無題

激死﹐家部電腦又開始short short 地....擒晚好努力打完篇日記﹐結果突然hang 機﹐o羊都無晒 ><

擒晚同小羊打左波﹐好開心﹐亦覺得條neck 好似都OK﹐只係有少少梗....但起碼停左無做物理治療﹐都暫時無劇痛過~~

嘿~~終於到月尾~~等多5日又出糧lu...^^ 不過月頭都係慳D用好D~~等留番D$$ 月尾用﹐好似開心D

5號....期待中~~~時間好似過得好慢﹐但感覺已經好深...

註﹕delete 左一D野....XDDDDDD 唔講太多了

重要的日子

剛剛完成左小羊2日重要既日子﹐希望佢心情會OK 吧~ 當中亦有好笑既話題

飯局中堂哥講左一D相學既事...入晒腦添~~其實自己都幾怕聽呢D野﹐尤其當有D野講得好準既時候﹐就自然令你會相信晒其它既說話...

唉~~呢D時候....訓吧~~越諗越糊塗

又 try 新野

擒晚小羊接左我放工後﹐就決定去土瓜灣貴記買我最like 既牛肉包~~上左巴士之後﹐就上openrice.com 度 see see 附近有o羊好野食~~read 左D comment 後~就決定去紅磡一間叫“火土咖喱Earth N' Fire Curry”

address: 紅磡湖光街7號聯成大廈地下10A鋪 ( 仁孚車行T字路口附近 )

原因一﹕因為D comment有26個happy face...但0 個 sad face..
原因二﹕見到D人話做埋今個week 就可能會close..

由於我地都唔太認識D路﹐結果要靠問人同撞下撞下先搵到~~ 好細既鋪頭﹐只有around 12 個位﹐但就好有family feel~ 問左有o羊推薦﹐結果就叫左火咖喱牛腩同土咖喱雞~~

火咖喱係好似印度個D咖喱o甘﹐但食落有Dtomato 味道﹐好特別喇~~用黎點garlic bread 同酥烤餅簡直係一流﹗﹗﹗﹗D牛腩又好“林”~~~土咖喱個汁係奶白色﹐無火咖喱o甘有驚喜~~但D雞係超滑~~~都好正﹗最後仲食左甜品~係什麼rum 酒奶凍添~~~埋單$111 ~抵

之後再同個度既人傾左兩句~原來係因為租金問題可能會結業~~最後我地都留左email...希望會收到重開既消息喇~ 今次小羊食家既評語係﹕好正﹐如果繼續開業會try 其他野~~ 兜o甘多路先搵到間鋪都值得﹗

哈~~其實有好多地方想同佢去try 喇~~~排隊中^^ 其實有時去到D 平價既restaurant 而又食到D好好味道既野~~個種開心會比去D貴貴食店高興1000000倍喇

嗯~~下次去小羊想 try 既冰室先~~

呀~~~不過之後行上火車站﹐經過大酒店又記起阿婆﹐仲眼濕濕添~~好似每次經過都係o甘....好彩有小羊安慰我﹐多謝晒^^

星期4

點解今日唔係星期 five....哈...真想放假

今日同小遠係msn chat 左幾句﹐佢都覺得只從我同左小羊一齊之後﹐真係開心左好多好多~~嗯嗯~~呢個我10分認同~~真係好開心好開心

小遠份人D C想﹐有時真係激死你~~但呢個朋友真係好好﹐一個用心同自己做朋友既人﹗我永遠都唔會忘記之前係我唔開心既時候﹐暗地裡幫我對某君“線”了佢一野 XDDDD

呢2日唔知點解好深刻o甘想起阿婆...嗯~~希望大家珍惜眼前人^^

2月21日

擒日因為一D好邪惡既原因﹐10點先番公司~~唔知點解好多野跟﹐結果全日都有不停做野﹗夜晚去左打波~~好開心啦~始終活動下好D~

嗯~~表弟真係結婚了~~原來已經book 左07年3月既酒席 ~ 聽到都o華左一聲~~surprise 既係以為講下﹐點知轉個頭就已經搞好晒lu...哈~~其實對與我黎講﹐佢幾時結婚對我都矛影響既~~作為表姐既我﹐肯定有阿爸阿媽幫我比禮金既~XDDDD 呀~~anyway...恭喜佢地先~~

