多謝~~~

呢篇日記係要多謝小遠幫我整番部電腦...令到我部電腦重生了~~~yeah yeah... 哈哈~~小遠實在太好了~又幫我買埋野﹐又上門整埋...整左成3個hr﹐12點幾先係我家走

1000000000000000000000000000000個thanks 小遠~

★身邊有這樣的女生 別讓她跑★

★身邊有這樣的女生 別讓她跑★

1.她長得真的不怎麼樣，但你卻覺得她愈看愈順眼。家人朋友也愈來愈同意你的觀點，而且她總是可以和大家相處得非常愉快。

2.她的身材不是很好，甚至還有些胖，不過當你抱著她的時候，心裡面卻想，胖胖的抱起來也很舒服。

3.她常常會和你吵架，但每每吵完之后，你總是會發現自己好像真的有那麼一個壞習慣，是以前沒這感覺。.

4.她每天都要你說"我愛你"，但在情人節時，卻又提醒你那花雖然美但比平常貴三倍，不用去花那冤枉錢。

5.你總覺得她一天到晚嘮叨個不停，但你也發現，你時常忘了去做的事，總是在她嘮叨時提醒了你。

6.你覺得她有時簡直像個男人婆，就是少了一點女孩子應有的溫柔，不過有時你也覺得，她就是有這樣的"男子氣概"你才覺得她很可愛。

7.她在生活上事事都要依賴你，但當你需要意見時，她總可以給你有相當想法的建議。

30/5

擒晚約左 Jerry dinner...放工之後就立刻出TST 了~~ Jerry 送左好多大口仔比我~~多謝晒你喇^^~~ 哈哈~~餐 dinner 食得好開心~係pizzahut 食...pizza 始終都係多人食會開心D~ 遲下再約出黎飲野吧﹗dinner 完Jerry 就走lu...之後我同小羊就行左一陣TST...行左一陣海旁....擒晚天氣好好~有風...感覺好舒服~ 之後就送小羊番工....可能有D累...擒晚一訓就訓天光 lu~~~^0^

今日放工....小遠會去我家幫我整電腦~~辛苦晒喇﹐又幫我買野仲幫我整埋...感激感激

聽日放假.....嗯......大家休息休息喇....之後成個6月都矛假期 ><~~太苦了

小器的人係矛人會鐘意的...呼................

開心星期five...

開心星期five...一朝早9點鐘就同客開 telephone conference..通常我都係出值而又唔會發表任何野既人~~XDDD 之後開完都已經10點幾~開工check email...搞呢搞路~好快就到lunch time...下午唔忙~ 同D同事hea 下就到5﹕30立刻放工~~哈哈~~小羊今日做物理治療﹐所以飛快去沙田搵佢喇~~ 見到Tony..Tony 以前都有幫我做物理治療架~所以我都認識佢...哈哈~~一個個樣好怕醜但其實好健談既人~~

小羊做完物理治療就出左去MK~~先去左食龜令膏....今次去Edmond 介紹個間~$25一盅...D味道好唔同~~竟然有D酸味 @口@...越食越難啃~~但我都堅持食晒

之後就行街陪小羊夾公仔...我又買左3...係AC米蘭既女裝球衣3..原價$280 減價到$195~~正 ... then 週圍搵野食﹐最後去左一間平價既日本野...但味道都不錯...等我電腦好番﹐就upload d pic 寫report la..

之後就回家了~~氣死人~~擒晚坐巴士差不多到站﹐我就行出去準備落車....點知架車超級急停...
好彩我一路都有渣住sit 位D扶手..但由於真係停得好急~~沖力好大~~~扯一扯隻左手! 落車之後﹐到now 呢一刻..開始覺得隻左手怪怪的 >< 版友話可能係用力太大~~遲D會無事...

哈~~今日星期六~~下雨天...sad..

eee???

差D遺忘左自己係要update 日記~~矛辦法喇~呢幾日矛街去又矛電腦用~~日日都好早就訓左 lu..

終於決定唔理哥哥既說話~~麻煩左小遠幫我買底板~~辛苦你了~~ ><~~

期待快D到聽日~~~可以去街街lu~~~~yeah yeah yeah

- 完 -

希望可完成的事....

