無題.....

諗唔到標題...所以就用“無題...”

擒日放工去左搭非法既“放工快線”...$10價錢就可以坐旅遊巴...係彩虹/牛頭角/觀塘/藍田落車...結果我係火炭只用左20分鐘就去到觀塘 lu....

去到首先去行開倉...基本上無o羊想買~所以好似睇o羊都睇唔上眼....唯一係睇中一件 new balance jacket...$199...但我覺得唔值呢個價錢...所以end up 都係無買....不過....我都真係幾喜歡...其實次次行開倉我都買唔到野既....可能自己無心買野掛﹖

之後就去左APM....先去吉豬島supermarket 行下~~好多熟食ar...如果MOS 都有呢D supermarket 就好啦~~~之後係foodcourt 食野﹐我叫左個pizza...好正喇~~羊叫左個炸雞便當...都不錯ar...個foodcourt 好多野都好正....好多野都好想try! 最後行到10點幾就搭車 lu...

上車我都係訓...結果一開眼...已經過左MOS 商場...下一站係錦英苑...@口@..估唔到羊都訓得o甘 lum..無起到身叫我落車...結果唯有係錦英苑搭taxi....個CJ 渣得超快 = = 我放左個手抽袋係凳...結果一轉彎個袋就跌左落地下....D 野仲倒左出黎......佢好趕時間o羊.....

好開心的一晚....^0^

= =

哈哈~~~無聊的早上....起身...敏感嚴重....出門....forget 帶lunch box...番到公司...忘記eat 早餐....搞o羊呢我﹖﹖﹖﹖

不過今日應該好清靜﹐因為我出完quotation 比個客之後﹐佢就打電話﹐好angry o甘話要同太子son傾了~~叫太子son 打番電話比佢XDDDD~~ 如果係o甘﹐佢今日應該唔會煩我報價D野喇﹗

擒日好開心~~放工去左MK~~呵呵~~由於lunch 食得太多﹐差不多9點先dinner...雖然差不多每個星期都去MK....行黎行去都係個D地方...但覺得好開心喇~~~擒晚仲去抽扭旦~~呵呵~~抽到 stitch ar!!

擒日朋友見到我﹐話我瘦左....其實比人話瘦左應該開心喇....但我開始有D無奈......因為唔舒服而瘦......個感覺真係唔太好.......嗯~~要多做番D運動了~~~

25/6 的第4篇Blog

一日寫4篇 blog...好明顯我係非常無聊中~XDD 本來都有D眼訓﹐但都係等今晚先~~由於如果睇動話﹐我一定睇5分鐘就訓得著﹐就唯有呢個無聊時間聽歌...亦因為聽歌先有呢一篇日記...

二等天使 - 係睇左Justin 演唱會先再特別留意呢首歌...今日聽番劉浩龍version...覺得Justin 唱得好聽好多~~ Justin 話呢首歌係為佢之前個女朋友作﹐佢覺得女朋友好似天使o甘﹐而佢自己同佢一齊﹐就成為左呢個天使既一個污點....其實我覺得佢太睇低自己吧....當2個人真心相愛時﹐邊有分污點...優點....大點....中點...小點...特點呢 ﹕P ~ btw...超級期待Justin 演唱會VCD 中~~

吳日言 - 其實佢把聲都不錯~~ 灰 呢首歌好好聽

濛 - 第一次聽呢首歌係小羊係karaoke 唱...其實自己都幾like Juno 把聲.. 係之前大家都唔太like 佢唱歌時﹐我都有支持聽佢既歌架~~~而呢首歌我覺得好聽.....但我覺得小羊唱得更好聽~XDD

Stephy - er......我不太喜歡聽佢D歌...把聲太高音了~~

如無意外 - 何CC 的~~呢首歌其實我幾有留意D歌詞....因為我覺得係有意思架....究竟係咪何CC既寫照呢~~如果係﹐究竟歌詞中既“意外”代表左o羊事呢~~

流淚眼望流淚眼 - 第一次聽呢首歌又係係karaoke...係K 我都幾like唱呢首歌~~覺得幾特別~而其中一個原因係...雖然唱過好多次﹐但到呢一刻我都唔可以好順利o甘唱對晒D歌詞XDD

嗯~~暫時係o甘多先~~~

希望可完成的事.... update...

