好多野諗.....

又要再一次多謝小遠幫我整電腦﹐令我部電腦又再一次病好~~之前都講笑話~小遠每年送比我既生日禮物就係一年一次既維修電腦服務呢~~XDDD 多謝你~~遲D我好番請番你dinner補數~~

個病...始終都未斷尾~~媽媽話我其實都仲咳得好厲害~但我已經覺得好番好多~~ 我會繼續努力的

2 月呢~有可能真係辭職 lu...本來可能會做生意﹐但今日同哥哥傾左2句﹐突然覺得有D退意...可能都係搵工算啦~~~因為我發覺同哥哥既想法有D唔同~雖然話係合作﹐但始終都會係我自己搞多...突然發覺原來比我預算仲要付出更多既時間...如果係家下既心態下﹐暫時都係接受唔到呢

我都有問自己﹐如果唔打算自己開shop 的話﹐o甘唔做呢間公司係咪好任性﹐因為呢間公司對我都唔錯﹐人工啦﹐又準時走....如果再搵工﹐可能又辛苦又OT又人工低......不過係呢間公司都做了3年~~雖然係好~~但我其實一早知道自己唔會係度做過世...係咪應該都親有青春既時候去轉換下環境呢﹖﹖所以本來好有決心離開...突然又多左好多野考慮.....大家比D意見我吧...msn 中

今日接左小羊放工之後就同左佢同埋佢同事食早餐~~之後就出MK 行下﹐然後join左家人飲茶~~其實好多謝小羊啦...因為用左佢既時間去陪我家人~~ 當然拍拖就可能要用下D時間去陪下對方family...但我都唔想過份地要佢陪我家人呢~~

同家人飲茶﹐借了姐夫的NDS 反~~哈哈~~今日瘋狂地反 cooking mama..很得意的game~~ 不過暫時都仲未中毒~~哈哈~~間唔中借朋友既來反下都好滿足lu..原來仲有3個星期就過新年啦~~好快呀~~我都為我家添置左少少佈置~~

hhehee..我呢~希望年尾過左呢場大病之後﹐之後就身體健康啦^^