回顧~~~~

本以為今日會好閑﹐帶左個card reader 番工一心諗住 load 相然後update 呢個 blog...結果超忙...由朝早忙到放工....
















帶左佢番工~~heehee

ar...星期一去左同 stephen 食飯慶祝生日~ 最後係去左食中菜~叫左好多野...根本就食唔落﹐結果要打包番home...食完之後都已經有D累...所以決定回家~~都有D唔好意思...因為草草地食左餐dinner 就算﹐都無點樣慶祝過~~哈哈~~

星期二.....放工陪左媽媽dinner 之後﹐就去出左去join d 朋友﹐因為係阿基既生日。去左悠悠什麼食屋﹐係TST的﹐之前都去過架喇~~上一次去好似係因為小遠生日...不過好似D menu 都已經轉晒~ waaa...超多笑話~~笑到個喉嚨好痛~ 佢地﹐我已經有一排無見了~~阿基瘦左~不過感覺佢肥D好D吧...個人睇落精神D...而阿東就比以前更加健談...
















壽星仔話無芝士味既芝士蛋糕 XDDD

最後成12點半先番到home...好累好累﹐訓上bed 感覺自己昏迷左

今日....好忙...忙....忙....但今朝發生左一件事 (相信有去我谷既朋友都知道了﹐但都要寫低係呢度等我將來睇番) 話說今朝坐小巴既時候.....落車感覺到跌左野....已經回頭望左2野...結果都係要落車...落車之後就發覺自己跌左個小袋.....個袋裡面有發達通...有好多屋村車飛...仲有一舊石 /.\...但都無辦法﹐唯有等架車番轉頭﹐又唔記得車牌﹐只係大概記得司機個身形同埋著白色衫....

結果係車站截停左2架小巴﹐都搵唔到 ><~ 見到多一架﹐已經同自己講﹐搵唔到就算啦~~因為之前有好多人坐﹐比人pick up 左都未定﹐而且我都唔肯定係邊一架車!! 結果....截停小巴...上去同司機 講左我想搵野...搵左自己個位...都係無 /.\ 司機 就問我﹐你係咪坐呢架車架...我同佢講...我已經唔記得喇

我落番車之後﹐司機竟然停埋左一邊....之後竟然見到司機係車尾向我揮手 ~~我望望見到佢hold 住我個小袋......我再走埋D睇睇...發覺真係我架~~原來司機頭先特登停埋左一邊﹐仲落左車幫我搵....原來我個小袋已經“扇”左落前面個凳底~~如果唔係佢細心幫我搵﹐都搵唔到~~ 太開心了﹐太感激個司機

不過因為自己心情未平伏...講左好多句唔該晒就走左﹐唔記得寫低車牌/司機名去讚揚下添....

嗯~~其實...呢個日記最近又有幾多人睇呢....哈哈~係開呢個blog 時 fwd 過條link 比朋友之後﹐都無再 fwd 過出去...(ar...有~~小羊)....

聽日就去睇軟硬演唱會喇~~心情好興奮ar!!! ha~~ 上次支熒光捧捧仲有電﹐等我帶埋去先~~但我都未有機會聽佢隻新碟....sad...