希望可完成的事....

1) 捐血 <-- DONE~ ^o^
2) 洗牙 <-- 有$先
3) 驗身 <-- 3個月後去
4) 剪頭髮 <-- DONE~^0^
5) 買電腦 <-- 電腦復活了
6) 打多D波 <-- er...完全未實行
7) 皮膚..快D好番 <-- 病情反覆.....
8) 唔話你聽~~~ <-- 嘿嘿~~^3^

9) 買波鞋
10) 等個袋減價

心情怪怪

唔知點解呢個week 心情怪怪......其中一個原因係星期2同星期3都儘量唔可以出街吧...搞到我既生活都好似打亂左o甘....同小羊見面既距離(日子上)好似拉遠左好多~~~ 你地唔會明架喇~~對於我黎講﹐如果連續好多日見唔到自己男朋友﹐我會好down 架............

其實寫左好多野...但最後都delete 晒....因為係一D關於我想同小羊講既說話....雖然自己係寫野既能力比講野好好多....但寫完之後﹐都係決定有機會時.....將呢D說話親口同佢講好D

其實寫既內容.....係想警惕自己多D.......其他人...例如朋友...女朋友/男朋友﹐甚至自己父母..兄弟姐妹其實係無義務去令自己快樂同遷就自己.....所以有人錫自己係福氣....如果身邊有呢D人就要好好珍惜.....

懶﹖

原來又幾日無寫日記....唯有寫番summary la..

星期四~~好開心~因為放左工之後同小羊去街...去左土瓜灣買我好like 既牛肉飽同鍋貼~~之後去左食日本野...o華~~價錢唔算平而且味道都係一般.....應該唔會再去~V_V~~然後食龜零膏 then 一路行去黃埔行商場...其實每次由土瓜灣去黃埔...行呢段路程我都會有好深刻感受~~哈哈~~原因唔講喇~~總之充滿住開心既感覺喇^0^~~ 走既時候坐85C....漫長既車程結果我地都訓死左~zzzzZZZZZzz

星期五...6點10分就起左身~因為今日要上大陸....不過係同D客人一齊上~~同客上既好處就係可以有廠車車我地~~唔水搭巴士~~係廠度其實我都係行黎行去~~尤其係都無太多人認識自己~~如果唔帶個廠pass...我估D人都以為我係工人 XDDDD 睇完試產....開會就走了~~3點50分開車~~可惜塞車喇.....結果用左2個鐘先到達深圳....嗯~本來今日落到黎香港同小羊dinner.. 結果到深圳打比佢.....佢係bed 度典典下....又話怕我累 (我根本都唔累.\=/.! 激鬼死~) 佢話唔出了 /.\....本來都諗住自己行下...但無mood...所以失望地回家........之前話左比媽媽聽唔水cook 我飯......而且又唔o羊心J....endup 只係係家食左個orange 就算了~~

星期六~~ 都係無聊中渡過....夜晚去左飲....係舊街坊個仔結婚....我地同佢一家都好熟....以前細個都有成日一齊反~~所以除左哥哥(佢發燒)...我地一家6個人去.....不過真係好悶喇~~~其實諗下﹐究竟大家有無一次係真係會係毫無怨言之下去參加人地既婚禮呢﹖哈哈~~講真...等埋位食飯好鬼悶....無啦啦唔見$500 都感覺好悶.....XDDDDDD 尤其係我又皮膚敏感...佢大部份野我都唔食得...見到有龍蝦都只係可以食底下個D伊麵....翅我又唔鐘意食...魚又係唔食得~~諗番起原來個dinner 我一共食左3碗伊麵同1碗飯.....最貴最好味既全部無食~~yeah~~結果10﹕45左右散得~~由於係火炭食﹐所以好快就番到home lu~~~

星期日....哈哈哈哈~~比Raze 估中我去接小羊放工食早餐~~唉~~一早miss 左村巴﹐唯有等小巴...等左10分鐘先有一架...仲要係full 左~~等多5分鐘有299巴士...唔理lu~跳左上車先~~係第一城出面落車....由於等車等耐左﹐唯有極速行去~~o華~~熱死喇~熱到我jacket 都要除底﹐著住背心露出肥美既麒麟脾XDDDD~~去到小羊樓下...等左2分鐘佢就出黎~~SAFE~~~!!

