擔心的一天

擒日差唔多lunch hour 時間...小羊突然mms 左picture 比我﹐話我聽踢波唔小心整親﹐整傷左個嘴要去急診室....本來小羊話無o羊事...叫我唔好去.....但後來我都係擔心....立刻同admin 講有D事﹐就請左下午AL 飛taxi 去QE 搵佢~~見到佢之後....o華~~都唔係無事既 ><~~結果見完E生...原來要留院做小手術....結果差不多4點就安排左佢上病房等.....中途有唔同既E生黎睇佢...後來小羊仲累倒訓著左~~而我就一直係佢身邊陪睇佢~~~結果等等等~~等到7點9先正式推小羊入去....嗯~~既然E生話係小手術...我都好放心...陪左小羊行入手術室門口﹐就行番去病房出面等....

係病房門口...同小羊媽媽一齊等...初時好緊張...唔知講o羊好....後來auntie 問我讀書定做野...終於打開左話題...之後又講下食野ar...等等....(呼~~放鬆晒~~~~~~)

結果等到9點3左右﹐因為唔知手術要做幾耐~~就同小羊媽媽講話我走先 (因為我媽媽以為我開會only...所以唔可以太late 先回家)...係lift 度心血來潮走去手術室門口望下喇 (手術室係 1/F, 而我suppose 係去G/F 搭車)~ 點知見到有個伯伯推張病床出來....初時我見唔清楚....係樹裝裝下...點知個伯伯認得我﹐仲鬼o甘大聲同我講....“係佢喇~係佢喇~”...結果我又一齊上番病房....auntie 見我番轉頭...仲講笑話﹕“可能佢知道你要走啦~~”

小羊d麻醉藥未過....望下佢一陣就同auntie 一齊搭車~~係車度因為無位﹐結果auntie 坐上面﹐我坐樓下喇....好彩有位...結果係bus 度昏睡了~~~

今早接到小羊msg 話今日可以出院喇~~~家陣等佢通知...如果我放工小羊仲未出院﹐我就去搵佢喇~~~

小羊快D好番喇~~~^3^~

後記﹕其實見到佢....係我角度下覺得算係傷得好厲害下....其實我好怕見到呢D野...但我又想陪係小羊身邊....結果...頂硬上喇~~哈哈~~~不過經一事....又知道小羊係我心目中係幾重要~~~