不過每次聽到結婚呢2個字﹐總會令我諗起阿婆﹐諗起自己對佢既一D遺憾......嗯~~突然想哭添

朋友過幾日就第一次上女朋友家食飯啦~~放鬆D啦~~唔水o甘緊張wor..佢肯同家人講你呢個人﹐又比你見佢家人﹐絕對係對你既一個肯定啦~~ take it easy!!第一次見人﹐記得唔好兩手空空上去呀^^

小羊的生日

擒日終於到左小羊既正日生日~~當然又花左好多心機去安排同搵D好既野食~~XDDD 結果又下海又上山~~details 唔講啦~﹐反而想講下擒日食既lunch 同dinner...因為真係好正呢~~

lunch..我地去左一間鵝肝專門店(係中環架~~)度食~~食左鵝肝~燴飯~甜品~真係正爆呀~~









60g 鵝肝~ 好正好有鮮味~又唔太“漏”~~~超好味 (不過我就覺得太細件~~)










麵包~~好新鮮﹐但個牛油仲正﹗而另一個係燴飯~~雖然我麻麻地食菰類~但我都覺得呢個燴飯好正~ 不過個D煮到好熟既鵝肝反而麻麻











甜品係~~~超好味道既青蘋果甜品~一個係雪葩﹐一個係蘋果批~﹗

由於我同佢都鍾意食鵝肝﹐所以已經講好下次帶佢去青衣另一間試~~仲希望搵次機會可以係supermarket 買番home 自己cook 啦~~嗯~~講完呢餐lunch~~~要講下dinner...本來家姐介紹左 Tony Roma's 比我﹐但去到CWB﹐竟然發覺已經close 左~~後來四圍行﹐就決定去Outback lu..因為矛定位﹐所以等左一陣先有位﹗同門口個姐姐講﹐生日係咪有蛋糕送﹐結果佢話送 dessert 啦~由於西餐份量好大﹐結果我同小羊只係叫左2個菜











Cheese fries..自從上次食過﹐就好想再食~~個薯條本身已經好好好好味~~我同小羊都不停食~食~食~小羊食家既評語係“好味”











中間有salad 同麥麵包~~ 個salad 真係麻麻﹐D菜有D苦呢~~但個麵包...小羊好鐘意喇~~唔覺唔覺﹐一個10寸長既麵包佢竟然食左6/8...我食左1/8~~~ 大食到丫~











之後4成肉眼扒加阿拉C加蟹~~個扒反而普通﹐雖然話普通﹐其實個扒都既新鮮好有肉味~只係可能個薯條太好味道啦﹐小羊食家評語係﹕“個蟹太咸~~”














後來叫上埋個 dessert la....以為係送既﹐應該只係普通一片cake...結果竟然一個full size dessert...哈~~仲插左蠟燭~唔知小羊許左o羊願望呢﹖﹖﹖﹖講番個dessert...上面係cream..中間係雪糕﹐下面係熱既蛋糕加朱古力甜漿~~一食落口又熱又凍~~超驚喜啦~~本來一早話左飽既我~都忍唔住食左好多啖~~小羊食家評語係﹕“好有驚喜﹐好味道﹗”

嘿~~食左好多好野既生日﹐唔知小羊覺得如何呢~ 希望佢會覺得難忘同開心啦~~擒日既所有洗費~多謝大財團支持~~希望以後繼續多多支持XDDDDDD

第一次小氣~~~

><~~ 小妹擒日第一次對住小羊小氣了~~哈...SMS 問題~不過 我相信小羊會明白點解我會有o甘既感覺既~~~不過~無論我自己既想法對唔對....我都有同番小羊 say sorry^^ 因為始終都叫左小氣-ed XDDDDDDDDDDDDDDDD 不過, 係笑住黎小氣~ 完全無鬧交成份的XDDDD

擒日小羊D朋友唱K慶祝佢生日~~好開心~~啤酒反而唔係飲左太多~~歌亦唔係唱好多~~嗯﹗最近開始發覺飲左啤酒好似會皮膚敏感添~ 呢個有待證實.....結果2點幾先番到home^^

呢排唱K...好似唱得差左好多~~~要唱番多D先 duck!!