今日我地去左沙田扒王之王食﹐個度有個好奇怪既夥計....d 態度.....好惡...但你話佢無禮貌o羊﹐我又覺得唔係﹐只係講野D態度同講野速度奇怪D吧~~好似有個客人自己去左 lor 碗﹐佢同個客講...“我幫你lor..你番埋位﹗﹗~~” 跟住送D碗去人地臺...又好態度急速地問﹕“兩個夠唔夠﹖﹖﹖” 真係好好笑 lor~~

之後就行沙田~~不過行行下已經見到小羊開始一個謝樣﹐結果未10點半左右就坐車back home lu...本來諗住今日可以行耐D...但佢眼訓都無辦法喇~~ /.\ 無錯~~小氣鬼當然就唔多開心喇~係home 同小羊講電話...我威逼要佢tum 番我後﹐yeah ~~開心番 ~~~~~~ 哈哈哈哈哈哈~~我實在太邪惡...小羊實在太無辜了~~~

有時我會諗...究竟我比較起其他香港既女仔...自己D脾氣算好定唔好呢﹖﹖不過好彩既係...雖然自己情緒化...但就比較易tum 喇 (o華~~兜番先~~ 一陣小羊真係諗諗下覺得我唔好就弊~~)

死喇~~死喇~~小羊從來都無發過我脾4又無話過我.....佢會唔會o羊都收埋晒係心呢... (多疑mode ON)

諗得太多了~~~抖抖吧~~^0^

星期3

點解...會訓極都好似唔夠.....好眼訓ar...擒晚直頭眼訓到...同小羊講講下電話﹐要同佢講...“我堅持唔到喇..要收線訓了”.......我係咪有渴睡症呢~~就算呢一刻﹐見到個陽光o甘猛....都覺得好眼訓

哈哈~~~今日好鬼忙~~成朝都不停做野...不停reply 客人email...不停聽電話解釋呢樣﹐解釋個樣...結果話o甘快就到12﹕30....今日無帶lunch..本來唔想出去...但RAM同事叫我出去﹐話一個星期先一齊食一次飯...結果都係出左去~~~好好好好鬼熱喇~~~~/.
諗住下午好free...阿姐又無喇喇落個project 我跟 = =....死人阿姐﹐最like 落D豬頭骨比我...噓﹗結果又搞到呢一刻(3﹕47pm) 先停落黎~ 本來以為可以做自己野...寫寫下日記﹐個客又不停打電話比我對D 報價同問問題....= =" 不過講真﹐係呢度做耐左﹐都大概知道點同D客應對......基本上咪就係鬥吹水 lor~~ 好彩暫時都覺得新o個個merchant 客都幾nice o者﹗

= = 更無奈係本來今日突登唔出街...以為哥哥番home dinner, 點知頭先打比媽媽﹐媽媽話佢唔番wor...哼哼﹗﹗麻煩哥哥~~唔番又唔早D講﹐等我約人去街嘛.....噓﹗

btw...擒日先發覺原來將來新office 無倉架...即係如果將來有好多samples落黎香港﹐都要送去火炭﹐我地自己番火炭處理ar...so 麻煩喇~~

ar....仲有仲有...我公司個同事好可惡ar....明明老過我架嘛....成日都叫我“Flora 姐姐”....叫老晒﹗﹗﹗﹗我今日講笑o甘同佢講...“你入黎第一日﹐無人話你聽 Flora 係特別唔可以得罪架o羊...” 哈哈~~~﹗

仲有仲有仲有~~~~因為電腦出番聲...所以前日開始睇番動畫lu...繼續bo Bleach..不過可能好耐無用電腦睇動畫...所以次次睇到一半就開始眼訓添...um...其實都想打機...但又唔知打o羊好...小羊反緊個D 又好似好複雜..../.\

