啦啦隊~~~

擒日一放工就拿拿臨搭小巴番MOS﹐因為...有個版友公司隊波唔夠人踢﹐所以要搵外緩~ 見係馬鞍山仿真草場﹐見難得有機會踢呢個場﹐所以問左羊佢OK後﹐就麻煩左夜心幫佢報名了

















仲有其他版友﹐偉哥﹐華仔﹐夜心﹐Palm...個場真係好大ar..(可能見開小羊踢細場~)﹐見佢地都跑到好累喇~ 不過小羊擒晚一開場就拉親隻腳﹐見佢中間時候都開始有D拐下拐下添~~佢話要休息一個星期﹐本來黎緊星期五同同事踢波﹐佢都話唔去了~~ 希望佢快D好番喇

哈~~雖然認識左夜心 / 偉哥 / 華仔好耐﹐但都係第一次睇佢地踢波咋~~哈哈~~感覺好得意

^0^ yeah

工作間

抱歉~ 因為張原圖已經比我 delete 左﹐搵到既只係得呢一張size o甘細既pic...你叫我再影我又無心情了~~將就下吧










矛錯﹐呢個就係我既工作間....不過10月9號開始就會搬去新office lu...

我既工作間﹐永遠都係有一張好混亂既檯面...一張就算加左咕o臣都好唔舒服既 chair...電腦mon 放既位置唔好﹐而腳部既空間又唔足夠令我全身正面對住部電腦...結果每一日我都要以...胸以下地方正面對住張檯﹐而腰以上既地方儘量扭曲望住電腦~~ 當然結果係條neck 成日都痛吧

檯右面既partition 貼左4張pic..一張係小表弟, 一張係表哥個女﹐另外兩張係我同阿婆既合照...

我前面既就係沙律同事﹐佢係一個外表好“浦”但其實個人除左會食煙外﹐一D都唔“浦”既人...我同佢handle 唔同既客﹐基本上係工事上大家係無需要交流....但如果我地dept 有D決定係關乎到我同佢﹐通常我地都企埋同一陣線....同佢既話題包括有鬧公司...演唱會賣飛事宜...一齊係公司由9點至2點打電話去訂演唱會飛...其他娛樂資訊等~~~

遲D 係新office 就post 相比大家睇吧

你無睇錯

對~~你無睇錯﹐呢個blog 係早上6點幾update 既~~唔知點解雖然擒晚11點幾先訓﹐但訓到頭先6點就覺得好夠了﹐睇下唔同既website 後就突然想update blog..haha

尤其係睇到Mr. R 既日記...Mr. R 係一個素未謀面既朋友仔...從佢平時係msn 同係blog 既談吐﹐總覺得佢係一個好男仔....可惜佢唔比我睇到佢個樣丫﹐否則我一定會幫佢物色一個女朋友~
哈哈哈哈~~還有﹐總覺得佢既思維好好﹐我覺得佢應該可以係marketing 界(or 需要創意既行業) 發展得好好架~~ 佢比多D 信心自己吧^^

其實仲有幾個朋友都係newsgroup 認識﹐但從來都無見過佢地個樣....好似眼仔o甘﹐由於佢係同我同行﹐所以好多事都可以請教佢﹐而佢成日都會提點我~~ 仲係一個每日下午4點半左右大家就會開始一齊倒數放工既朋友仔呢~~哈哈 我成日都好希望佢既願望成真架~~ ^^

唔~~其實係我個谷出現既全部都係我既好朋友~~多謝晒你地^^~~

哈~~還有最近發現到一個回答他人既好方法﹕

友人﹕“幾時到你結婚ar.?”
妹﹕“你幾時借20萬比我ar....”

