努力工作

迎接假期~^^

等左3個幾月既假期終於就黎到喇~ 番埋呢2日工...下星期我就會去沙巴7日...好期待好期待~~之前用左好多時間睇forum...睇人地既日記..然後用email 同沙巴既agent 溝通訂酒店....所有野都安排好了~~

所以呢2日要努力做野~~ 希望將同事幫我分擔工作既機會減到最低

不過係去旅行之前仲有一個重任...就係做一個好好朋友既姊妹...佢會係星期日結婚呀~ 我見到佢結婚真係好開心~~ 佢係我既中學同學...係我移民既時候佢有不斷o甘同我保持聯絡...每次我番香港佢都會陪我~~ 所以我真係好珍惜呢個朋友呀

不過除左呢2樣野...呢個星期出發之前當然要多D陪兩老~~ 畢竟會有成個星期見唔到佢地...我諗到時一定係我掛住佢地多過佢地掛住我o者^^