surprise!!!!

擒日對於我黎講﹐真係好surprise 既一日...接到了兩個電話﹗講真﹐當時既心情真係好緊張...

嗯....不過擒晚真係訓得好差...成晚扎醒過好多次﹗

唉~~我部電腦真係short short 地 >< 睇黎真係要format 過了﹗真麻煩喇~~我部電腦都已經o羊都無﹐都仲可以short 既 ~~~ 搞錯呀

給自己的說話﹕不要影響到別人...

開心的星期 five

星期five...雖然太子son 係office...但結果都係無野做~~今日公司不停死 server...其實我係懷疑關我部電腦事的﹗哈哈﹗
一放工就閃去CWB 了~~因為約左舊同學dinner! o華~~好開心喇﹐見到9個同學~~有D仲無黎添~~個個因為番工而dress up 晒﹐感覺大家都好似長大左好多添﹗原來係我D同學當中﹐有8成人都係做銀行/finanical 類既工...睇黎我應該都係呢班同學中無o羊成就既一個架喇﹗我地其實係去左打邊邊~~ 有講有笑..太開心了﹗希望將來有多D舊同學聚會喇﹗但最搞笑既係本來大家約呢餐dinner..係因為另一位同學番黎HK 度假﹐但點知去到dinner..先有人講...“唔係wor..佢聽日先到wor!”hah~~笑爆~~

哈哈~~還有﹐擒晚見到以前既“情敵”﹗哈哈~~所謂“情敵”...其實係以前佢男朋友移情別戀喜歡左我﹐出了一個3角關係! 其實之後我已經再無同佢傾過計已經有6年了~~但竟然擒日﹐我同佢反而一見面就傾得最多~~~

星期六﹐very surprise 我一番到公司﹐老闆娘就比左白帛我﹐話係佢同老闆既少少心意﹗當時我真係好感動...其實我知道老闆娘同老闆都好錫我﹐嗯~~其實呢個係其中一個原因我唔捨得離開呢間公司吧﹗而且我知道﹐當時見工既時候﹐我in 個post 係唔請我的...係老闆娘特登開個engineer sec. 既位請我...原來原因係佢覺得我好開朗﹐好鐘意笑..XDDD

嗯~~邊個對我好﹐我知道的﹗

祝福一句...你會否聽到~~~~

祝福一句不讲太多
爱情原是戏 共忘记不须记的风波
你我到了今日了解真正太深
友谊或热爱 未担心再步错

分开了更好些 何必天天痛楚
不相协半首歌 难以再勉强唱和

AH...AH....
忘了许多 今天各有陌路
他日再举杯 闲谈分开际遇如何
离去此刻 祝福一句各上路
不用再解释如何深深爱过

祝福一句不讲太多
既然明白了便全免不需要的拉拖
你我到了今日了解真正太深
再难留住你亦不必再望我
再难留住你亦不必再想我

24/11 星期4

今日好free..因為太子son 去左大6....除了check email 外﹐我已經無其他野做了﹗所以又親呢個時間update 下blog 先

最近好開心~~ 因為某D原因 (sorry 唔能夠講~) 不過~只係我見到自己關心既人好開心...自己都變得開心吧﹗有d野真係唔水強求的~~~原來順其自然 加 時間掉淡....出黎既result 仲好~~~嗯~~不過經過時間既沖淡後....會意識到自己心其實係想點吧

擒晚同左木馬同小遠一齊 dinner...我都瘋狂笑左一晚...不停bi-li-ba-la 地講野﹗真係笑到喉嚨痛呀我~~~><" 小遠要出trip 了~~順風吧~~~~

突然被vancouver d 同學叫tomorrow 去gathering...有D朋友已經2年無見....雖然無$$$﹐但都要去吧﹗

family gathering!

今個weekend 連續2日都同家姐 and 阿哥一齊

星期六係阿婆頭7....放工之後我地去左MK飲茶~~之後就去左善心舍上香了~~~見到阿婆張相整好左...突然好掛住佢~~~ 星期六夜晚就同左小遠去食cake!!! haaa...終於try 左馬鞍山呢間食cake 店...個樹D 酒類飲品都唔係好貴咋wor...

星期日去左TKO 同家姐飲茶~~點知阿哥都黎~~~原來姐夫病左﹐希望佢快D好番﹗之後哥哥車左我去剪頭髮..剪短左有D唔習慣添﹗﹗﹗﹗夜晚當然bo 555﹗﹗﹗﹗﹗

哈哈~~~我唔喜歡汪阿姐 lor 最佳女主角 ><" 周麗淇都唔like!!!!

