試食 - 29 士林台灣麵

有緣入去元朗BBQ....當然要早少少入去行下街~~本來lunch 既目的地係去食燒鵝脾...可惜因為去到時間太遲....要5點先再有新鮮少出黎...唯有改去另一間食喇

結果選擇左士林台灣麵

http://www.openrice.com/restaurant/sr2.htm?shopid=14904

出名既係香酥雞扒麵....當然要試下....結果叫左香酥雞扒干拌麵同埋排骨干拌麵

干拌麵即係無湯...但佢已經有D醬油係D麵度...撈埋食好好味...我本身唔太鐘意食麵...係怕D麵好硬...但佢呢個麵好淋...所以好適合我食...但我個人認為加少少辣油仲正

個雞扒同排骨其實睇落好似....排骨食落炸粉比較厚身...食埋舊肉會覺得漏...但好食架...而個雞扒真係好正...可能係因為有雞皮既關係...雖然都係炸...但咬落去比排骨脆好多...而且唔會好似食好厚既炸粉o甘....

投票的話...我一定會覺得雞扒好D...

元朗其實真係好少去...希望下次再去食好野

阿婆死忌

舊曆計...今日係阿婆死忌.....

阿婆走左4年...但當時既情況都好似擒日發生o甘....一直都無夢見過阿婆...我諗佢生活安好吧

最近工作好忙...太多爛攤子....日日都7點甚至8點先收工..........呼.........最後又比大老闆召喚上大陸...

坦白講....好多好多既事令我心情真係好差....

努力呀~小妹....2009年好快會過........努力捱埋佢~~

多謝好多朋友板友既支持..............

試食 - 28 Ebeneezer's Kabab

因為OT到7點半...本來去荃灣既行程突然要改變...最後決定係TST附近行下...有緣去到亞士厘道..本來諗住食subway...最後見到呢間Ebeneezer's Kabab就決定試下

http://www.openrice.com/restaurant/sr2.htm?shopid=15719


其實之前已經係openrice 見過呢都既評語...應該係中東菜吧~記得唔錯...都一直有好多人黎食野同買外賣

由於唔知道份量...所以只叫了 mixed kabab 同燒雞肉薯條~

Mixed kabab - 係羊肉+雞肉卷.... 因為個皮都少少厚(但OK的)同埋D肉份量好多...雖然只食一半...睇落好細舊但食落都幾飽...自己唔太識得食羊肉...所以唔知道係咪叫好味...但唔“鞋”...而且加埋自選既garlic 汁...好好味wor...其實個感覺有D似食KFC 個D雞卷...但佢更juicy 同豐富...

燒雞肉薯條 - 佢係配左綠色既mint 同白色既唔知o羊汁 ...第一啖食D薯條好淡...之後自己加少少鹽D味就出晒黎喇...佢個mint 汁其實唔係好薄荷...個燒雞肉雖然本身係少少乾...但就係加埋D汁之後就變得好好味 ...蓋左D乾既感覺.....應該係話好有風味...因為好少食薯條會o甘食法

評語係之後一定會再試...但其實都唔平...2個dishes 加埋$11X...無飲野...

BTW...佢有2個爐一路燒緊D肉...一直以為好似表演o甘會係人手用刀片D肉落黎...點知唔係..可能因為要做生意需要快...佢地係用一部好似燙斗既物體上下上下o甘刨D肉架...雖然失望但睇落好搞笑

哈哈

黑仔一週

最近做野又做得唔好啦

其實係我自己衰...可能又黑仔喇 ...有3間廠都有交貨問題....仲係好嚴重個種...唉...就算廠好大責任...都比人覺得我跟得好差 ...星期4大老闆仲走黎同我講... "你跟親D野都多災多難既"

的確好影響自己情緒...

唯有努力D跟得好D..比番D result 人地睇喇

開始作病添....唔想病~所以乖乖地食藥

今日同事Garret 結婚喇~~恭喜你

凍的一天>_<

又很忙碌

又過左好忙碌既weekend...

星期六...一早就幫家姐去九龍塘既幼兒園排隊拿form...其實可以上網d/l...但我家又無printer..又怕個website 會好busy...所以唯有做一次好EE...去幫佢直接排隊喇...8點半到達....已經有50幾個家長排緊....無論前面定後面既人都講緊子女經....無共鳴wor 我

準時9點就開始派..9點3就閃得...之後回家...然後再陪爸爸lunch...lunch 完之後就去朗豪芳陪媽媽行街...本來只係佢要買衫....結果我都買左T_T....大出血

到2點左右...羊生剪完頭髮就一齊去老蘭喇~~無錯~因為有節目呀...媽媽第一次去老蘭..好興奮呀~ 都好多人...好多野食賣...行左一個圈之後...就搵位坐...然後買左啤酒/食物係度hea...好正呀...大約4點左右就閃了...

之後回家休息一陣...又去舊同學屋企...好開心既紅酒聚會...不過我唔like 飲紅酒...所以飲左少少only...大家傾下計o甘...好開心...都差唔多玩到1點幾走....無幫屋主洗野...真係唔太好意思>_<

星期日....7點幾就醒左lu...9點幾然後去小寶度....食lunch 同佢玩下...3點幾就走...但中間時間好累..係sofa 訓著了....番到家hea 一陣幫媽媽包餃子...然後又hea 一陣...9點幾訓...

o甘就一個weekend 了..

Halloween~~

Halloween 去了海洋公園...4點半入場...玩到10點走...基本上都係覺得係大樹灣個2個鬼屋最正...尤其初時未有太多人...反既時候都無o甘逼...

多謝mr. R~~ 多謝晒你

之後就去作舊同學大寶既家...因為D同學BBQ...好開心見到佢地呀~~大寶屋企好正...佢個台臺真係好好好正......又見到好耐無見既朋友仔...雖然只係逗留左2個鐘就走...但好開心呀

今日既blog 好簡短...um...無心機寫XDDD

明天又番工了............太快吧