當找到你~~~^3^~~真幸運~~真開心

2月16日

最近又好似變番日日update Blog...其實最主要..除左因為有開心事同大家分享外﹐亦因為太子son 連續幾日唔係office...WoW...無左太子son , 我既番工生活變得更空閑XDDD

講番擒日先~~~哈哈~~因為D大阿頭全部唔係office...lunch 完左竟然同小羊反山豬~勁搞笑﹐又影間office 同D同事比佢見 XDDD 真係 free 爆~ 反到矛晒電﹐就上網喇~~準時5﹕30就回家了~~之後夜晚帶左份生日禮物去佢家樓下...(o烏~~矛得上佢屋企 ><~)﹐then去左打波~~擒晚打的好開心喇~~希望可以繼續打落去~~

夜D﹐又反山豬~~見住佢開份禮物...唉~~~佢都好似矛o羊驚喜o甘既.........(講笑~~)

今日...係公司上網搵工 XDDDD send 左幾份resume 出去~~預左無回音﹐因為我set 到個人工好高XDDDD 唔緊要~~try 下o者^^

開心情人節

擒日係我同小羊既第一個情人節~ 其實之前已經商量好左唔慶祝﹐所以都矛點安排到節目~

勁搞笑﹐D同事4點左右call 左下午茶...結果5﹕30都未到~~o甘我sms 話比小羊聽我要遲5-10分鐘先可以落到樓...點知sms 左幾句﹐小羊就sms 我話下午茶上緊黎~~感覺好好笑啦~~佢好似警察做緊野o甘~~通風報信XDD

小羊接左我放工之後﹐就出左TST~哈哈~~果然係奇景...平均每行20步﹐就會見到有人手上面lek 住紮花~~XDDDD 見到o甘多女仔收花~~我既羨慕指數大約係....2左右啦(10係滿分)~ 可能始終情人節送花﹐我會覺得好無surprise...同浪費$$...而另一個原因係...我矛見到人lek 住一扎向日葵既花 XDDDD 因為講好左唔慶祝﹐擒日我o羊都矛送呢~~~(要送既﹐已經送了~XDD)

之前見過報導一間叫“咖喱工房”既餐廳﹐打算去try 下~但行左幾條街﹐搵左一輪都搵唔到﹐後來覺得應該係執了~~~所以改去左另一間食拉麵既地方~(飲食男女介紹既)...唔算等得太耐...本身我自己唔多食拉麵的~不過都去try try la.......果然我係唔like 的~~原因係D麵有我最怕既生麵味道....結果分左半碗比小羊~~XDDDD 小羊食家今次既評語係“OK啦....”看來都係矛下一次XDDDDD

之後去左LCX...買禮物比朋友仔~~over 左budget 添~~不過算啦﹐係送比我最好既朋友...

之後再坐巴士去深水PO 食糖水....小羊係bus 度訓到傻了~~~之後~食完就回家了~~~番到去竟然收到小羊既邪惡驚喜禮物一份~~好好好開心啦~~最估唔到係竟然送佢比我XDDDD~ 擒日雖然平凡地度過﹐但我真係好開心~~~開心到哭了~~^^

PS...小羊擒日起身又矛sms我﹐我打比佢時講野又古古怪怪﹐原來係靜雞雞去左買禮物比我~~^^好多謝佢呢份心意啦~~~超感動~~^3^~ 不過見到佢最近成日都唔夠訓~~好可憐呢~~

開心元宵節

2月12日...係元宵節加小羊既舊曆生日... 本來諗住係佢正日先去南丫島反 ~但望下個天氣預告﹐話下星期會落雨﹐所以我就突然改左2月12日同佢入南丫島反~哈哈~~~

