又係週記~~~

哈哈~~不經不覺番左新工5日...感覺真係好似以前番沙田個間o甘...舊舊既office...d 人又好似幾nice...不過就真係做野lor..要偷偷地先可以上msn 同newsgroup~ 頭一個星期都5點9走...我諗下個星期會開始要起碼6點先走了

而我阿姐都好nice..佢教野好有心機...所以暫時都覺得好輕鬆同無壓力~~我諗呢間公司好既地方係佢係一個可以“終老”既地方吧~~我有時覺得...人去到某一個年紀總要搵一個安穩D既地方....可以比自己一路做做做到老...如果唔係3X歲-4X歲...因為公司覺得你老...唔夠D後生黎而炒你...年紀大就好難再去搵過新工了~ 呢間公司好似好多都做左好多年~~年紀都係3X 打後既....

望過下D工程C 都好似OK...5日裡面都無見過佢地要番大陸...呢度番5日D benefit 都幾好~所以我都會一直幫眼仔留意下有無opening 啦

呢個weekend 會好忙....有朋友既聚會~~多謝晒搞手安迪~^0^/~ 而聽日就去拜山...希望唔好落雨啦

其實呢幾日感覺好似訓唔夠o甘....對眼成日都好干好累..定係其實我熱氣呢﹖ 睇下今晚有無機會去食碗龜令膏先得

have a nice weekend!