快D到 weekend la...不過weekend 要去飲...無3無裙...唔太想去 /.\

o華~~~

o華~~~o華~~~o華~~~o華~~~o華~~~買到喇~~~

買到既係軟硬既concert 飛~實在太開心喇﹗

今朝由9點開始打﹐結果打到下午2點終於打通了~~~其實小羊朋友話可以幫我地睇下搵唔搵到飛...所以小羊都講過話打唔到就算啦~~等下朋友消息...但既然係公司有時間﹐都想自己試下打﹐唔想麻煩人地...最重要係我知道小羊會好想睇﹐更加想係靠自己能力去買~~XDDDD

哈哈~~~打到去訂飛﹐當然受惠埋我姐姐同哥哥...佢地都係軟硬fans 黎架~

yeah...開心到爆...呢一刻心情仲好興奮添......不過其實end up可能唔係令位喇~~因為我o甘late 先打得到~~

wow~~~ happy happy happy~~

星期日~~~~~~~~~~~

哈哈~~今日天氣好反常...有時好好天﹐但局部地區又落好大雨wor...

今日無同爸爸去慶祝...因為一早已經有朋友約左....大約11點20分係MOS 會合左小羊之後﹐就係7仔食D野...然後坐車入大埔lu...今日係小羊既朋友狗夠pet shop and cafe 開張ar....原來由大埔火車站入去都要坐成1/2 個hr minibus..都算遠喇.....但其實個D都唔錯﹐都有人流同D街坊生意...希望佢生意興隆喇~^^

ar...有人帶左狗狗去ar...好開心喇~~仲有C頭婆 英英 不停整野飲我地試添~~之後有個BB到左﹐我就同BB反~~哈哈~~超cute and 超為食既BB~~都係個句...BB 都係人地既好反~~XDD

結果留到6點幾7點﹐就出番大埔市中心dinner...dinner 中大家都chat 下...講下生BB...其實好多pair都已經係結左婚但無考慮生BB....無錯既...生BB 真係會無左好多自由 (XDDD) 同好大責任...而且呢個世界已經變左....變得複雜左了~~

大約9點就去番火車站轉車去大學再轉車番home...

哈哈~~狗狗同BB都好cute...今日反得好開心同好累 = = msn 下就shut off 部機....諗住上bed 攤下﹐點知訓著了....XDDDDD 連sms 講早抖既氣力都無...

當然今朝就大wok 了~~累 = =

btw: 剪短左頭髮好正...洗頭都快D...XDDDDDDDDDDD

好天的星期六

見到好令既太陽ar...雖然真係熱D.....但都好開心﹐始終天氣好人都會開心D~~o甘既天氣如果可以去郊遊就好啦~~~

擒晚去左剪頭髮....真係激鬼死.....話說洗完頭之後﹐有人幫我吹番乾把頭髮.........但佢竟然幫我吹左起碼35-45 分鐘....撞鬼丫.....我明白佢需要吹乾同吹直...等髮型C 幫我剪﹐我又明白我把頭髮長同厚﹐可能要用多DD時間...但都可以快手D嘛.....大佬ar...係o甘吹我把頭髮...真係反白眼ar~! = =

結果8﹕30先剪完....之後就dinner...但因為D皮膚敏感...可能係因為D味精魚湯喇...D 敏感“發”得好厲害....結果我都係早早回家....一上bus 就訓死左..zzZzzzzzzzzzzz

聽日父親節...不過一個月前已經約左人﹐一早就同爸爸 lor 左permit 聽日唔陪佢~~不過今日姐姐都話聽日同老豆飲茶o者 ^^哈哈~~~爸爸呢~~最鐘意就係family gathering...最like 阿哥家姐搵佢食飯見面....其實諗諗下﹐阿爸真係好似無打過我﹐最多都好似係鬧咋.......係思想古老又保守但仁慈既爸爸XDD

究竟小妹錫爸爸定媽媽多D..........始終我都係最錫婆婆..............個日先同同事講起﹐話宜家望到大酒店耐D...都會掛住阿婆會想喊....