跟住呢個話題就好自然跳開左了~~~~哈哈

其實講笑o者~~不過家下搵$艱難...用20萬去結婚其實真係好多$~~ 點解D人o甘有米既﹖﹖
不過真係好奇怪...其實我呢個年紀﹐應該有D朋友已經結婚吧~ 但係我認識既加國朋友 / 小學中學朋友...相熟既又真係一個都未結wor..大部份其實都已經拍多過3-4年拖...有一個仲拍左10年添....o華..........10年...冒汗中....

weekend!~~

哈哈~~無錯~呢一碗咪就係公仔麵...係一碗好特別既公仔麵~~你唔好問我點解喇~~總之就係一碗超特別~~又超正既公仔麵~~正爆~﹗哈哈哈哈

夜晚同左家人同舅父一家做節~~好似太早呀呵~不過矛辦法喇~下個星期哥哥standby..正日個個星期媽媽爸爸又番大陸...所以唯有今個星期食喇~~ 哈~~見到剛讀中一既表弟﹐佢已經有我o甘高了~~真厲害~~不過我都希望佢繼續高落去~~ 聽聞佢既番學生活都幾忙﹐希望佢努力喇~~ 見到佢就諗起自己既中學生活...諗起當時讀中一都真係on 居居...上堂D野又唔明又入唔到腦~~ 哈哈...其實我成日都諗﹐如果我係香港讀中學的話﹐可能讀到中五就已經讀唔上喇~~

亦見到剛讀小一既小表弟﹐雖然都係好唔定性﹐但都比以前好左架喇~~幾時先會可以好似哥哥o甘乖呢~~哈哈

最近2日我都morning 失call...今晚一定唔可以了 = =

今日既六合彩又唔中 >< 幾時先可以中 ar..下星期係金多寶﹐大家記得買喇

別人的日記

究竟你有睇幾多個朋友既日記﹖ 基本上我每一日早上﹐上網睇完newspaper 之後﹐就會去睇下朋友D 日記有無update...

然後﹐就可能會睇到一D 人地平常唔開口講出黎既事....亦通常好懶地無留言回覆....雖然懶....但我睇過既野係有放係心度的

我既日記.....明顯地比之前既開心左好多~~亦好開心有D睇左既人﹐會暗暗地係msn 同我分享佢睇完我日記既感受~~

唔...究竟我想表達D o羊呢~~~~

其實無o羊野~~~~我朋友唔多﹐只想多謝每個錫我既朋友仔~~

photos @ 長洲

唔

唔~~最近update 日記既次數好似少左好多~~~哈哈~要努力番D 先得啦

今日係星期二﹐仲好懷念個假期﹐仲好想放長D 假.....救命ar...下個假期會係幾時呢﹖﹖﹖﹖一番到公司就收到消息會改10月6日先搬office...究竟係咪真係搬架~~改完又改...由之前既6月搬已經改到10月...真厲害~~不過改期都好既﹐因為搬個日係中秋節.....會改為1點放工...往年都係早一個hour 放架咋~~哈哈

擒晚去左TST ~~去左 Triple O 食 burger la...其實一早已經想去﹐但之前小羊話我病﹐一直都唔比﹐結果擒日可以去喇~~價錢係 around $49 - $59 一個餐....包薯條﹐汽水同一個有半塊面o甘大, 超厚既burger...因為真係會食得好飽﹐所以感覺上都抵~~哈~~超好味~~
















相1) 套餐全家幅
















相2) mushroom burger

















相3) original burger

之後行左一陣就突然覺得好累...所以主動提出話早D 回家喇~~係bus 度...完全係昏迷左~~直到去到商場附近小羊先叫醒我...但最後都係因為未訓醒..決定去到小羊家附近一齊落車﹐然後搭taxi 回家了~~

