又見到~~~

又見到哎呀契女喇~~哈哈~~~本來打算同小羊見下面﹐去食糖水﹐諗諗下不如去小遠家見下BB喇~~又已經幾個月無見佢lu...hahah..好彩佢仲記得我~~

同佢反左陣﹐又睇左佢學芭蕾舞D pic..好cute 呢~~~

不過打搞小遠真係唔好意思喇~~

做小朋友....真係快樂 ^0^

開心既星期日

一早就同兩老出TST﹐姐姐都有join 我地添~~係foodcourt 度lunch 之後﹐就行街街...其實目的係..姐姐要幫佢老公買衫呢~~當然我地都有睇其他野...見爸爸都就生日﹐所以又睇下買唔買到野比佢

最後去左 burberry...終於買到野~~我地都買左件 shirt 比爸爸做禮物喇...$9XX ﹐雖然貴但爸爸又真係著得好令 ar....初時我同媽媽都話﹐爸爸入去試身見到個價錢﹐一定會話唔好睇唔好買﹐但佢試完之後竟然一句野都無講~~ 到後來姐姐比$ 既時候﹐先聽到原來件衫要$9XX 呢~~~佢仲話...下﹖ 我睇錯左以為$6XX

呵呵~~如果佢睇到價錢係$9XX 一定唔會比我地買呢~~~XDDDDDDDDD

再行去馬莎﹐我幫姐姐choose 左條tie 比佢老公添~~

之後我就係碼頭坐車去球場搵小羊﹐佢擒日同好多team 人比賽呢~~雖然話比賽﹐當然都係快樂足球同樂日喇~~佢有2個對手我都認識架~~~ 好開心同佢幫波友熟左好多呢~~不過依然有D人我都仲未記得名...踢完波就去左茶餐廳吹水﹐好開心~~希望佢地唔會介意我成日係幫男仔堆中出現﹐阻住晒喇

食完野就去左小羊婆婆家喇~~今日係小羊公公 bday dinner, 連佢新加坡既阿姨family 都番左香港喇...小羊既family 真係好熱鬧的﹐成日都講笑﹐佢個new born小小表弟又長大左喇~~~哈哈 ~

happy day!! yeah

今日係媽媽新曆生日, happy birthday, 身體健康﹐心想事成~~~

今日都係jerry 生日呢 ~~happy birthday ~~

舊同學聚會

今日難得約到香港中學D舊同學dinner...當然我同vivian 同學通常都會係最準時既...一去到見到vivian, 佢就話其他未到﹐我地上左去坐先...

今日係去 瓊華11樓個間笑笑...由於太肚餓﹐所以叫左個小食...叫做什麼明太子豬肉卷...e...無o羊味既....太奇怪了

等左一陣﹐prisca 同學都到喇~~仲叫埋佢家姐黎添...叫左D 野食就係度睇佢家姐D結婚pic..當然D 話題都係講下大家幾時結婚D 野喇...之後D 野食到...叫左日式薄餅ar...炸豆腐....等~~~o華~~全部都唔好味道的....由D直頭食左一半就放棄lu..

由於佢話8點前埋單可以有20% off..結果我地唔等另一位同學到就埋單lu...真係以後都唔會再去呢~~

後來一落樓....Fanny 同學就話到左MK lu..真係唔知點解﹐次次約佢佢都會因為工事而遲到呢~~~ 結果又走左去仙X岩度飲野...又傾下計...咪又係講公司ar...結婚個D野...原來prisca 同fanny 都有plan,2008年結婚呢..後來因為個度越來越多人吸煙....坐左一陣就走lu...希望下一次gathering 會好D吧

另外﹐今日下午D同事去左篤波﹐我見有時間走左去吹水﹐有一個舊同事都有去...原來佢都plan 左2008年結婚﹐仲話會係馬會擺酒添~~恭喜恭喜

2008 年真旺...不過神婆vivian 話2008年係盲年...唔適合結婚wor..XDDD 哈哈~~笑爆嘴...都唔知係咪真既~~

公司大地震

星期1無喇喇admin 出email 話有tea 食﹐都感覺到唔係好野﹐原來係宣佈升個笑面虎做COO﹐慘了 ><

結果星期2就已經大地震...包括l流傳有可能抄同事﹐有可能cut department...搞到呢2日公司死曬..lunch 既話題都係講緊幾時裁員...唉~~何必呢~~~ 其實我都會有影響﹐因為好似我個 department 會要求我地 d sales 負責曬出quotation d 野呢﹐負責意思係..有什麼問題都係你責任呢...........唉..我公司都唔係好﹐呢D好明顯係 背wok 位

突然真係好討厭呢間公司﹐本來好地地﹐大家都好開心﹐就係因為佢而令到大家都人心惶惶~~我都唔望自己係呢度耐﹐只希望可以捱到下年2月....