阿婆我好好ar..小羊好錫我ar...日日都好開心~^^ 媽媽爸爸最近好忙睇波....變左瘋狂球迷﹗阿哥阿嫂感情好好~~不過阿嫂做生意忙左好多ar...家姐姐夫仲未有BB ar...阿婆你快D賜個 BB比佢喇XDDDDDD

阿婆你好嗎﹖﹖﹖﹖我好掛住你ar!!!!! (淚~~~)

星期five yeah~~~

哈哈~~~今日唔太多email...只係一開工就開始同個客係email 度講價...結果始終都係要等太子仔settle down 吧....由於都無太多野做...所以10﹕30開始都已經做自己野....

哈哈~~擒日終於搞好左馬會個account...上網買左6合彩...同埋買左$10孖寶波旦﹐揀左﹕

England:
上半場 0﹕0
下半場 2﹕0

碎典
上半場 1﹕0
下半場 2﹕0

England 竟然中左...點知碎典輸了~~~arr......如果中左孖寶都會幾好分架 ><~~哈哈~~我唔係爛賭...大家放心喇~都知係反下o者.....(不過我想有多D $咋嘛 XDDDD)

btw...擒日同左1010 dinner...1010 原來開始做gym....見到佢瘦左ar....um....雖然我都知道瘦D係好D...但我真係唔想去做gym....ar..... /.\ 點解女仔一定要瘦身 wor.....係咪瘦既女仔先得人鐘意wor...

6月中了....好想快D到10月............10月你可唔可以行快D 呢~~~

星期四~~~

e...已經星期4.................

擒日先知原來我係office 仲可以有排寧靜...因為太子仔今日就飛去美國...仲要30號先番香港 XDDD 不過...um...通常佢走親D客都會打鑼o甘搵佢....哈哈~而我又答唔到客Do羊~正爆

今日肚仔痛...早餐都勉強食完...lunch 就真係無胃口食..........o烏~快D痛完喇~

星期二

沒有太子仔係公司的一天...我既世界寧靜左好多~~~基本上11點已經處理晒所有事﹐係唯一睇下有無突發既email 喇

今晚約左vancouver 2 個就朋友dinner..好開心喇~~嗯~~ have a nice night!!!

擒晚無聊之下 b番好多電視節目...向世界出發(唔sure 個名)...美女廚房...仲有老馮日記....不過部電腦啞左仲未整...所以save左都無得睇住

反而呢幾日睇左2場世界盃...一場係英格蘭..一場係日本......其實我都唔識得睇波...唔知點樣叫踢得“好”定“唔好”...不過...陪下兩老睇都不錯既 ^^

btw...擒日聽E生講﹐當然敏感係唔會死人...但如果敏感之下有氣喘or 個心唔舒服﹐就會死得人﹐應該要立刻去E院....諗諗下...先諗番起我之前去睇演唱會﹐睇睇下突然個心唔舒服...以為係紅館多人空氣唔夠﹐即刻飲水...又不停調整呼吸.....o華~~~諗番都嚇親..好彩無事咋

嗯~~wish 大家身體健康

星期一

以為天氣會好D﹐結果都係灰灰的天...仲落雨...今日睇左一段新聞﹐係講話D木棉花今年開花時間改變左...以前會係落左葉先會開花﹐但今年竟然開左花先...原因係以為溫度(會越黎越熱)上昇...令木棉花既生活模式都改變左

究竟我幾時先可以改變自己既生活模式呢﹖我意思係.....幾時先可以唔o甘懶呢...﹖突然諗左好多野...包括工作...生活..將來等~

記起之前睇左hacken既movie 裡面一句說話...“最緊要係﹐你o係係我既計劃裡面...”

