忙碌的long weekend...

好忙碌呀~~~呢個weekend..

星期五~ 拜山拜山~9點半就出發去買燒味...然後去油塘轉巴士上將軍澳華人永遠墳場...以往每一年都要排好耐對等巴士...有試過要係球場打幾個蛇餅...所以我帶備左帽同扇...太陽油...但今年竟然唔水排隊....等左唔夠5分鐘就上車...

上到去就努力摺野...D 親戚亦陸續到達~~ 不過真係超級大風...D野放係地下都吹到四圍都係~ 最後1點幾走人~~去姐姐屋企^^~ 我坐左一陣就去新都城行~~再之後又番姐姐home 會合大家~然後出發去西灣河食慶祝母親節飯~~ 大姨 同埋舅父一家都有出值~好開心喇~~ 個dinner 遲D先寫番~~

最後都食到9點半先走~~ 好好好味的一餐

星期六...姐姐一早邀請我同媽媽一齊去海下灣...約左係西貢等...點知我地係MK 入西貢既時候~竟然前面有4車相撞...仲有人受傷....我坐既小巴好快就抽頭走左...但我地心諗之後一定塞車到爆...就即刻打電話叫姐姐唔好入西貢~~佢地改左去九龍城寨公園....我地又即刻左番車經沙田去九龍城...簡直係兜左半個香港...

去到公園~~好熱~~亦發現唔見左個八達通>_< 唉~~ 好大朦呀我... 幫小寶影左陣相就去商場食tea...之後又出番MK 轉車入屯門...今日又係開心聚會~ 由andy 車我地入龍鼓灘BB燒~~ 超超超級好味呀~~不過真係好遠好累

呼~~ 到今日喇~~ 今日陪左兩老lunch 然後去花墟買花~~之後去左香港公園...因為小遠影畢業相呀~ 當然要去分享下佢既開心~~ 著住對好矮既高跟鞋...企左2個hour 我開始覺得好累喇~~ 睇黎我真係著得波鞋太多...家下唔太習慣著高跟鞋了~~ 不過好開心見到小遠既喜悅

明天又番工喇~~今晚真係要好好休息~~~ 星星同學會都唔睇了~~ 9點半要訓~