再講番開心野...擒日同小羊去會展睇mcdondon show..有古巨J﹐janice, eason, sandy lam, 軟硬﹐何cc..勁好睇 ar!!! 氣氛又好~~ 個個一到軟硬出場都情緒高漲﹐見到後面個排企左起身﹐我都好放心起身揮手~~哈哈~~本來好似得120分鍾既show..最後變了180分鍾呢~~正

不過呢~~~會展個場真係好差...下面平地個D呢~~如果買唔到前面就真係買後面樓梯位好過﹐因為都係一樣要睇電視

後來古巨J 唱左「追」呢首歌...個一刻突然覺得好感動﹐仲流左2滴眼淚添...呢首歌我以前非常鐘意﹐聽CD都已經過數百次...但原來拖住一個自己覺得好重要既人﹐再聽番呢首歌...會係o甘touching..

有了你即使平凡卻最重要......

灣仔sens 的晚餐

_















(1) 位於灣仔三里屯的 Sens































(2) 頭盤 - 鴨肝醬多士 and 小羊‘s 頭盤 - 炸生蠔
















(3) forget 了個名﹐但味道不錯































(4) Main - 沒有牛肉味道的4成熟牛扒 and 好奇怪會有介辣味道的豬扒 = ="
















(5) 甜品 - 我同小羊都不太喜歡食既黑糯米...都已經o甘飽﹐就算喜歡都食唔落吧

評語是﹕應該不會再去

媽媽生日高昇

下午去左睇小羊踢波﹐好開心喇~~~之後自己搭車去觀塘會合家人...

今日係媽媽生日﹐夜晚同左佢去“布袋澳”食海鮮...我都係第一次去咋...原來係清水灣附近...都有小巴但唔密﹐建議早少少去食﹐價錢都OK﹐計落一個人$2XX~~~

祝媽媽青春常駐...開開心心~~~

12月尾係爸爸生日﹐到時帶埋小羊出值先~~^^

羊表弟一個月壽辰

恭喜~~~今晚去左羊表弟既一個月壽辰dinner..好開心見到個BB﹐好cute ar ^^﹐仲好似佢daddy 添...抱住佢影相我都有D驚﹐好怕 "look" 走左佢ar...又怕整親佢呢~~

BB 通常都大得好快﹐相信下一次見佢﹐又會覺得佢改變左好多and 大個左好多~~~亦相信佢呢個小羊表哥﹐好快就會教佢伸利同埋吹口水波...XDDD

希望BB 快高長大﹐聽聽話話﹐健健康康...

車品品

補回星期3影既dinner pic..星期3去左試一間叫車品品既鋪頭...係openrice 度有相當多既好評... 結果我地叫左車仔麵 同 魯肉餃....車仔麵比較普通...但佢地一D都唔孤寒...有好多送ar.. 而個魯肉餃超好味道...最特別係上面咖啡色既蝦籽...但老闆講...亦有人最討厭上面D蝦籽~~哈哈





















































http://www.openrice.com/big5/sr2.htm?shopid=16

503 有興趣可以去try 下...不過地點比較偏遠﹐如果第一次去個度附近﹐都係建議先睇地圖 or print 埋地圖出黎

@口@

終於看到了11月10日的日記....為什麼我是FT...為什麼...為什麼...呢個名實在............有點老土呢.../_\

ar..很高興星期二(看)到了一些說話...說真的...是非常高興.....

有著同一個意向前進....實在是好好好開心既事...時間不是一個問題﹐最重要是知道對方有著這個心

努力努力努力~~~~努力迎接美好既將來~~哈哈~~~

yeah...

去左沙爹屋食晚餐....不過無食我最愛既白咖喱豬扒, 反而叫左其他野~~

有芝士肉意粉, 芝士焗年糕 同埋鮮薄餅...全部都好正呀~~~ 係個年糕" 漏" 左d 呢

















































(個意粉...未影相就開始食lu XDD)

用速成打的日記一遍....打得好辛苦 ><~~~

。。。。。。。。。。。。。

本來今日打算係office update blog..但發現無帶電話...upload 唔到上星期既dinner pic

結果.....今日既blog.....um...

THE END XDDDDD

時間.............流走...

你望住其他人既時候....有時總會覺得時間過得好快

話o甘快...人地個B又3歲...仲讀幼稚園...話o甘快表弟就讀中學...話o甘快個朋友結婚1週年... 話o甘快小羊個表弟就快滿月........

話o甘快....今日係婆婆死忌....(新曆計).... 一年時間... o甘就過左...每次諗番起就好似係最近發生既事o甘...唔知點解 ...成日都放唔底呢個感覺....成日都忘記唔到...自己達成唔到婆婆既願望...

