為食孖寶~~~又再出動lu....

今日放工﹐番左home 訓左2個 hrs 左右就同小羊去左荃灣行街~~結果行到8點左右就諗住搵野食...就上openrice.com 個網頁search la...見到一間叫麵棧既鋪頭好似幾多好comment wor..都諗住去試架~~見地址寫....路德圍12號...wow...根本唔知係邊﹐所以最後都係決定求其搵間食算啦...點知行左一陣....竟然突然發覺呢間鋪頭就係眼前~~可能真係有緣啦~~所以一定要入去試試

鋪頭唔太大﹐大約都係得10張檯左右﹐門面好乾淨﹐其實餐牌選擇唔多....結果我揀左酸甜鴨麵﹐而小羊就揀左東坡肉麵~~




酸甜鴨麵﹕ 雖然我唔鐘意食麵﹐但由於呢種麵無我最怕既鹼水味﹐所以我覺得OK~D配菜其實好正架~~個甜酸鴨個汁係超好味~甜同酸既味配合得好好﹐係令你覺得好開胃既感覺~~而且仲會不停去“選”夠骨添~~XDD 正

東坡肉麵﹕個湯係加左汁﹐我飲左一啖﹐唔錯﹐起碼唔會覺得渴口~ 見到D東坡肉好好好肥~~我食左一舊比較瘦既...先試肉個部份...一食落口﹐就覺得D肉唔"un"...之後食一啖肥膏~~o華~~簡直係超好味~~以為會好漏...但竟然完全唔覺得﹐反而入口好有味﹐更加令到舊肉變得好滑﹐好有味同好軟熟~~

今次小羊食家評分係9分~~~哈哈~~(10分滿分ar~~)