最近的生活

最近生活開始回復正常...也開始投入番工作~只係最近晚晚都訓得唔好...成日都扎醒 and 發夢

突然同一個年幾無聯絡既佢 msn...對話是輕鬆的...其實反而令我覺得有點“意外”~ 嗯...希望大家既生活都過得好吧﹗

今日係阿婆頭7~~放工後應該會同哥哥 and parents飲茶, 之後去善心舍上香....11月好多人生日﹗真抱歉...阿婆既事未完結前﹐我都唔太方便替人慶祝生日喇﹗不過你的會體諒我的﹗

Raze~~~ 你就大個仔了...快D結婚吧﹐我想你係海豚面前結婚...請埋我去睇呀~~HAHAHAHAHHAHAHAHA

16/11

今日終於番工了....好似集中唔到精神...個人飄下飄下的 ><" 我都要快D投入番工作了﹐o岩o岩我呢2日請左假公司就有wok 爆...好彩 engineer 阿頭幫我平息左...而且公司唔能夠無了期去接受我既家事吧﹗﹗﹗﹗不過我第一次感覺到自己o甘難投入工作吧....不停寫錯野...打錯字....

Stephen 有心了~~~多謝你的來電﹗

個人好累...don't know why...感覺係好似訓幾多都唔夠o甘....

天氣涼了~~~大家記得著多件3~~~

阿婆記性好好的~~~唔知佢同阿公重聚後﹐會唔會將我地細個既事全部話比阿公聽呢~~~

有心.....

大家有心了~~~

小妹都OK吧...心情平伏了一點...偶然想起了往事﹐會鼻子一酸

今日下午請左假幫忙辦理出殯事宜...幸好細表哥有相熟既人係搞呢D事宜...令我地輕鬆左好多~ 而且亦無需要擔心會比人o厄~~~佢地搵了法師幫我地阿婆(既靈雲?? not sure)安放係佢地office..好讓呢段時間我地可以上去裝香~~當時上香既時候﹐真係有D眼濕呢... 暫定了出殯日期...但由於E院一路都未出document 比我地﹐令我地今日o羊都 book 唔到呢﹗

感謝眼仔....睇到你既說話~~很感動﹗我會堅強的~~~雖然我地素未謀面...但我深刻感受到你支持既說話呢~~~

其實我一直覺得自己沒有什麼朋友的... 一) 我的性格﹐不喜歡交酒肉朋友~ 二) 都係以我既性格...我不太會主動跟朋友保持聯繫的~ 三) 都都係以我既性格...我比較喜歡留在家... 四) 都都都係以我既性格﹐我很少會分享我既不快or 問題...朋友同我溝通總覺得少了我真情對話呢part 吧

或許剛係vancouver番黎既時候﹐我已經習慣左沒有朋友既生活~~~融入唔到朋友吃喝玩樂群中~我其實唔介意的.......其實阿婆既事﹐我寫得最多都係係日記上....當然有D人根本唔知道有呢個日記......我都知道有人睇了就算........也知道有人知道我唔開心﹐想了解我既近況而日日留意我日記的人... 坦白說~~ 那些人是真心關心我的~~~我一早就知道~~thanks alot!!!!

希望大家要珍惜眼前人吧~~~我意思係...係去珍惜會關心你既人吧﹗

13/11 10:19am

她走了.......

13/11 9:40pm

剛接到E院電話

阿婆快走了

12/11

o岩o岩放工既時候﹐舅父接到醫院既電話...我都立刻由火炭搭taxi 去E院睇阿婆....聽左E生既說話...

現在心情不太好...今晚會好好休息﹐明天再去E院...

11/11

今日見到婆婆...佢心跳同D血壓都偏高....我同舅父都有D擔心....好似比之前訓得更lum...更加水腫..我既心情又變壞了

之後去左葵芳同阿偉 dinner...輕鬆地傾下近況...多謝阿偉免費既晚餐喇~~~同埋多謝佢幫我輕鬆左一下自己既心情...

10/11

是日小妹日記休息一天

喜訊﹖

今日只係得我一個去阿婆度....陪陪下阿婆既時候...突然見到阿婆張開左眼睛...然後又合番埋...之後又張開﹐又合埋...好似係訓醒無力既樣...於是我同阿婆講....阿婆﹐我係阿盈呀~~~之後阿婆又張開左眼﹐仲將個頭turn向我個邊...望左我幾秒既時間﹗我第一時間通知姑娘...又打左比媽咪...姑娘話阿婆多左意識﹗~之後...阿婆再無張開眼了...我對住阿婆不停流眼淚...已經唔知係開心定係擔心了....

小妹始終都係愛哭既人...要堅強D吧﹗

嗯.....

