病了~~~~~~~~~~~~

其實星期六已經唔多妥...忽冷忽熱....放左工約做好朋友幫我慶祝生日﹐唔可以放飛機﹐唯有頂硬上....結果3點幾先走~~都回家訓左半小時

之後就出去新港城諗住睇E生~點知原來無得睇...morning call 小羊就一齊出何文田dinner..今日係家人幫我同姐姐慶祝生日呢~~不過由於病-ing..本來坐馬鐵最快~結果都因為我自己太累唔想企﹐改坐87D...又塞車...當然就遲到喇~~媽媽初時都唔高興架...因為媽媽都係好守時既人~~不過佢知道我唔舒服後﹐都無鬧 lu...

結果食飯超快~~9點未夠就已經回家...之後我都拿拿聲去bath 然後訓覺

星期日一早去睇E生~~98.4 度~~無燒~~不過都仲係唔多妥~~結果full day 留了係家休息~多謝小羊陪我睇醫生 and 陪我食 joke...

今日都仲係好累~結果請了病假~~一心諗住去E生度那番張假紙...等開門個時突然好反胃..差D暈低了~~後來探熱原來101度...不過E生話...大人101度無問題wor.. 係架o羊 = =" 結果佢又開多一隻藥比我...番到家hea 了一陣就訓了~~點知一醒已經4點﹗﹗﹗@0@ 中間時間突然覺得自己流汗了 (因為我cover 了2張被)...之後話比媽媽聽﹐媽媽鬧我有無抹走D汗...哈哈~~無wor...XDDDDDD

不過訓左o甘多個鐘﹐明顯好番好多﹐起碼再無發冷~~不過仲係無胃口~算啦~~有又機會減肥XDDD 今日又要多謝小羊放工又過左去搵我呢~~~ 本來我想陪番佢睇E生﹐結果都無陪到...又陪唔到佢食早餐 (因為我聞到D味就會作嘔)

我都唔記得對上一次發燒既幾多10年前既事喇......哈哈~~~~希望大家都身體健康