朝早接佢放工﹐就係附近飲早茶~~正﹐有我最like 既燒賣~~~之後就搭車去中環坐船了~~~哈哈~~當日既情況唔講太多啦﹐始終都係留番比我同佢自己回味啦~~但真係好開心 lor..我仲比左D驚喜佢添 ^3^~~ 為左呢個驚喜﹐其實我都安排左好耐..(安排好耐係因為要我家姐協助我 ~~真係好多謝我家姐啦~~)..而且又因為突然改日期去南丫島﹐差D連呢D驚喜都準備唔到添 ><~~ 哈哈~~其實自己一路都好緊張﹐而安排既過程又好開心~~希望小羊都會覺得開心啦^^

















之後本來諗住叫佢送我番home.. 比多一個surprise佢架﹐不過佢太累啦~~所以我最後叫左佢回家休息...嗯....D驚喜斷左一關添 ><~~

好好好好開心既一日~~~

哈~~擒日﹐佢唱K~~竟然錄左佢自己唱既“當找到你”比我聽~~勁開心~^^

今日係情人節~ 係公司都幾多野做...又好多人msg 問我今日有o羊節目~有矛收到surprise...有矛收花~~XDD 其實今日都矛打算慶祝lu~~~我覺得一齊過就OK了~~~Surprise 呢D野﹐都係平時收會開心D啦~~~希望大家都過一個開心既情人節啦^^


嗯嗯~~呢2日有D忙﹐所以矛睇報紙搵工... 嗯﹐過埋呢個星期要開始搵了~~~擒晚打左羽毛ball...條 neck 好痛 ><~~~救命呀

一週總結

雖然開心打左波...但換來既代價係條neck 痛到痴線....唉...條neck 幾時先好呢~~太貴了~~看來真係要換一個平D既地方做...好彩朋友有介紹﹐都係決定去try try 先... 其實擒日都去做左治療﹐但今日依然覺得有d痛...唔知係Tony 刮完沙﹐係應該有既感覺﹐定係我既情況又變番壞呢﹖﹖﹖﹖ 不過..刮沙其實都幾痛的﹐之後仲會紅晒...刮完之後比小羊形容為...放左塊肥牛係膊頭度XDDDDDD

當然...又開始想轉工....嗯...應該會努力去搵喇~~~希望搵到沙田區喇~~

仲有擒晚又同左小寶 and 西爺去大排檔~~好開心呢~~~呀~~仲有擒日同小羊影左卡呢~~對上一次影已經係年幾前...嗯﹐我都係對呢D影相卡麻麻(尤其因為影得我好肥~~呵呵呵呵~~)﹐而且太刻意了~~都係鐘意自然用電話 or 相機影好D~~~ 哈哈~~不過呢張卡﹐一定會好好保存的

下個星期...實在有好多興奮既日子喇~~係小羊既生日week 呢~~~哈哈~~~

嗯~~~繼續過緊超開心的日子~~~~~~

第一封利是 XDDD

哈哈~~辛苦的星期一~~辛苦係因為要起身番工~真係orange ar...不過好彩因為新年過後都有D野要做﹐所以唔太悶呢~~~ 其實都幾開心﹐因為有得逗利是~~~然後不停同其他同事講...今年雙春兼X月~~快D結婚下年派利是呀XDDDD

不過前幾日同家姐講開﹐原來家姐D舊同學(我都認識既)~有兩個已經做左媽媽了~~~好明顯我阿哥阿嫂唔會有BB~~~所以真係希望家姐快D有~~~呵呵

突然見夜心講起打羽毛球﹐突然心動想去添~~其實都已經好耐矛打過了~~而且又好耐矛做過運動﹐所以最後都決定去了~~~小羊都有去喇~~平日通常都係行街食飯﹐今次一齊去打波﹐原來都幾開心的~~

打波由9-10pm...之後就上左小遠家拜年~~其實一早就想去~~開門見到BB~o華~~真開心﹗點知BB見到小羊...竟然又好似上次o甘變得好怕醜呢~~真搞笑~後尾小羊剝瓜子畀 BB 食, BB先夠膽同小羊反下咋~~~XDDDDD 嗯~~ 我都係擒日比左我呢生人第一封利是,而得主就梗係BB喇~~ XDDDD 坐到十一點零﹐就走了~~之後陪左小羊搭車番工就回家了~~~~

今日既活動真開心~~嗯~~see see 安唔安排到﹐將來繼續番打波先

2月5日

很有紀念性既一日...

