐其實我真係好鐘意笑...