心事

點解臨近年尾都要發生D唔如意既事﹖

以我既性格...好明顯唔會同人講吧....但我知道如果我唔講﹐我又會自閉的...結果我選擇寫底件事....send 左個icq msg 比人....我無諗過佢會回覆我...只是起碼自己講過D唔開心事....

不過心情真的很差...聽到個消息﹐我心情無激動...亦無諗過要問點解會發生...有D野我覺得比起解釋...我更想知道既係承認定否認吧﹗雖然無激動...但唔開心實在是有...估唔到o甘戲劇性既野都會發生係自己既週圍....加埋最近其他既事...我選擇左不停o甘聽歌...等D眼淚自然o甘流落黎...

你有試過曾經想重新開始自己既生活嗎﹖﹖我真的好想...好想開始新既生活世界....我不是想放棄我現在既朋友....2年前番香港開始係ng上面認識唔同既人...多得呢個網絡世界...令我係香港無朋友既情況下﹐總算認識到一D傾得埋既朋友~~ 但同時亦發覺...原來我係呢個世界...有好多唔開心既回憶...令我感受到原來好多野話真係變就變...

說真的...今日既我喜歡自己留係home睇動畫多過出街...見到朋友去飲酒去打波...自己已經有D覺得融入唔到個個世界...或許我比以前被動....或許我開始愛上一個人的生活...