我是你的....

今日係白色情人節呀~~~相信唔太熟識日本文化既人都唔會知道係o羊節日...

2月14日情人節...係日本...通常都係女仔買古力比心儀既男仔表達自己對對方既愛意....而3月14日﹐就變番由男仔買古力比女仔喇~~另一個講法...可以話係一個重要日子﹐等D男仔對個位女仔出作既回覆喇~~

XDDDD 不過今日我唔會收到小羊既古力 lu~~ 因為今日都見唔到佢~ 哈哈 ~

擒日係車站等小羊﹐因為凍到隻手疆左...所以收到佢D MMS 都無覆到﹐唔知做o羊又miss 左佢call...當我call back 番佢既時候﹐佢好緊張問我做o羊唔聽電話...話剛剛見到路口有小巴撞左車...我又o甘o岩無接電話又無覆sms...好擔心我有事....個一刻真係好感動呢~~~

其實擒晚去左同小羊既朋友dinner..因為雪雪就黎生日呀~~同小羊行左陣沙田﹐9點先join佢D朋友去麗都酒樓打邊邊呢~~其實一早覺得D皮膚好似怪怪的﹐所以一早打左底﹐食定敏感藥~~結果全晚都OK喇~~之後去了富豪neway 唱K...應該到around 3點我就開始係房度sleep 左了~~訓到5點9度....大家走先起身....之後回家抖抖﹐又番工了~~~好彩係K度訓左﹐如果唔係今日一定射波喇~~其實番工之前都爭扎左一陣想唔番﹐但同自己講過今個月唔可以射波~~所以最後都無~~當係對自己少少既承諾喇~~今朝其實覺得自己D衫同成間房都係煙味(雖然無人食煙)...感覺應該係粒藥幫我頂左一野...如果唔係D皮膚一定會敏感~~~嗯...算啦﹐都係暫時唔好唱K住...

其實聽到其他人既愛情故事﹐更加覺得自己好幸運可以同小羊一齊~~~^3^ 一個好細心﹐好緊張我﹐對於我黎講係超好既男朋友...一個成日可以用D語言技巧黎化解我D怨氣既人XDDDDD (太厲害了~~~)

實在有好多野想同小羊做﹐有好多地方想同小羊去﹐有好多野食想同小羊去試喇~~~不過慢慢輪住做喇~~~來日方長~~~都係等小羊都想去既時候主動開聲吧~~我唔想自己一連串安排好多節目...好似逼佢陪我o甘呢~~~ (雖然好明顯係逼緊XDDDDD = =+) 而且~~如果去得太多地方﹐荷包好容易乾塘喇~~哈哈哈哈

講起小羊....突然今日好想見到佢喇~~^3^

(其實大家有無覺得我既日記有D悶~~好似成日都提住小羊....不過...我最近開心既日子的確都係因為有佢係身邊~~難得我變番開心小妹了~~~大家體諒下我吧....~~~XDDD)

汗 ...突然記起....2星期無打波了~~