1) 捐血
2) 洗牙
3) 驗身
4) 剪頭髮
5) 買電腦
6) 打多D波
7) 皮膚..快D好番
8) 唔話你聽~~~

暫時係o甘多

沒有電腦用的一天

無電腦...所以無得update 個日記.....直到今日係公司先可以......

其實無電腦都OK既...只係月頭會比較麻煩...因為月頭我通常都要用電腦交卡數...過數等....><~~ 公司電腦又log-in 唔到wor..如果到時仲未有得用﹐就唯有去朋友/ 姐姐家借電腦用喇...

星期六同左同事去BBQ~~~他媽的....放工搞完一輪...等呢個等個個後﹐結果成3點3先去到龍鼓灘...大家都餓到7彩....當然快快手燒D快熟既野...不過好彩都幾涼快...仲有微雨添...可能遠喇...都好平﹗$68 包一支水再加2罐汽水...不過其實我覺得D野食麻麻地~~~結果燒到5點9左右﹐就跟左同事車走~~去左屯門行街~~好耐無去過了~~~

星期日好早就出左發~~因為同小羊去“峰壽司”食野喇~~太正了~~雖然影左相﹐但暫時無辦法upload 上黎~~遲D有機會再出report 喇~~之後同睇“萬世歌王”...都不錯~~中場仲有免費beer 派添 XDDDD 期待11月個show!!!! 星期日70%時間都好鬼大雨...基本上個身都好似無乾過o甘........夜晚去左小羊婆婆家dinner...好開心喇~~其實都有D緊張的XDDD

星期一........唔話你聽我做過o羊XDDDD 夜晚dinner 完去左商場買古力~~haha~~~開心~~^0^

yoooooo ha~~~~

星期六~~~

由於家部電腦死左...未安裝得番個 window..所以係home 無電腦用~~一切都要靠係番工時上網 lu..

今日星期六~~放工會同D同事入屯門 BBQ~~ 係龍鼓灘~好鬼遠ar...好彩有車~~好似總共有16個人去~~(因為都叫左D 走左既同事)...哈哈~~~今日都幾清涼﹐希望唔好落雨喇^^

聽日又會去香港島睇show...之後夜晚會去小羊婆婆既生日dinner...講真的..心情有D緊張......um...點都希望留個好印象比小羊D家人嘛~~

ar................迷茫中~~XDDD

星期四.....

今日太子son 不在....所以日記都寫多左一篇....

我...做了一件好事...

其實上星期係家對面等小巴既時候﹐見小巴未到就四圍望...見到張街招...通常我都唔會望.....但可能個日真係好無聊﹐所以就去望下﹐內容係唔見左隻松鼠狗...隻狗剛剃毛....之後我望完就算了

點知...之後幾日...小羊話我聽佢係MOS 谷出唔到post...原來佢想forward 個post 去MOS谷度...內容係有人執到隻狗...當時我又係聽下就算....

直到前日...小羊將個post post 左去我度..一望之下...發覺D description 同我之前見到既搵狗狗街招真係好相似...結果我擒晚又再一次去小巴站附近望望個街招係咪度....然後打左個電話比狗主...
我同個狗主講....對方只係留左email...但我發覺原來狗主不太識得用電腦....結果我就幫埋對方寫email 比個個人﹐留低左狗主既電話希望佢主動聯絡番狗主....

結果頭先收到"個個人”既email..話已經同狗主聯絡上﹐並證實左狗狗係對方的~~好開心喇~~終於可以團員了~~XDDD

自己幫到人....我覺得好開心 ar!!!

狂想

對於我黎講﹐狂想係一D無可能發生既事吧....XDDDDDD 但...就比我狂想一下喇
念力~~念力~~念力~~念力~~念力~~念力~~念力~~念力~~念力~~

1) 電腦突然無事

2) 瘦D~瘦D~瘦D~瘦D~瘦D~瘦D~瘦D~瘦D~瘦D~

3) 皮膚好D~(無望喇~~我D皮膚係細個時已經好差)

4) 對眼大D~~~ 我發覺帶左20年眼鏡﹐對眼已經無晒神 ><~~

5) 上班五天制....

發夢完畢...