星期日

今日遲左D...8點幾先起身...可能兩老擒晚睇波喇 ﹐竟然一直都未見佢地起身~~中間時間自己係廳睇電視﹐睇左一套叫 about adam 既戲...之後就上下網upload 下日記

直到10點幾媽媽先起身....一起身第一句竟然係問我...eee...今日無街去o羊﹖﹖﹖哈哈哈哈﹐可能之前有D星期日佢都見我一早出左街喇 (我去接小羊放工嘛~XD)...所以今日見我無出去都要問一問XDD 而爸爸就11點幾先起身

因為爸爸話擒晚食完buffet 有D唔舒服﹐結果今日去左頌安商場既海皇joke 麵度食...陪媽媽買完送就回家了~~

現在報時1358....um...小羊放假...擒晚好夜先訓﹐所以我都係唔搵佢了~~費事嘈醒佢喇...自己係home hea 下算lu...

睇下今晚可唔可以送到佢番工喇~~我今個星期都好似無送過 = =

yeah...2號加利褲入侵科拿家................正爆~~XDDDDDDDDDDDDDDDDDDD

星期六了

話o甘快又一個星期....星期六番工.....10000000000個hea...email 又無野follow..結果無聊渡過....好彩有D朋友係 ng 同msn 度 chat...

1點鐘就閃番去mos 了﹐因為約左小羊XDDD 不過好慘.....擒日皮膚敏感﹐搞到突然個人好唔舒服~ 本來好高興既事都因為自己突然覺得唔太舒服而要停止 ><~~ 嗯~~所以我決定決定決定又再努力戒口同好好養病~~XDDD 嗯~~我發覺自己個人發滾 (熱)or 唔夠水份﹐就特別容易敏感...所以我會飲多D水....食多D多水份既生果.....叫媽媽bo 番多D湯水比我....當然會繼續飲中藥同戒口喇~~小羊慘了~我又唔可以陪佢大魚大肉喇.....不過我今次再回努力D....等我好番再慰勞番小羊喇~XDDDDDDDDDDDDD 小羊你等我 ar~~~

之後夜晚同屋企人食buffet，同爸爸預祝父親節。可惜阿嫂返大陸做野，趕唔切join我地。不過唔知係咪趕住返屋企睇波，我地好快就食完喇。而且buffet 比之前差左好多....姐姐仲好無聊o甘影相﹐但又唔比人望鏡頭wor....哈哈~結果我係度扮鬼扮馬~又特登扮鬼臉 又反白眼 XDDD笑死大家

姐姐偷拍照....佢命名為﹕“瘦左既小妹”...仲未問我就post 左係自己日記度~﹗﹗


梗係喇﹐佢用電話影﹐通常都影得瘦D架喇~~btw...當時與小羊msn 中

之後大家都趕番home 睇波.....嗯~~竟然我都有睇...不過有D失望.....失望係england射極都唔入.....哈哈~~臨尾好彩1﹕0 win 左....

全世界都好似充滿左世界杯既話題.............wow...

.\=/.

><~~~ 激死我喇﹗﹗﹗﹗﹗都唔明點解D人一打機就可以o羊都唔理....哼﹗﹗﹗﹗﹗﹗唔知道係咪受哥哥影響...所以對呢樣野特別反感﹗不過算啦~~講到尾都係自己唔好... 緊張大師一名.....

ar...我幾時先可以改到呢....我要努力做一個好女朋友先得喇.........!!!

今日星期五...興奮的星期五﹗原因最主要都係聽日番1/2 day...XDDD 不過今日好大雨..曾經有段時間黑雨添...當然大家都好失望﹐因為矛得放工 XDDDDD 原來黑雨既時候﹐KFC 同 pizzahut 都唔送餐架~~~ ar...講起pizzahut..好想食pizza..仲要係芝心批﹗﹗ yummy!!

聽晚同爸爸去食buffet...慶祝父親節...um..今次都係無帶小羊去........其實一直都想介紹佢比兩老識...自己都有預算幾時了XDDDD

講番D中藥... 媽媽話原來同之前食個D差唔多咋...但我係浸會睇就貴好多了...所以星期六都未必再去了....um...除左食藥﹐唯有又戒口喇...少D食煎炸野先得 ><~~~

係wor...我有野要公佈﹗﹗﹗﹗^3^^3^^3^

嘿~~~

eeee???

