充滿照片的blog...

星期六....

1) 太子son 係大陸買左呢副 LV麻雀比佢朋友做生日禮物...我地係公司見到笑到肚痛...見都佢個鐵盒同埋牌後面個D LV圖案﹐簡直係一絕...最後佢仲用平時人地包包裹個D綠色紙當花紙包住佢﹐帶出街添~XDDD

















放工後就同同事去唱K﹐好耐都無呢D 同事function lu..連2個舊同事都有到...very happy la..

2) 夜晚去左加利朋友既bday dinner..係CWB 既狗狗 cafe..見到呢隻好可愛既大狗...個樣懵懵的﹐tum 死我~~~^3^

































星期日....

陪左兩老出去同哥哥阿嫂lunch..lunch 完之後就回家lu..無幾耐小羊都起身..結果同佢不停地反online game...開心^^~~o甘就過左一日 lu..大家睇下我地係咪親到絕呢~~我地係唔同時間create 個人物架..又完全無夾過..點知出左黎..大家都差唔多look XDD





















星期一....

一早去左接小羊放工﹐之後去左觀塘 breakfast..好正既舊式茶樓..係有阿姐圍住條帶係neck..捧住個盤係肚度sell 點心的~~還有我最愛的...“um春”蛋燒賣

































之後就去左新都城行...行左一陣我就去左舅父家裝香比阿婆阿公..之後又再係九龍灣meet 番小羊繼續行街...去左 bistroDelifrance 食...D 包包都唔錯架^^~~

































由於自己今早太早起身﹐行行下都開始跌 watt...大概5點幾就走lu..哥哥今晚回家dinner...happy

開心的假期總係好快完結....

下一個假期...要到Christmas lu..

yeah..weekend...

星期六﹐係等放工既時候就當然係update blog 既好時機...3日矛見小羊喇...一陣佢會同我D 同事一齊去唱K 喇...所以其實我同D同事都已經準備好﹐準時放工 ar....!!

之前係blog 度所提及既林海峰 talk show..好lucky 地我打到電話去換飛ar...仲要係超lucky 地佢9點開始換﹐我9點就打通左喇...雖然D位都會幾遠.....um...矛所謂喇﹐因為我同小羊都會想睇..不過呢~佢好似會加場 plus 公開售票....XDDDDDD

本來個同事話早D番工幫我打電話架﹐但佢都矛做到...枉我平時成日都幫佢打電話﹐仲要次次都要係我幫佢打通 ><~~

所以話~~做好人呢.................um...但我會繼續做XDDD

have a nice weekend, my fd~~~

wowo..放假在望

開開心心又到星期4...wow..放假在望

今早有D唔開心...原來我敵不過 newsgroup...唉..... 更敵不過一個lunch...><

聽日要打電話去換飛 lu..換既係林海峰既 talk show 飛, 要用manhanttan 卡先可以換架...不過聽日換個D全部都已經係山頂位.....雖然聽聞會加場同公開售票﹐但同小羊討論過﹐都係決定聽日打電話去換lu...唔知又要打幾多個 hours 呢......

















你記得你自己choose 左B 架.....﹗嘿~~~~~~~~~~~~~~

又是星期一

不經不覺已經到左10月尾...wow..真係話o甘快就會到christmas lu...

今 日lunch 同左同事飲茶...慶祝10月生日既同事...第一次係第一城飲茶﹐去左第一棧...價錢OK﹐味道都OK ..今日仲有Enid 既出現添~~佢咪就係上年年尾係我地公司做 part-time data entry 既妹妹仔...佢做左3個月左右就走左﹐去左澳洲讀書...佢都係上個星期番黎放暑假...到下年二月先再番去喇

佢呢~~係叫我做「師姐」架...原因好簡單﹐o甘o岩我地讀同一間中學嘛~~XDDDD 當然我老佢好多屆喇

基本上係公司輕鬆渡過...5﹕35左右就閃 lu....係家打左陣機就開始有D眼訓...等一陣做完morning call 大使就應該訓 lu...

好開心ar..因為買左飛睇show...資料如下...有我最like 既古巨J 同小羊既軟硬~~正爆~~如果有興趣就快D買飛喇~~21/11 見~~

麥當勞世界兒童日2006音樂會 主辦機構：麥當勞 用心和唱：叱903 票價 類別 A Reserve B Reserve 成人 $150 $80 日期及時間 (星期二) 11月21日 晚上8時15分 地點 香港會議展覽中心3號館 註 - 劃位節目 - 適合任何年齡觀眾/ 一人一票入場 - 門票公開發售日期：10月23日 票價不包括顧客服務費 麥當勞世界兒童日2006音樂會 表演歌手：古巨基、林憶蓮、陳奕迅、軟硬天師、衛蘭 (排名依筆劃序) 演唱會 演出時間：約120 分鍾 (不設中場休息) 請注意： 此節目的主辦機構僅允許快達票使用最佳座位設定，故所有顧客不能享用我們的最新網上自選座位功能。如果閣下希望仍能自選喜愛的座位，請於快達票售票處和票房購票或聯絡我們售票熱線 31 288 288 (辦工時間：每日早上十時至晚上八時)