因為天氣問題...今日個天有D 陰沉...令呢一日特別覺得悲傷......

星期4............................

星期4...開心﹐因為好快就weekend lu...今朝好忙...又落單又開會...加下等緊客人email ...佢一reply 又要做野了

擒日幫爸爸出去深水步配電話殼...本來佢換左之後打算比左大陸既五伯﹐但佢見到個殼唔錯...最後決定自己要番lu..hahah...小羊買左張SD 卡...2GB 只係$248...好平ar....ar...晚餐去左維記食豬潤麵...個湯好甜﹐但真係太“漏” 喇...食左少少豬潤就已經唔想食lu...

http://www.openrice.com/big5/sr2.htm?shopid=3953

如果你地去try...2個人寧願叫一個豬潤麵﹐然後叫另一個係其他送仲好~XDDD 聽聞佢個咖央西多士都唔錯的~

係別人懷裡睡永遠係最舒服既....係咪因為o甘﹐所以我每次回程途中...係車度都會訓得好舒服呢..haha...擒日搭車回家途中...又例牌訓著左lu...

今日約左阿K 同1010 dinner...元氣喇.....哈哈~~我已經儲夠lu...幫佢地儲下先^^

快D到weekend la....期待中...

突然好想BBQ...好想打邊邊.....呀~~~~~~~~~~~~~熱氣死喇

納悶星期二

幾悶既星期二...等放工...等放工~~ 今晚同媽媽繼續怒食元氣壽司﹐儲多3個印仔就可以做 vip lu...yeah..

小遠番新工2日...希望佢做得開心吧﹐都係個句~~覺得唔好咪搵過..no big deal~~另擒晚媽媽提起左你把umbrella..問我做o羊2個月都仲唔還...XDDD 哈哈~~我地無見面2個月嘛﹖﹖﹖﹖不是吧

我公司亦變得有點可怕...不是我地呢D 普通職員問題...係個D高層問題... 我公司果然係一間管理唔好既公司....

太悶﹐睇左唔同朋友既日記......Mr. R 竟然變了 dororo...為什麼呢 = =a ...

再睇到另一個人幾日記...沒有新update...只係再一次睇番舊既內容....突然間個心好寒...對眼紅紅...看來我絕對唔應該去知道人家既舊事 (其實我根本一直都知道).....哈哈~~亂飲野係我最愛做既事吧

對...我就係一個EQ好低既人...

唉...........快D放工就好了~~~~~

乳鴨 week

星期四~小羊放假﹐所以佢黎左接我放工~~之後就去左沙田lu..好想食乳鴨所以去左唔知乙明村定沙角村既德記食~~太好味道喇~~有於只有我同小羊﹐所以另外叫多左個沙拉骨就算~~都係好正~ 如果再凍D 去呢D大排檔 dinner..飲番杯真係好嘆架

星期六....爸爸媽媽打牌﹐例牌唔煮飯~~點知爸爸媽媽買乳鴨做dinner...wow..我當然高興喇~~不過今次呢間仲好食過星期四食個間呢~~又大隻D添~~可惜媽媽唔記得係叫o羊名喇~~哈哈

今日一早去左接小羊放工...之後睇早場“死亡筆記2” ﹐原來滿座ar...都唔錯ar..我覺得係長左少少o者~XDDD 飾演“L”呢個演員真係好正 ar...hahaha..之後lunch 完就去左捐血喇~~姑娘竟然好快就搵到我條血管﹐而且仲一吉就OK...開心~~ 不過可惜我都係捐得比較慢﹐同埋只係捐左細包既血...希望將來可以捐大包既^^

其實家下隻手有D痛....唔打o甘多字喇

^^

豬先生~~~~

開心多麼簡單 那怕愛人平凡

A餐B餐C餐 原來無論吃什麼早餐

共你的每日都燦爛 而幸福秘訣太過簡單

於好處著眼

好味道的任食

之前係雜誌見到賣呢間野有日本野任食...仲要係係10月內去有40% off..計埋加一都係 around $125 左右﹐所以就叫小羊去 try la...

呢間野係TST﹐叫金田...要上3樓的~~一去到環境乾淨﹐D table 唔逼~ 基本上坐落都幾舒服~ 見到佢有好多張order 紙﹐好多好多種類 ar..而且d味道都好好ar..D 刺身好新鮮添~ 可惜我只係影左幾張pic..

yeah...正

不過最近呢~~我部電腦唔知係咪投訴我成日操勞佢反online game...定係o甲醋我有時同小羊出街夜晚無理到佢就訓.....呢排佢成日都發出好嘈既怨聲....>< 睇黎我係時候backup 定野lu..

乖喇~~你唔好死ar....