每日都係...5:30準時放工....立刻去婆婆度...當然擒日都係

沒有什麼異樣...也沒有什麼好轉~~今日阿婆對面床黎左一個新病人...情況危殆的...我聽到E生同佢家人講左D說話...之後佢D家人就痛哭了...媽咪聽到...眼好似有點紅﹐我知道佢一定諗起第一日阿婆入院既情況吧﹗﹗﹗﹗探完之後...就同媽咪回家了~~

今日一早係lift 度見到老闆娘...佢問我“E...Flora 你好似唔係太精神o甘既..”...結果我將阿婆既情況同左佢講~~ 當然亦提及呢個係我最近日日都好準時放工既原因.....佢都好體諒﹐仲同我講..一定要去探阿婆.....好多謝佢地呢﹗

還要多謝好多朋友....

探病 - 第7天

不經不覺阿婆已經住院一個星期..擒晚得我一個去探佢...結果我搵左一個當值醫生問下阿婆既情況...結果係比較negative 既回覆...

我知道媽咪始終都係想阿婆好番的...更令我唔知應唔應該將醫生既說話同佢講.............

係回程既巴士上...又忍唔住眼濕濕了......

探病 - 第6天

今日一早就出左去TST 同family 飲茶....之後行左一陣﹐就去左哥哥home 打PS2....我已經好耐無打了~~當然又係打我最愛既3國無雙 XDDDD 好開心喇~~~ 到大約5點﹐就同媽咪出發去E院~~

今日表姐﹐表姐夫...細表哥and his gf...舅父都有黎﹗今日阿婆面色都好紅﹐而且隻手明顯比平時暖番好多~~由於我地始終怕阿婆會發燒﹐所以同姑娘傾左幾句...可能姑娘見我地擔心喇~所有佢即刻幫阿婆探熱~~係正常呢~~~叫我地唔水擔心﹗

走既時候﹐同媽咪一齊落去搭車...媽咪突然問我...點解阿婆仲唔識醒...係咪唔會醒...當時我只同佢講...可能阿婆未有足夠既意識話比自己聽要起身喇~~~而且我都好坦白同媽咪講...就算醒番都唔可以o甘開心...因為仲有好多因素影響的﹗好彩...我地傾計時既態度都係好輕鬆既...

不過...竟然發現阿婆前個月開始...長出黑色既頭髮 @@" ...原來媽咪之前一早已經發現..仲以為老人院D人幫阿婆洗頭洗得唔乾淨 ...

嗯~~今日打左機~~算係輕鬆左自己既心情吧﹗

探病 - 第5天

今日放左工﹐同左同事去小欖BBQ...其實最近都唔太想活動...但由於呢次BBQ係好早之前應承左去...如果臨時話唔去﹐好似唔係幾好吧﹗放工之後﹐就坐同事既車入去...um!! D 環境都唔錯﹐乾淨企理..收費仲好抵....任食BBQ $68 包水一支 and 汽水一罐﹗D食物味道都唔錯~ 仲可以 rent mahjong 打添!! 不過我諗如果無車去﹐可能會麻煩小小吧~~ 但我覺得呢個真係比白石個個好~~~~再BBQ 的話﹐我都會 choose 呢個 (話時話~~我home 附近都好多呢D BBQ場﹐但我都未try 過XDDD)

BBQ 完﹐見時間趕到﹐就去左探阿婆...今日阿婆面色好紅....唔知道係佢精神好左...所以面色紅左...定係作發燒呢﹖不過我好相信D姑娘會好好幫我睇住阿婆的~~我見“pump”氣個部機比平日較細左﹐但阿婆既呼吸同平時一樣...係一個好消息吧~~證明阿婆已經無o甘靠個部機器黎呼吸了~~結果留到7﹕15就走了~~

之後好想去唱K 的~~~不過感覺好累~~所以都係番左home... ><" sorry 小遠~ 番到home...bath 完無幾耐就 sleep 了~~~唔知係今日BBQ時反得累....定最近好瀕pop ...訓覺簡直係覺得攤左係bed 度....太累了﹗從未使過o甘累

多謝我D朋友喇..我知你地都擔心我~~我無事喇...你地都唔水安慰我既...你地安慰我~~我會想cry 架~~其實一直都我好明白所有野.....同埋唔好意思喇....最近既我都係無左個動力去街....(雖然我有1千5百32個想唱K~~)...最近日日都去E院...番到home..bath 完就sleep...連我最鐘意睇既動畫我都放埋左一邊了 ><" 嗯~ 雖然tired...但我都會儘量日日去visit grandma 吧~ 嘿~~~你地自己出街反得開心D喇~~~

探病 - 第4日

現在每日日記既話題都係講我阿婆...希望大家唔好介意吧

今日有好多人去探阿婆...家姐﹐姐夫, mom, E媽...舅母同2個表弟...本來o甘多人去﹐我可以唔去的...但最後都係放心唔落﹐好想見下阿婆....所以5﹕30一放工就立刻閃去...6﹕30就去到E院!

