我會做好呢份工...

我會做好呢份工......就係因為呢句說話..引起左好多其他人去作其他句子~~真係好正好好笑...

地盤佬：「我會鑽好呢個窿！」
氣功師：「我會發好呢次功！」
八達通公司： 「我會整好八達通！」
天文台：「我會測好呢個風！」
整容醫生：「我會隆好呢個胸！」
鐘錶師：「我會整好呢個鐘！」
廚師：「我會爆好呢碟蔥！」
麻將腳：「我會碰好呢隻東！」
xx公司的專業員工：「我會五點九就鬆 . .」

亦多謝眼仔比我既真言
小妹：「我會辭左呢份工 . .」

哈哈~~~嗯~~不過我承諾自己﹐係離職前一定會繼續努力做好呢份工...

某日唱K ﹐ 遇到"Today"呢首歌﹐突然間就諗起將會被公司辭退既同事...同埋好有離心既自己..

別了依然相信 以後有緣再聚
未曾重遇以前 要珍惜愛自己
在最好時刻分離不要流眼淚
就承諾在某年 某一天某地點 再見

或許真係好似首歌所言...呢個真係一個我地呢班最好分離既時候喇~~相信如果離開左呢間公司﹐大家依然會有好既發展^^其實我都真係會好唔捨得呢班同事...個個同事都好nice..後生我地呢輩個D 個個都好反得埋...