超好睇的軟硬演唱會

基本上係公司已經非常holiday mood...梗係喇~~去睇軟硬bor..我都係fans 黎架~~結果一放工就閃走﹐係大圍會合左小羊就出TST join 佢D朋友 dinner...

到左差不多時間就去紅館~~出面有 t-shirt﹐ 帽等等賣~~不過已經好多人排隊~~所以我地都決定入場....










相一) 呢個係紀念品一﹐本來我地只有紅色﹐但後來同人換左黃色~變左一對~~開心~












相二) 小矮人無飛架~~唯有偷運佢入場等佢可以睇~~你睇佢既興奮﹗












相三) 舞台設計成一個好似天台o甘~好多昇降位置...

wow...開場喇~~大家都好興奮~~估唔到一開始係一輪既跳舞...初時個mic 可能未 set 好﹐所以D聲都唔太入到mic...有D聽唔清楚....不過見到佢地係排左好多舞...雖然有時跳亂左~但覺得佢地真係好有誠意去比D suprise 我地~(佢地始終唔係跳舞人嘛~)

之後就講野~~當然笑到死喇~~~之後仲有黎明做表演嘉賓﹐哈~~可能之前軟硬已經push up 到個氣氛好好﹐所以佢一出黎唱快歌~~大家更加熱情喇~~不過都聰明唔pick 慢歌﹐如果唔係一定比人噓~~XDDD 之後佢地3個仲唱“我的親愛”添~~

之後就又講一輪野夾雜唱D歌o甘....之後又跳舞....真係好睇得出佢地做左好多野﹐想比左好多 surprise 我地 (of coz' 成功了﹗﹗﹗﹗) 佢地既跳舞我諗所有觀眾都睇到好興奮﹗係最後..更加一輪快歌攻勢....就係好多好多好舊既歌~~全部$400 既人都起晒身~~而我地坐後面既都好熱情澎湃~~~ 相信大家都感覺high 好興奮~ 正爆﹗

conclusion:
1) 後悔無買 $400飛﹐如果我睇$400 相信一早就已經企左起身
2) 自己真係覺得睇得好開心﹐好興奮~~係開心到想睇多一場個種感覺~~
3) 呢個演唱會真係超正~~如果要買黃牛飛去睇﹐我都覺得值得﹗﹗

軟硬~~~ GOOD　SHOW!