星期三

你有無發覺宜家D時間過得好快呢~~~好似我每個星期二都會同媽媽食晚飯....擒日係沙田等緊媽媽既時候﹐想起上星期二去左太興食...感覺好似係擒日發生既事黎咋wor......點解o甘快就一個星期既..????

今日無掛8號風球~~相信好多人都會好失望~~~不過我覺得無所謂喇﹗但今朝太好訓....唔記得起身番工了~~~ ><~ 好彩end up 都無遲到

ar...最近總係覺得身體怪怪的........um.....要快D買份醫療保險先得﹗﹗好想D皮膚敏感快D好~~~快D好~~~快D好~~~

沒有太多野寫的星期三.....仲有75分鐘放工~~一陣放工去小遠到借碟....電腦又壞了~~需要求救小遠again.. 麻煩晒小遠喇 ><~

我........我會買電腦的﹗﹗一定會~~ 但係我未買到之前...麻煩各界人士繼續幫幫我吧...XDDDDD

星期二~~~~~~~~~~~~

擒日放左工﹐就去左小遠home 同我個哎呀契女反~~ar..BB又好似高左D~講野仲清楚左好多添XDDD 真開心~~BB仲主動拖住我添ar~~^0^~反左一陣﹐就同小遠一齊返新港城等木馬同 羊~~最後決定係維苑食...大家竟然唔知有呢間餐廳...汗 = ="

有於木馬要早走~所以都唔係坐得太耐~~不過間唔中o甘樣meet 下﹐都幾好~~ 之後我都同小羊行左一陣﹐就閃番home 了~~番到home bath 完...開唔到電腦 ><~~結果就出去watch tv...竟然9點半左右就開始眼訓...所以上床了~~點知訓緊中途小遠打黎...原來係BB~~同BB傾左一陣~~好開心~~BB仲話星期7 (矛錯~係星期7) 帶小妹姐姐去騎木馬ar..xDDD 傾左一陣收線~~又訓過~~直到10點9 morning call 小羊番工~~....用完呢啖氣力打電話...之後我就昏迷左~~連小羊sms 我都feel 唔到XDDD

今日大家都係講緊會唔會打風~~um...機會好似越來越渺茫XDDDDD

lunch 時講起星期六既BBQ....大家都發現無人負責安排...想叫我做...但我死都唔肯~~原因係我根本唔想去到屯門燒吧~~對我離講實在係太遠了~~我同D同事講﹐如果去屯門我唔會負責搞架~~哈哈~~無辦法喇~~而且我都唔想整到次次都係我做搞手..............

ar....太子son 個公公走了~~大家都夾$做帛金同花牌....um...突然間又想起婆婆既事...我記得個時婆婆走左...當老闆娘知道後﹐同我傾左幾句...都有mention 過佢爸爸都病左好耐.....ar...唔知婆婆點呢~~~我估一定同公公一齊過得好開心~~

下午4﹕15.............太子son 不在....輕鬆等放工~

星期一

擒晚飲左2杯五花茶....再加2杯水﹐結果到有D反胃感覺~~可能係一時間灌得太多液體落個胃到吧~結果搞到今朝起身都仲係唔太C服~~~番到公司...無胃口食早餐.....基本上連講野都唔想講....個種反胃感覺令我係唔想mak 大個口XDDD

不過好彩下午已經OK...lunch 就食番早餐個飽飽就算了

真想快D放工~~~~

大家都討論緊個颱風~~~ ar....果然有好多好期待的人~~~

今日好悶~~~無太特別既事....就此閣筆

星期六及星期日的日記

星期六....半日的上班日....有於我跟既客都已經轉左五天上班制﹐所以我係星期六既日子過得更加輕鬆~~無客既email ...無客既電話~~~簡直係人間仙境~~你問我星期六番工做過D o羊 ...講真的~~我真係唔太記得XDDD 應該係食左早餐....msn...sms....um...newsgroup..睇報紙.....ar...有啦~~同IT同事研究左遲D打風會唔會8號風球~~~

