試食 - 4 一平安拉麵

突然好想食拉麵...本來排隊等橫綱拉麵...但有排等....結果去左Elements 既一平安試食~ 個度出名既應該仲有串燒...不過想食既竟然無得order...

我食既係雞蛋拉麵(醬油湯底)...雖然我好鐘意食日本野...但拉麵其實就真係唔like...所以我都唔識得話好唔好食...不過個湯底好好飲...叉燒都唔錯~ 另一個麵係唔知o羊(類似雜錦o羊都有)...配豬骨湯底...又係好好飲 ...

後來加個餃子...正呀~~皮好薄..

不過價錢算貴~~夾埋$188

下次再去會試下食飯~不過拉麵就未必再會食了

頸痛~~~~

舊患最近覆發...持久既頸痛....

真係好辛苦.............>_<

呀~~~~~~~~~~

年初三

年初三...一早去飲茶...之後就出發去寶墨園, 個度好令架~~好適合去影相...有水有橋有石...我好鐘意呢個地方呀~~~

關於寶墨園~~
http://forum.sina.com.hk/redirect.php?tid=2431&goto=lastpost

最後去左按摩...然後dinner...行程完畢...原來小欖D 野食超級好味架~

真係要好多謝堂哥堂嫂5伯5伯娘既款待^^

年初二

年初二...6點幾就起身..坐8點5分既車去小欖...共用左3個hour 就到喇~~ 好凍好凍...凍到都唔願去影相...第一站先去check in...之後去左水鄉...好無聊的地方...係有得睇下D 水上人家點接新娘...而且又凍..去完之後就去番禺睇大馬戲....超好睇呀~~由於太好睇....都無影相XDDD

年初一

年初一.. 阿哥家姐番黎拜年~~好開心﹗朝早好忙幫媽媽~都無時間同小寶反...之後同大家反wii..開心開心...夜晚好早就訓...因為之後陪阿爸阿媽番大陸玩兩日

祝大家新年快樂~~身體健康~~^^

試食 - 3 得龍酒樓

因為食厭左新年套餐...最近既節日聚餐都由我去搵新野食....今次好難先tum 到家人去得龍酒樓...因為佢係一間好舊好耐既酒樓...家人成日都怕唔好食...最後都比我tum 到 yeah!

是日點菜...(自己match 番張相喇) - 9個大人用
1) 古法太爺雞 1隻 <-- 媽媽爸爸話隻雞好麻嘛...唔吸引
2) 大良野雞卷 <-- 其實食完唔知食左o羊...一舊炸粉加D肉o甘喇
3) 荔戶鳳尾蝦 <-- 哥哥大讚...D戶頭好溶好滑
4) 芝士局皇帝蝦(連E面) <--- 全部人一致讚賞
5) 秘制雜菜煲 <-- 家人話個汁好好食呀~~
6) 蒜茸豆苗 <-- 菜一碟...無o羊comment
7) 燒鵝 半隻 <-- 好食wor!!!!!!!!!!! 好脆皮
8) 砵酒局桶壕 <-- 呢個又係讚~~ D 蠔佢炸到個邊好脆...酒味適中
9) 蟹X蒸糯米飯 <-- 好味...個糯米飯好正~唔硬...仲好juicy 添XD
10) 山楂咕嚕肉 <-- 網民激讚但我地覺得普通
11) 水晶飽 <-- 唔會過甜~ D 函料好滑

另佢地送既難食紅豆沙 同 好香既桂花糕
承為$13XX...
你話佢全部野都好食又唔係...不過我覺得試下都OK...分量唔大但少食多滋味...yeah

新年快樂~~^^

2009年試食 - 2 哈根帶C

人總會做D 無聊又或者好side 錢既野~~~最近我就去左食哈根帶C 既all you can eat..$89 加一...我話無聊係因為平時我超少食呢度既雪糕..........去既目的其實只係想瘋狂食雪糕一次...

已經預計食雪糕會好漏...所以同自己講食8成飽就算....然後預左肚食燒賣.....中間因為好凍又飲左好多熱水.....最後係8點幾9點既時候已經覺得有D肚餓....哈哈~ 雖然無聊...但都係一個新嘗試喇...當然佢既雪糕都一向係信心保證...最估唔到既原來佢個vanilla 雪糕幾好食架..因為平時一定唔會揀食佢架嘛

雪糕呢家野....都係少食會覺得開心D ^^

悶的一星期

由於D 廠開始放假...我係公司亦無o羊做.... 好悶呀~~~~~~~~~~唯有不停上網...不停搵人chat...快D番埋呢幾日工喇...頂唔順呀我

本來新年番大陸既安排取消左lu... 因為天氣預報話新年會落雨...所以媽媽話唔好去喇...嗯~等我睇下可唔可以安排其他節目比兩老先~~

六合彩無人中呀~~大家記得去買喇~星期5搞珠...頭獎有7千幾萬呀...其實我唔貪心架~比我中個2獎3獎幫補下我將來既洗費已經好夠喇

星期六/日會凍呀~~大家記得著多件衫....哈哈~ 唔知點解我家每一次有大family gathering....天氣都會突然變得好凍....今次又係喇~~我地家既胡小姐果然係寒天小姐呀~~又要幫佢著到一隻粽o甘喇

30間新食肆...生日post 過一次之後都無post 過....XDDD 開始有D擔心添

眼訓

呢排唔夠訓~~真係超級眼訓呀~~不過好開心天氣終於回暖喇...感覺好舒服

新年突然多左兩日假....本來想陪兩老去旅行...結果全部想去既地方都full 晒....中國地方我又唔想去...結果都係要取消...唯有改為香港離島一日遊喇...不過原來講講下...過多一個星期就新年喇....真係好似太快喇...