呼~~點解突然o甘眼訓~~

番黎喇~

話o甘快就過左3日2夜既長洲之旅~~details 唔講喇﹐要留番比我地自己回味嘛~~

之前一直擔心會落雨~~仲走去學人掛晴天娃娃~竟然係呢3日2夜裡面無落過ar..仲出太陽添 ~ 真係幸運~~thanks ~~

可能你會話...3日2夜長洲....邊有o甘多野反~~茅錯~其實我地真係無點反過~~只係周圍行下~去左海灘反水~~肚餓就踢對拖鞋落去買野食...行到累就番去休息~~~而70%時間都係係room 度睇電視....咪心邪ar...真係睇電視呢~~所有劇集汁都撈埋~~(包括天龍8部...6點無頭東宮...甚至係夜晚個2套....連半夜12點棟X神探都睇埋~)哈哈...你可能會問~專登入長洲就係睇電視.....哈~~其實我地一心都係去渡假...去relax 下﹐遠離下部電腦3日2夜o者....真係好舒服﹐好寫意~ 其實開心可以好簡單喇~~

今次既旅程有100000000000000000000個開心~~

P.S. 媽媽話..原來呢2日都有落雨ar...搞到兩老呢兩日都去唔到跑步~~佢問我落雨係長洲有o羊做~~~~我話..下..長洲完全無落過wor..果然係天公做美~~謝謝你~~

你永遠是我的太陽~~哈哈~

閑~~~~~

今日係公司都算閑~~本來客要落既order 遲遲都唔出﹐搞到我唔水落單...

介紹個人比你地認識先~~佢係我家姐個仔喇~~~佢叫......

胡大口 = ="





















= = 佢個仔...咪就係我姨生仔 lor.....哈哈哈哈

但其實個重點係....我見到佢地著左母子裝(其實係o甘o岩同色吧)...突然感覺好....恐怖XDDD


















PS: 個BB係佢契女喇

不要問~~~~~~~~~~

不要問呢個係o羊黎~~因為一睇就知道佢係一個晴天娃娃~~哈哈哈哈哈哈...由於知道呢幾日都會落雨...但我既假期已經黎緊喇﹐所以決定掛個晴天娃娃﹐希望我放假既時候會好天喇~~哈~我都係第一次做呢個勞作...是否有D 低能﹖﹖不過最低能應該係家無白色既乒乓波﹐搞到佢個face 變左orange 色~o華哈哈~~~~~不過呢個假期對我黎講太重要喇~ 真係好好好想有一個陽光普照既開心假期喇~~所以低能D都要做下喇~~我掛左佢出窗口架喇~~唔知D人經過望到會唔會以為佢係鬼呢~~XDDDD

擒日星期六﹐一放工就倒水o甘﹐無辦法喇﹐唔想等唯有照行去搭車﹐結果回家後對襪係可以扭的出水﹐而對鞋更濕到夜晚唔可以著....之後係家hea 左一陣﹐小羊就過左黎了~~哈哈~~多謝晒~~大約6點零就出去商場等個朋友﹐因為book 左打羽毛波~好開心喇﹐可能因為真係太耐無打喇~~最後dinner 埋先back home ~~ happy

今日訓得好開心﹐結果8點5到先起身﹐之後就出左沙田搵羊了~~不過我地唔係一齊出去﹐我去左TKO 姐姐家 lor 野﹐而佢就去左MK 同朋友食早餐~~不過之後我都去左MK﹐ 搵番佢比左盒月餅比佢喇~~ 比完我就去左美心搵媽媽了﹐因為今日同哥哥 and 嫂子飲茶~結果飲到差唔多2點先走~~

哥哥好慘﹐成個 department 比人shift 左去跟另一個人﹐搞到佢都無心留係個度做了~ 但出去搵佢又怕搵唔到o甘高人工 (同我一樣諗法吧~~) 做o羊事呢﹐無啦啦我地3兄妹都有事業上既煩惱...當然佢又話出去開shop la..我同佢講起碼我都捱埋個 double pay la...佢話等我wor....哈~~

3﹕52pm..at home..決定訓一陣 or 打陣機~~早D訓﹐努力番埋呢幾日工然後休息~yeah..不過慘了﹐聽日8pm 去客度開會....過份 ><

星期 five...happy?