放工後﹐去左大埔﹐已經唔太記得對上一次去係幾時...總之呢個對方都我黎講係好好好陌生啦~~去到大埔﹐先同D版友食下午茶...唔知係咪佢地全部都已經結婚....同佢地一齊既時候﹐感覺自己好似細佬女一樣....佢地都係好nice 既朋友~^^ 食完就去左行商場~感覺大埔既格局好似屯門...D商場都係聯貫住既~~ 行左一陣﹐就番MOS 啦~~~因為小羊要番工...我都想佢早D回家休息。

夜晚睇左 stitch 卡通~~正~~XDDDD

星期日~~母親節.....母親節第一個活動係.............出左阿哥家樓下....陪阿哥等位飲茶~~期間阿哥又再一次不停叫我一齊開鋪頭...其實我無所謂的~~不過做自己生意會好困身~~例如假期都要番工﹐就算平日都起碼10點先收鋪啦~~哥哥話~~可以請人嘛~~自己番3日左右就OK架啦~~但我當然知道無o甘簡單啦~~做得生意﹐其實又點會o甘放心將D野放比外人做丫~~ 所以我都好坦白同哥哥講....暫時我未想有一份太困身既工作啦~~同埋我未將$放係第一位.....不過哥哥話....將來如果我有左自己家庭就會覺得$好重要啦~~ um...佢講得對既...maybe 當我有左自己家庭﹐可能到時我真係會好有興趣同幹勁去為個家而做生意搵多D$$既~~~~但暫時.....真係未有呢個打算~~我暫時係嚮往悠閑既生活多D

飲完茶~~大家都去左沙田...媽媽話買吸塵機wor...o華~~沙田...好多人ar....救命ar...簡直係令你有一種想買完野就快D閃既感覺...今日唔煮飯....結果買左D sushi 今晚做dinner....我呢個可愛既女兒....突然忘記左手上自己渣住既係壽司....結果唔覺意打斜左個膠袋~~哈哈~~~D sushi 倒轉晒~~~yeah~~~

好好天既星期日~~~留係家好似好浪費~~~但其實係home 休息下都好~~明天又係工作天 ><~~

大家星期一開始記得帶umbrella同著番多件3...會開始落雨同番風啦~~

究竟會唔會打8號風球呢~~不過原來有D C想行為...真係會隨住係你身邊既人而轉變~~就例如﹕當你有一個原來8號風球都應該要番工既人係自己身邊既時候...就會開始無以前o甘~~會o甘希望掛8號風....梗係啦~~8號風球出門番工好危險架~~~/.\ 又大風大雨...又未必有車.....

哈哈~~開始累了~~~

無腦小妹﹖﹖﹖

究竟我係咪無腦架呢~~~頭先睇番之前寫既日記....見到4月21日話自己見到D野所以有D down...但今日我竟然諗唔番係o羊....@@a

究竟我呢個善忘既性格係咪我既優點呢....汗

哈哈~~原來最近既日記成日都提起佢....嗯~~究竟係我自我陶醉既情況下﹐實質悶死左幾多讀者呢 ﹖

wow...搞o羊今日o甘多究竟呢........???

突然好眼訓...都係訓陣先~~ 教定鬧鐘一陣起身做morning call 大使~^0^

瑣碎的日記...

今日無太多野寫....本來想直頭唔update 個日記喇....但都係唔好了~~

擒日可能係飲左中藥既關係...又敏感了~~係中度嚴重....突然間覺得好down...可能一路見住自己明明D敏感都好番好多...一直都懷住個想法會不久將來就完全好晒....但擒日有突然敏感得o甘厲害...覺得好似之前既努力白費晒o甘....可憐既小羊無奈地要承受我既yim 悶....好無奈地要tum 番我.....不過亦好彩因為同小羊輕鬆既對話中~~幫我將唔開心既情緒掃走晒

我想呢個就係小羊厲害之處喇~~~有時可能會覺得佢講野口花花...無理正經o甘...但其實就係佢呢種性格...最tum 得自己開心...而又禁得住我D野蠻同脾氣喇....XDDDDDDDDDDDDDDDD

Raze 版友已經去左美國幾日...不知道情況如何呢~~~有無水土不服呢~~XDDDD

過氣相公今日都去左泰國了~~~希望反得開心D喇~~記得買爸爸比我做手信... er...D cup...E cup...哈哈~~買F Cup la..XDD

姐姐好似聽日(or 後日﹖)都啟程去日本﹐希望姐姐同姐夫有個開心既假期~~XDD

雖然最近好多人去旅行喇~~~而我呢....暫時無想過.....