已結婚既朋友...請記得準備你地既利是喇~~^^/

@@

EE~~~ 原來好多日無寫blog..我都完全忘記左...不過呢排無o羊特別...最特別係講擒晚

擒晚3個同事幫我補祝生日~放工之後去左又一城既Little Italy 食~ 好開心呀~好感動佢地對我o甘好...餐廳D人仲唱生日歌我聽添~終於吹到蠟燭喇^^

食完之後去左灣仔搵班舊同學~ 因為Wynne 番左黎香港呀~但佢好快會走啦~對上一次見佢已經係10年前...所以無論幾眼訓都要出去見佢喇...大家一班舊同學傾計講笑好開心呀~ Wynne..希望下次唔水再等10年先見到你喇

開始holiday mood....準備迎接新年喇

生日快樂~~~

終於到我既生日喇~~

真係要好多謝大家既生日祝福...講真架~我聽到睇到大家同我講生日快樂既時候真係好開心...其實真係唔知開心定唔開心好~ 有D 你視佢為好朋友既人...明知你生日連生日快樂都唔講一句....或者友情呢樣野就係o甘喇~ btw...我係好記仇架XDDDD

見到包祝我食多D好野~真係覺得好特別...但我又好鐘意wor..我決定今年既目標係由生日呢一日開始...呢一年要去試30間未試過既食店~ 要影埋相同大家分享~~ 無影既就唔計

生日~多謝圓面既安排~~竟然去左愉景灣...@口@~ 原來個度都幾舒服架~又係好外國既地方~有一個無沖涼地方既沙灘 (即係唔可以去晒太陽>_<)~ D屋又好令~ 全部食店都好外國feel 架~ 當然亦有好多人養狗同帶D狗狗去反~~ 其實小朋友去都唔錯架~~

好~~試新野第一炮~ 去一間叫 "Zaks" 既食店~ 其實我有留意呢間~ 因為之前都諗過去...亦係愉景灣最多好comment 既地方~ 入到去已經成點幾~~簡直係如餓鬼一般 ...不過都唔敢叫太多~ 因為知道D份量會好大~ 最後叫左 Zaks Skins (即係薯仔連皮) 同埋一個 Zaks club house pizza (唔太記得名lu) ~ 最後再加多一個chocolate pudding

可能期望太大喇~ 我覺得D野都係normal... 個薯皮既cheese 好味~不過本身唔夠味~ 如果加少少鹽應該會好味好多~ 而個pizza...好一般XDDDD 最後個甜品...古力味好濃但好漏...不過環境好舒服~坐得好開心呀~

夜晚就去左九龍灣行下~之後去板長...食我最鐘意既日本野~~開心^^

扣左10萬分既生日慶祝~~多謝晒

意料之外

我以為我既生日週會好寂寞...結果意料之外.....

舊同事Ram lunch 過黎搵我食lunch...好朋友Vivian 同阿4 夜晚請我dinner...李生同我食蛋糕....仲有一大班newsgroup 朋友預先同我講Happy Birthday...

今日亦請左兩老去食日本野...雖然埋單成7百幾蚊...不過我覺得值得...我開始覺得自己既生日真係應該要多謝父母....

其實我好怕寂寞...多謝晒你地令我覺得好開心

嗯~~多謝晒﹗!

生日週

經過兩日既骨膜炎.....今日終於好番....太好啦~

踏入生日週...無o羊慶祝...........巧寂寞...

上一年經歷左好多野....感受好深....希望我可以變得成熟~ 唔好再EQ 低...變得開心

最近阿哥成日刻意寸我點解無街去>___<

算吧.........

卷被節快樂

= =

估唔到新年要做既事係去睇醫生...

前兩人覺得唔舒服...個心 un 住唔順....擒日都仲有少少~ 以為無野...點知擒晚開始個身好痛...但我又無撞過...R 晒頭...直頭唔可以轉身...透大氣好痛....搞到訓唔到

唯有一陣立刻睇醫生~~其實都唔知應該睇o羊科....鐵打﹖西醫﹖點都要睇喇...我係怕D 骨頭有時o者

>____< 嗚~~~

2009年第一篇日記

每年既一月一號....都係好有意義...因為係兩老既週年紀念....無左佢地...就無我地3兄妹....好多謝佢地建立左呢個o甘齊整既屋企比我地....

每年阿爸都會送花比阿媽....可能已經係我阿爸最有情趣既事...每年同一日都收一扎花...我以為阿媽已經覺得無驚喜覺得悶...但每一年見到阿媽開門去迎接份禮物既時候....就睇到佢係幾開心...

Mom and Dad...I love you ^3^