我相信身邊既朋友﹐都會發覺自從我拍拖以來﹐明顯比以前開心左好多好多~~~對~呢個我自己都深深都感受到...哈哈~~宜家每一日都過得好happy...有一個好關心自己人係自己身邊~~^^ 其實我都有D surprise..唔知點解佢既出現﹐令我無聲無色o甘改變左好多....

因為以前既經歷﹐我知道自己係一個會o甲醋同對情人既女性朋友好有戒心既人...但對住佢完全矛左呢種感覺...唔知係咪因為佢比到我好信任既感覺呢...以前﹐自己對節日都有住好多希望...希望同對方會點樣好sweet 好sweet o甘過~~~ 但同小羊...我覺得只要拖住佢隻手已經好足夠~~ 唔係因為自己降低左要求~ 而係佢比我覺得...可以同到佢一齊已經係一件好開心同好幸福既事...呢D節日...根本已經變得唔重要lu~﹗以前...我唔太鐘意影相(影自己~)...但宜家好鐘意同佢用手提影..好想留底我同佢一D生活美好既片段~~

雖然我係一個重色輕友既人(哈哈哈哈~~)當然我都矛忘記我D朋友仔啦~~得閑 call 我出來呀~~

大懶人~~XDDD

哈哈~~已經好幾日矛update 呢個日記...好明顯已經有D塵 omg 住左 XDDD

期望已久既新年假期....不經不覺已經到最後一日....呢個holiday 過得好開心啦~ 去左行年宵啦~~雖然好逼~~但逼得好開心^^

初一....家姐同阿哥例牌一早番黎home 拜年同派利是比我~~yeah~~~ 最搞笑都係阿爸又開到聲叫我快D拍下拖了~~~一齊係home食完lunch, 阿爸同mom 就上左大陸....我又開始左一年幾日得自己係home 既新年啦XDDDD 後來因為lunch 食得太飽~~又係bed 度懶床懶得太耐...差唔多10點先出去商場買野食~~ 後來去陪小羊搭車番工~~ 高興 ^^

初二同小羊係船度睇煙花~~雖然係船睇矛o甘多人﹐但就矛o甘好氣氛...下次都係寧願同人係灣仔逼好過 XDDDD 之後因為紅磡碼頭落船﹐所以就係黃埔行左一陣~ 行完就回家了 ~~嘿嘿

初三...本來兩老今日番﹐結果買唔到船飛~~就通知我係大陸住多一日~~~我矛所謂啦~結果個日夜晚搵左阿東同小寶一行4人去打邊邊~~結果打完之後﹐又出左去MK 飲野...唔知點解飲完超眼訓...一番到home 就攤左係 bed 訓著了

之後既日子....遲D再打.....

今日初六...難得我可以平日放假﹐所以就去左等小羊放工﹐一齊食早餐~~之後就回家了~~不過擒晚發夢...好好笑的“椰林閣”夢....但唔能夠打出來 XDDDD

真係過左一個好開心既假期 ^^

我想所有下雨天 我可這樣凝望你
我想跟你明日昨天 一起吻晨曦
我心一向沒變遷 我不當是遊戲 世間爭先要新鮮
我只要你

難數清愛你幾多 只知每日更多
而你是燃亮這生的歌
靈魂再沒還欠甚麼 當找到你
如若話別日子不知怎過

我想於世上每天 你准我在旁伴你
我想跟你同行互牽 一起笑和悲
這雙肩膞為你堅 有風有浪仍護你
世間爭先要新鮮 我只要你

我想一起過陰天雨天和晴天