憤怒的小妹

又一次比太子仔激到啤一聲~~~

話說個客落單﹐但因為數量太少﹐變左我地訂料貴左好多﹐所以就同客講要加番價....一直太子仔比我既msg 係...企硬﹐仲講到好豪...話如果唔係就唔接單lor。o甘我一路都同個客溝通....結果到尾....個客打比太子仔傾﹐後來太子仔就同我地講話唔加價喇wor...

真係啤~啤~啤~啤~啤~啤~啤~

好憤怒lor...之前做o羊叫我企硬o者.....我之前同客傾o甘多做o羊o者~~次次最尾個客同太子仔傾完﹐都係改變晒D決定....o甘不如下次一早就直接打電話比太子仔喇...!!!!

最重要係唔止一次係o甘..... 我明白...公司需要營業額丫嘛....o甘不如以後全部野...無$$earn 都照接單喇﹗﹗﹗

算吧~~~太老土了~~~﹗﹗﹗

今日好曬~~同同事去玻璃屋食lunch....行番上公司簡直係溶左o甘.....now先5月咋...夏天典線呢~~~~突然好想去游水.... 曬完對眼又好累想訓wor...(正確黎講都係想放工o者~~XDDD)

仲有3小時放工了~~~仲有3小時就見到我愛人了~ \^0^/

eeeee......

eee....好似忘記左寫日記~~XDDDDD

哈哈~~呢2日無太特別喇~~星期日陪左兩老lunch...再係商場shop 左一陣就回家~~全日係家度hea...雖然有D悶~但都OK喇~~難得部電腦都幾乖~~哈哈

星期一....又番工~因為無check email 3日~~所以都好多email 要follow...結果忙左一日﹗放工開心去MK搵小羊~~小羊個契妹番左HK渡假﹐所以見到小羊個契妹 too..見到一班後生仔﹐突然覺得自己好老添 = = 之後行左一陣MK﹐就去KFC 食野~之後再去恭和堂食龜苓膏~~wow...正~~聽聞龜苓膏對皮膚唔好既人係好好架~~所以我都決定keep 住 eatXDDD

haha...呢2日覺得自己真係好鬼野蠻~~ ><~~ 哈哈~~真係好鬼怕呢D日子~~通常個人都會變得脾氣古怪D同情緒易受影響D....不過...anyway都要改下喇~~如果唔係有人會頂自己唔順架~~

^3333333333333333333333333333333^ 給你的~XDDDDDD

為食孖寶試食記

擒日兩老上左大陸﹐叫我食自己﹐~~今日去左試新野~~因為MOS 無幾耐之前開左一間pizza 店呢~~

鋪頭算係細﹐相信主力係做外賣同速遞生意啦^^ 雖然細﹐但見落加賣廚房都有9個人做緊野~~可能太新啦﹐都比較手忙腳亂~~希望佢地繼續努力啦~~但見到有個員工踩單車送pizza 既感覺又幾好~XDDD

我地叫左一個炸雞中翼﹐特色噹拿蘑菇雞肉薄餅~ 肉醬長通粉加cheese 加牛肉...and 一罐cola...一共$95....比起pizzahut 真係好平啦~~




炸雞中翼~ 炸得好好好好味﹐D皮好脆啦~~

特色噹拿蘑菇雞肉薄餅~ 好多料~~咬落去不錯﹐感覺唔漏~~好 homemade feel...真係完全少左pizzahut 既油利感覺

肉醬長通粉加cheese 加牛肉~ 個sauce 真係好好味﹐不過我覺得可以再淡味番少少﹐長通粉較硬...

cola~ 無話再講...食pizza 必備吧

嗯~~~馬鞍山既朋友~如果你真係食厭左pizzahut...真係可以黎食下.....因為呢度食完之後﹐雖然個肚好飽﹐但個口一D都唔會覺得好漏的~~

另﹕見到多人叫燒春雞~~上菜個賣相都無錯wor..見D人戴住手套食得都幾開心架~~


地址係﹕新港城3期地下3號鋪

5月5日的後記

今日臨出門去接小羊既時候﹐見到家姐online...知道佢原來中午無約到人﹐所以就臨時改左同小羊去姐姐家and 之後一齊lunch...