eeee...原來幾日無寫日記﹐我都好似完全矛左件事 XDDDD

擒日好高興喇~~因為小羊帶左我去佢反開ng 既聚會....嗯~認識好多新朋友﹐但名就唔好再問我喇﹐已經完全forget 晒XDDD

去之前﹐我去左X會醫院中醫部睇醫生﹐嗯~矛辦法喇~最近好似敏感差左﹐所以都去睇一睇~結果比左2日藥﹐又要麻煩媽媽幫我 bo 了~~

擒晚去左食中菜...基本上大部份都係D我唔應該食 / 我唔會既野 XDDD (炸野..海鮮XDD) ﹐原來其中一個人係我認識的...(因為好耐無見﹐都係食完先confirm到係佢)...不過我同呢個人之前有點點點點點過節的....哈哈哈哈~~搞笑~~食完再去左飲野~講真﹐我都真係好耐無去飲過野了~~結果1點幾先番到家...累 = =

飲野既時候真係好開心﹐雖然其中一個係第一次見面﹐另一個係第二次...但都傾得好開心﹐聽到佢朋友話希望2年後結婚...真係好突然...可能係因為見到佢突然間會開始想到結婚問題...哈哈~~很surprise 很surprise...不過係好事黎既^^

但結果係....今日好累 = =...

又係....星期一

訓得唔好ar....起身覺得個腦諗過好多野...知道自己發左好多夢....有一個係同小羊去左旅行...wow..陽光與海灘 = =" XDDDDD

今日係office 都唔太忙﹐不過keep 住有野做....最氣憤係幫阿姐 prepare 個holiday list...>< admin 做既野點解要我搞...結果草草做左就算~ 哈哈哈哈哈

今晚矛街去~~~乖乖地回家睇電視 ~~早D訓先得~~heheheeee...

係wor..擒晚既美女廚房大家有無睇﹖都幾好笑架~XDDDD um....但都會諗...其實自己煮野都唔太o力...基本上都好耐無cook 過﹐對上一次cook 意粉都已經係上年年頭的事...ar...唔係wor..中間有整過cake...講起cake...一直都想整cake 比小羊食...但check 番間整餅學校D時間又唔多o岩...um... ><~~

好~~又再一次去睇中E...因為呢排情況好似比之前反覆左...努力﹗

happy sat!!

Happy Saturday 既最大原因都係因為番 1/2 日工吧....宜家係9﹕08am...小羊今日唔水番工...矛左講電話既環節...有D悶添 ><~~ 又未想開工wor..結果都係寫日記﹗﹗﹗﹗

雖然電腦整好了 (仲差把聲未得~~) 但呢幾日都唔算成日用電腦....第一﹐係因為出左街...第二..係唔想兩老覺得我一有部電腦就掛住上網喇 (因為之前矛電腦用我會出去睇電視嘛~~) 哈哈~~

擒晚好高興...本來打算去沙田...結果同左小羊去MK...係我放工行去火車站時..越落越大雨...慘...我又行到一半....又無taxi...小巴站又未到...行番轉頭又一樣會整濕晒...結果都係繼續行去火車站...o華~~~濕鬼晒...個感覺好辛苦喇 /.\~~擒晚仲約多左個朋友....1010 原來擒日生日ar..生日快樂~~我地請左佢係 califonia pizza 度食...正﹗﹗﹗﹗之後仲去左水瓶座飲野...不過我覺得個度有D嘈﹗

ar...去dinner 之前我同小羊去左捐血ar...好開心~~因為我血管幼...所有今次都係捐左350cc...個姑娘好nice..(雖然佢插針之後搞左好耐先真正搵到條血管...都有D痛) 更開心係小羊都有捐ar.... um... 我覺得大家一齊去做D有意義既事係好高興架~~~~

希望有睇呢個日記既人都會去捐血喇~~少少既痛就可以幫到人嘛....

紅雨降臨

@口@ 今日突然好大雨...宜家仲紅雨添 ><~ 不過黑雨都矛用喇....要留係公司﹗原本約左保險姐姐lunch都要改期

真係好唔想落雨ar...因為今日約左小羊去街...o甘大雨睇怕都矛得去了....... /.\

快D好天D吧...(雷電交間中的希望.............)