一入去病房﹐見到舅母眼紅紅...就知道佢 cry 過了~~ 問過姑娘﹐話阿婆情況同之前差不多﹐但我覺得佢今日好似對我地D說話有D反應吧﹗小表弟太細﹐我地只能夠偷偷比佢入去見麻麻...佢見到麻麻﹐好乖o甘叫佢...仲同麻麻講...“你快D好番我地一齊打機喇...”(原本我地叫佢講話一齊飲茶的 XDDD)﹗雖然呢個表弟平時真係好鬼naughty...但原來佢都好懂事﹗舅母話我聽﹐前日我舅父探完阿婆之後﹐呢個4歲既小表弟打比佢....竟然問舅父﹕“麻麻有無好番D呀...係咪仲訓緊呀﹖”

最後我自己一個人留到7點20分就走了...之前我對阿婆講唔到野的﹐因為一講就想cry..但今日我同阿婆講左D野...我相信佢聽到的...

希望大家珍惜身邊既所有人

探病 - 第3天

擒日阿婆依然訓緊覺...我既心情亦好左D...起碼見到阿婆既時候沒有哭~~~其實我都唔肯定阿婆現在係什麼情況...只係從表面睇﹐沒有很痛苦的表情﹗因為一早約左jacky celebrate 佢生日...結果留左1/2 小時就走....今日再去探吧﹗

之後去左會展...因為去睇古巨雞 concert...雖然坐得好遠....不過真係好正..超正﹗睇緊係時候﹐諗起阿婆...眼濕濕左一陣.....而且不停o甘望電話...因為怕有緊要電話而又接唔到 ><" 可能我太神經質了~ 不過....今日我都因為睇到同聽到古巨雞既 songs...開心左同笑左一晚﹗

睇完之後﹐草草o甘同jacky 去左茶餐廳食野..不過都無o羊胃口。

jacky..真係唔好意思喇....無點同你慶祝...希望你唔好介意﹗你生日個日..wish 你同朋友反得開心D~~

還有...不知那個PK...擒晚1點幾打黎....接左電話又唔講野....嚇到我同阿媽死....以為係緊急電話 ><" 不要反電話喇~~~唔該﹗﹗﹗﹗

住院- 第二天

今日放工同樣地準時走...立刻趕去探阿婆...今日佢好似對我地講既野有少少反應...
明天mom 會去見主診醫生...不知道會有o羊講呢....

我都知道唔好太傷心...不過有時始終控制唔到D眼淚吧~~~ 呢2日都已經喊到對眼腫左了...

嗯~~thanks 大家~~~ thanks Jacky!

探病 II

今日同左太子son 講﹐結果4﹕30就放工﹐之後趕去E院探阿婆.....阿哥﹐家姐...舅父一家...E媽﹐E丈都有係度...大家輪流入去見阿婆...唔知小表弟係咪都知發生o羊事呢...初時我地認為佢太細﹐唔比佢入去病房﹐佢扭計話要搵媽咪﹐最後我地帶左佢入病房...佢見到麻麻之後﹐好乖o甘企係度睇住麻麻.....

阿婆好似訓著左o甘....我地同佢講野...但E生話佢未必聽到的。我記得細個好鐘意拖住阿婆的...我今日拖住佢隻手...好凍好冰呢佢隻手 ><"

有好多野我都明白...包括阿婆都已經老了.... 其實見到佢訓係bed 個樣﹐我都寧願佢舒服D..唔好再辛苦落去.....有時無了期o甘訓係bed.....我地個心仲唔舒服吧~~~不過其實無論點....都會唔開心吧﹗

o甘大個女....第一次o甘驚電話響.............. ><

多謝問候我既朋友~

早上5時35分

早上5時35分...屋企電話響....我接左電話..係老人院既姑娘打黎﹐話阿婆昏迷左﹐送左去E院...叫我地立刻去E院探佢。結果我就同阿爸阿媽即刻趕去....

見到當值E生...佢同我地講﹐阿婆係送院既時候情況好壞...肺部好weak...有可以會肺炎...已經幫佢插左喉...但...已經叫我地有心理準備...隨時會走....而且如果有o羊事﹐會急救...但唔會再進一步去做任何野...因為阿婆已經老了.....當時聽到呢個news...我地都喊左出黎

結果...係E院等左2個鐘﹐終於可以入去見阿婆....阿婆好瘦...無精神....不過我諗佢知道我地到左﹗其實我地都明白E生會盡力﹐而且我地都唔可以做Do羊....但始終D眼淚都控制唔住 ><"

我真係好唔想阿婆走...佢係我最痛錫既人 ><~~

而家...只有等放工探病時間再去睇佢...........還有...有定心理準備﹐隨時接一個永遠都唔想接既電話