去到觀塘先去mcdondon食早餐﹐有一個新既包係什麼火腿扒芝士包...但發覺原來加D黑糊焦會好味D架~~食完就上左姐姐home lu...打左陣PS2

見到姐姐同小羊有傾有講﹐好開心~~佢地又係企埋同一陣線既 ><~~唉~~~原來係我溝通唔黎 ~~ lunch 大家一齊去左新都城一間叫小金井既日本店食~~lunch 有好多定食﹐仲要過份地平添~~都OK架~~個牛肉火鍋仲不錯添~~結果食左$210左右﹐仲有一大合壽司比姐姐帶番home 做dinner 添~~多謝姐夫請客~XDD

之後見小羊好累﹐無行商場就搭車走~~陪佢番到MOS都已經差不多3點...所以唔出去搵小遠唱k lu...只係sms 小遠佢幾句....

係家好無聊~~不停o甘睇i-cable 既舊電影....睇左1/2 集新紮師姐﹐1/4 集賭俠2﹐3/4 集 Speed..仲有全集性感都市...由日頭睇到天黑....係屋企一個人都無﹐得自己一個無無聊聊既時候﹐突然有D好深既感受 ><

一直睇~~到宜家 10點半...未dinner....唔知食o羊好....最討厭要自己食.......
算吧~~

yeah 放假了~~

yeah...放假了~~終於又放假啦~~由於自己請埋星期六day off...所以呢個變左一個long weekend lu...happy!!!

擒日放工後﹐就去左沙田等小羊~~行下西田啦﹐o華~~~因為優惠日﹐太~~~多人啦~~行行下已經覺得唔夠空氣~~好辛苦~~行到1930打電話比stephen, 竟然發現佢仲係公司~~可惡丫﹐o甘都唔打個電話比我先~~結果因為太肚餓﹐同小羊買左D小食食先~~

等等等~~等到around 2020...終於等到啦~~原來今日係一支公黎~哎呀~仲諗住可以見到佢女朋友添 = =﹐行左一陣就決定去Fish and Co. 食~~只係等左一陣位就有得入去lu...order 左個我覺得味道好似金寶牛尾湯既意粉....同最出名既炸魚薯條~~可能我都like 炸野啦﹐我覺得真係好好味ar...不過本來order左個什麼牛肉...但竟然無落order...最後決定唔等 lu...轉去滿記食湯水~~

ar...差D忘記左﹐Stephen 去完日本旅行ar...仲買左小手信比我啦﹐其實都幾開心架...開心係因為估唔到佢會記得我而買手信比我 lor XDD 其實手信係o羊唔重要﹐係個份心意吧~~

嗯~~哈哈~~好開心見到小羊同stephen 都OK 有野傾﹐因為初時都會驚佢地無話題架~~結果佢地有時仲企埋同一陣線添 ><~~ 哈哈~~臨走之前我同 stephen 講...下次我唔會再帶小羊出黎架啦﹐費事蝦我ar XDDDDDD

不過講真架~~好開心見到小羊同自己D朋友反得埋...vivian la...阿4啦~~小遠啦~~Stephen la..連Jerry 見過小羊一次都覺得大家o岩嘴形﹐太好啦~~其實自己成日會見面既朋友唔多﹐係唯有Vancouver d 同學我未帶佢見過啦~~不過機會都幾渺望...1) 我地自己都好少聚會﹐ 2) 就算有都唔興帶另一半去XDDDD

今日又破戒食左好多禁品...魚啦﹐炸野啦...蛋啦~~雖然無嚴重敏感﹐但個人仲係覺得怪怪的﹐都可能係心理作用啦

yeah...本來今日plan 左接小羊放工﹐但結果去唔到~~ ><

後記﹕
1) 版友raze 將會去美國反啦~~希望佢反得開心D啦~~哈哈~~~yeah yeah
2) 今日電腦好乖...所以呢篇日記順利完成~~yeah yeah
3) 過氣相公都就去旅行~~都wish佢反得開心D~~XDDDD

因為....

