長洲一日遊

擒日一早就去左深圳拖貨....鬼o羊, 太子仔落聖旨wor...邊個夠膽抗旨...結果夾埋我4個同事﹐9點半就上左去﹐去到大陸D同事已經到左...好快...大約9點45分已經sms 比小羊話佢聽我已經番到HK了~~~雖然只係一上一落...但都好累啦~~哼~~我一定會要RAM同事同太子仔請番我地lunch 架~~﹗

番到公司當然係hea...呢2日天氣麻麻﹐所以一直都未決定到擒日放工去唔去長洲...結果臨放工陽光普照...所以就鐵定入長洲反啦~~^口^~~不過其實一直都唔知去唔去好﹐因為小羊8點半先放工....休息左3個鐘又起身陪我去反...我好擔心佢會太累啦(其實我知道佢唔願起身啦XDDD)﹐但佢又話OK.....辛苦你啦小羊~~^3^ <--獎你的

放工之後就去大圍等小羊啦~~我行緊去火車站既時候...一直同佢講緊電話...突然佢話唔講住要收線...我都feel 到應該係撞到熟人啦~~結果係大圍站等緊既時候...竟然見到佢同小遠一齊XDDDD 哈哈~~真有緣~~結果一路係火車度吹水~~去到TST 站就同小遠 say goodbye la...

去到TST﹐去mcdondon買左lunch..見到有新野試﹐當然要試下~~ 今期新野係脆牛飯同脆雞飯同...個牛飯有D甜甜地既汁﹐感覺特別D同好味D﹐而脆雞飯就係中間夾住炸雞﹐感覺比較普通啦~~

3點15分左右~~終於到長洲啦~~~o華~~已經好多年無去過啦~~好多好多人同比較繁榮既長洲....個感覺同去南丫島完全唔同﹗去之前我上網search 左D行程...就跟住行啦~~~本來一直擔心擒日天氣唔太好﹐但結果好曬同真係好熱啦....有一次證明我同小羊都應該係“好天人”啦 呢個行程我同小羊都未行過﹐所以都要摸索一下...首先行左入D行度﹐兩旁都有好多鋪頭架~~跟住沿住海邊行...烈日下“乾煎”左一陣...不過D風景又的確好靚wor...就去到第一個景點張保仔洞, 但我無入去啦~~~之後就沿住條路行去另一個景點“五行石”...汗....原來要攀過少少大岩石...好明顯我又發揮左“冬瓜”本色....行過去時...簡直係提心調膽XDDD 小羊叫我沿住D石C行...但結果我話佢聽“哎呀~~我隻腳突然好重...行唔出第一步呀”XDD

之後去到白鰽灣...路程接上山頂道西，經過長洲墳場同一個好似20年無人去過既航空氣象站，經過D居屋﹐D居屋都好靚架~得3層高﹐不過就遠左少少啦~~行多一陣就去到南灣。去到原來已經5點半了~~~結果我地係呢度買左冰凍既cola 抖一陣....支cola 凍冰冰...第一次感覺到cola 係o甘好飲架 *.*~~ 之後繼續行...結果花坪山莊再行去小長城﹐見到人頭石,花瓶石(好似海狗的~XDD)﹐仲有好似象既石啦~~哈哈﹐一路行...小羊講番佢以前去長洲既經歷我聽﹐好開心啦~因為可以聽番佢以前既趣事 ^^

最後就去到芝麻坑既觀景台...開始日落同大霧~ 所以我地都儘快行完D山路入番D多人既地方啦~~~ 哈哈~~我同小羊都好熱同好累~~當時真係覺得如果租左渡假屋就好啦﹐可以番去抖抖﹐最重要係可以沖個涼嘛~~~ XDD 行行下叫見到故鄉茶寮,一間係網頁同報紙評價好高既食肆...出名既有紅豆餅同手卷~~當然為食孖寶一定會試啦~~~結果...o華~~個手卷超好味﹐雖然D配料係好普通既香腸﹐蟹柳同魚子~~但食落真係好好味道﹐個飯D醋味好正....反而對比之下﹐個紅豆餅就顯得普通左 (其實係因為個手卷太好味道了~~哈哈~又無影相)

黎到長洲當然好想睇下paul 櫻花...但最後因為太夜同唔太清楚位置係邊﹐所以無去到~~唔緊要啦 最後係碼頭附近食海鮮~~~$98有粉絲garlic 蒸扇貝...C汁蒸聖子...本來有乳鵊﹐但最後賣晒換了咕嚕肉~~~平~靚~正呀~~~



之後行多陣~~長洲夜晚原來又有另一種生活感覺...四圍都係買野食既車仔﹐好熱鬧呢~~突然又覺得...如果呢一刻﹐可以踢住對拖鞋...著住短褲係度買野食﹐一定好正啦~~嗯~~長洲比我個感覺﹐真係一個放假可以黎抖抖既地方^口^~舒閑既生活~~正爆~ 期待遲D有機會﹐真係請假再去長洲住下休息下~~

哈哈~~ 真係超開心呀擒晚~多謝小羊啦~~無點休息就陪我去反...仲有我知道佢D朋友夜晚想搵佢dinner..但結果佢都陪我食dinner推左佢D朋友...所以之後雖然有D累﹐都諗住陪番佢去meet佢D朋友~~不過最後我知道自己真係開始累....坐左一陣就自己坐車走了~~

還有多謝太陽伯伯...趕走晒D雲比個o甘好天氣既星期六比我地^^