本來真係打算 weekend 先update 日記﹐但今日難得email 又無太多野要follow...悶悶之下又update 下了

擒日...又係一個無心J...又係因為工作......只從接手做sales 野﹐一路都好努力去搵D 方法令自己好開心 or 去接受D 新工作...但越來越唔 under 自己 control 了~~加下廠o羊都自己決定晒﹐甚至跨晒權去自己同客人 deal...無知會我地香港office...最差係佢地deal 完之後﹐又叫番我去report 比客人﹐我真係唔做ar...1) 我唔係 messenger... 2) 如果有o羊事﹐係我負責的﹐既然係佢地自己決定既事又之前skip 我左去處理﹐就應該佢地繼續去 follow up ba

所以擒日都幾氣憤...ai...我真係好想努力係呢間公司做架~~人工都OK又準時放工....雖然佢地逼我做D 唔like 既野﹐我都已經慢慢接受左﹐但如果factory d 人o甘﹐我又真係唔知點做落去﹗那個死人廠長~~D 野衰到數唔晒....D $ 渣住係手又唔肯放﹐佢想點呢

>< 突然又好迷茫~~~~

開心D 吧~~我既假期快D 到吧

失憶了

點解我會o甘記得D 事...係我自己太過重視...太過好記性....定係我太過無聊....

點解又會有人唔記得...係因為根本唔重要....無記性...定係.......................

我失憶了..............今個星期將唔會update blog...因為....o羊都忘記了~~ XDDD

“你...你係邊個....唔好行埋黎ar...我唔識得你架...”

“....我...我係邊個...點解我會係度寫野架~~﹖”

哈哈哈哈哈哈~~~~~

星期日~~~~

今日無接到小羊放工﹐但就係MOS 一齊食早餐~~~哈哈~~去左Mcdondon ar..由於係小羊既江湖禁制令下~~~要講好數話唔準食薯餅先可以去mcdondon ><~ 結果我只係食左個什麼火腿扒飽 ~ 但最後佢都比我食左一啖食~~happy...

















之後就各有各回家~~佢又陪我打左陣機﹐佢幫我解左幾個任務~真係好~~到左around 11:30am 我就同兩老入左TKO 搵姐姐同姐夫飲茶~~好耐無同佢地飲過茶 lu...本來今日想請佢地的﹐但媽媽爭住比~~話等下次哥哥阿嫂都係度先請wor.....姐姐話我個橫切面薄左ar....哈哈~~大家估唔估到佢想講o羊呢﹖﹖其實佢係話我瘦左ar....不過姐姐相反就肥左~~我又再一次問佢係咪有左ar..haha..

飲完我就搭車出九龍城附近搵小羊﹐因為佢去左踢波喇~~我又去做啦啦隊 ar...哈哈~~不過D天氣真係唔太好﹐好局喇~~

















今次大家又搵唔搵到隻羊呢﹖

佢踢完波就坐車回家了~~不過可能頭先係球場好熱﹐又食左藥﹐係bus 度涼左D冷氣就開始覺得唔舒服想嘔~~不過好彩好快就落車~~~

呢個時候相信佢已經訓死左係bed...我亦有D眼訓﹐不過應該好快有飯食~所以唔訓住了~~~

btw..公司係8月31日突然發出一份9月1號要生效既員工手冊﹐內容包括我地D dress code ar...遲到既規則~~大家睇完都媽媽聲~~ha...其中係話我地唔可以著牛仔褲同波鞋...無領T-shirt 都唔得~~ 當然9月1號個日根本就無人follow XDDDD 但唯一好既地方係做滿4年就加3日annual leave...仲有如果老婆生BB﹐老公可以有2日day off...不過講真﹐都唔知捱唔捱到4年喇~~因為我2007年5月就做夠4年﹐但佢要再下一年既一月先開始加個3日呢~~ 很老土

嗯~~可恨的星期一逐步逼近喇~~救命ar....救命ar..

但我9月14日 - 9月17日 annual leave ar...超開心﹐超期待~~yeah