因為今日既日記係office 打﹐所以一定唔會有打打下hang 機既情況出現~~好放心XDDDD

今日...太子仔上左大陸...所以都好hea 下~~哈哈~~~(不過聽聞番緊黎 lu....) 快D放工喇~~今晚可以見到小羊了~~嘿~~今晚其實約左 Stephen 食飯...Stephen 係03年係icq 認識既朋友...其實一直係icq 認識而又再有聯絡既就只係Stephen 同Jacky...雖然唔係成日會call 大家﹐但一到對方生日就點都會出黎慶祝架~~今日仲會帶埋小羊去見Stephen 添~~唔知Stephen 個女朋友會唔會出現呢~~我都未見過XDDD

哈哈~~~另外聽日仲約左我家姐dinner...嘿~~家姐會係第一次見小羊....反而我好緊張wor...點解呢~~可能算係我第一次帶男朋友比家人見掛......之前第一個男朋友係同學﹐家姐一早就認識﹐所以都無真正“介紹”過~~~不過我家姐好好人既XDDD 小羊你可以放心喇~~XDDDDDDDDDDDDDDDD

哈哈~哈哈~~~~ have a nice holiday~~XDDD

可恨的電腦

可恨的電腦....我打完一次日記...結果突然hang 機....無晒~~~第二次﹐75%打完....結果又突然死機又無晒 ><

哼~~~~結果今日既日記 ....就變成了一片無奈~~ ar..唔打啦~~

唉~~有人唔記得我啦~~唔重要唔掛住咪所以唔記得lor..係咪先~~~唉~~唉~~~~唉~~~ haha

無野做﹐電腦又唔聽話~~~唉~~出去睇電視好過~~11點morning call 小羊番工~

假期

由於星期六出左街﹐所以星期日決定乖乖地留係家陪下兩老~~~

星期日﹐都估到係出去TST 同哥哥同阿嫂子飲茶架啦~(哈哈~~呢個當然係爸爸最開心既活動﹐可以見下個仔嘛~~) 因為飲11點﹐所以一早就出門口lu...飲茶飲到12點半就埋單lu~~飲緊茶個時﹐爸爸提起話星期五可能會同媽媽上珠海反~~好似話join 埋D親戚去順德個什麼“寶物園”﹐諗住星期五去﹐星期六番~~不過係茶樓打左幾個IDD 比大陸D表姐....發覺未搵到租車~~所以以為佢係吹下水~~點知飲完茶﹐爸爸就一支箭飛左去買船飛~~ar...家陣D老人家辦事效率真係強~~嗯~~其實我矛所謂既﹐佢地去反下都好架~

之後其實都想回家﹐但媽媽想我陪佢行下沙田﹐所以就去啦~~><~好多人ar...見到o甘多人簡直係有D怕...行左一陣就閃lu...番到home...無野做﹐結果小睡左一個鐘...之後dinner...好悶ar...無聊到9點﹐同小遠吹水~~小遠叫我出去飲野...不過無去lu...因為無話過會出街...突然臨時o甘夜先突然話出門口﹐會比兩老哦的~~之後再hea 多陣就上bed lu...

星期一﹐都係放假﹐去接小羊番工~~嚇死我﹐去緊既時候有幾滴雨﹐我又無帶umbrella...好彩原來都係落左幾滴...反而有D熱添﹐結果我呢個婆仔lor 左把風扇仔出黎吹~~哈哈~~~唔知下次要唔要帶定條毛巾zip 定係“架拿底”呢~~XDDDDD

同小羊去做第一城個間“燉奶佬”食~~都不錯~~之後出左沙田﹐突然就決定去唱K~~yeah...唱完K行多陣就陪小羊搭車﹐等佢番home 休息下~~我去到MOS﹐就搵搵小遠啦﹐原來小遠去左bowling...所以我都番左 home lu....由於兩老去左打牌...所以我自己一個係家發獃....完全無野做﹐所以訓左一個 hr...起身...繼續發獃....7點3先有飯食....食完又在呆.....now 係20﹕15.....完全係100000000000個呆