奇怪﹖﹖﹖

呢排心情好奇怪﹐唔知點解成日都好想見到小羊... /_\ 其實平時都會好想見﹐但最近心情卻係特別奇怪...做o羊呢....不過有時見得太多﹐小羊會覺得悶吧.............. ar...小妹你搞o羊呢~~﹖﹖﹖﹖﹖

今朝發了一個好搞笑 and 很奇怪的夢....夢境裡面我同小羊一齊跑緊馬拉蟲....(好奇怪﹐我明明係一個好憎跑步既人)...之後無喇喇小羊竟然特登用腳 kick 我 wor....跟住我就好 angry..一路跑一路鬧佢 XDDDDDD 我記得有鬧佢話..."好認真馬拉蟲緊架嘛....做o羊 kick 我 ar..!!!!" 哈哈~~~~之後佢仲要X皮笑臉o甘 tum 我﹐激死我喇

究竟呢個夢係咪有D寓意架呢~~~不過算啦﹐我又亂飲野喇...媽媽話﹐夢境如果講左出口﹐就唔會靈驗架喇~~o甘等我講多10次 先... XDDDDDDDDDDDD

今日放工搭馬鐵既時候又突然想起阿婆...差D流出眼淚.......ar..唔知係咪佢臨走前既10幾日我每一日都去E院探佢...所以有D印象永遠都仲好心刻呢...

阿婆我好掛住你ar...我好好﹐你呢﹖

黑色星期二

勁黑ar!

一番到公司部電腦就死左﹐IT同事話個hard disk 死了.... 佢唔知係where 搵左部電腦我用﹐唉~~但個部電腦個南極星program 又short short 地﹐個window live messenger 又用唔到...

終於上到網﹐原來自己谷都死左....哎呀﹐今日究竟係o羊日子呢 /_
仲要比IT 話我成日整死D 機...又比佢寸我叫我去學倉頡.............

心情很不爽的一天......絕對有想殺人的感覺 .\+/.#

from 小羊的禮物

好開心ar..小羊夾公仔夾到Stitch 同Angel ar...初時以為好細隻﹐今日見到真人..........o華~~~好大架﹐仲大個小羊個頭~~勁開心~加下我keep 住隻Stitch..佢自己keep 住隻Angel..happy!!!!!!
















相1) 楊小Stitch 已經入侵我張床喇~~

















相2) 呢對Stitch 手套公仔﹐係我係中秋節買架

星期日去左接小羊放工~ 之後就去左沙田睇寶貝計劃~~好多人都因為成龍做所以唔睇﹐但今朝卻係滿晒座 bor...不過呢~~呢套戲我真係覺得唔錯﹐好多笑位﹐亦唔同以前成龍D戲既一貫作風﹐only 不停o甘打打打...係講好多種“情”....親情﹐愛情﹐友情....

睇到呢篇日記既你.....都不如拋開成見去睇下﹐我覺得你會有以外驚喜...就算只係當佢係一套普通既笑片﹐都好睇過鄭中J 個D 好多倍喇~

睇完之後小羊就出去踢波﹐而我就去左join 家人飲茶﹐飲完之後就去番球場搵小羊﹐點知一去到﹐小羊就同我報案話佢傷左﹐原來係跌親擦傷左手......呢D擦傷..比起之前佢爆嘴當然係閑事喇~~~~叫佢再洗下傷口又話唔水﹐話買野比佢噴又話唔要 = = 我發覺我講既野成日都矛人聽既 /.\.....

呢一年佢都好似好多損傷...梗係我黑親佢.... 唉............

又到星期五

今個星期好似過得好快~ 話o甘快就到星期五﹐新office 既環境都開始習慣﹐係有時候唔知道同事個位係邊﹐要四圍轉搵佢~~ 個水機同廁所都係好遠﹐所以每次都用好多時間去廁所同添水...從而增加左好多hea 既時候吧XDDDD

明天無野做﹐放工都應該係回家﹐等兩老打完牌回家dinner...

星期日就應該係去接小羊放工~~不過佢踢波踢1-4...唔﹐反而想佢放工番home 訓下先....

今日係姐姐係公司既 last day..但星期一就番新工喇﹐希望佢會like 份新工喇

我呢~~最近做野越來越“拿西”了~~D野得過且過就算....唔知係因為我懶左定係因為唔再投入呢份工呢........又或者係只從接手左 sales d 野黎做之後﹐對於工廠所產生既問題﹐自己唔想去involve 吧...結果A字膊下﹐越黎越置身事外.....其實我都sense 到太子son 忙左好多﹐亦因為o甘少左去了解我做緊既野........我知今年年尾, 太子仔實會話我今年無進步o者....不過講真丫﹐我認既.........

算吧﹐今天快D過.................好想1月快D黎

今日小羊踢完波﹐去夾公仔﹐最後夾左 stitch 同 angel 既大公仔ar..佢 send 左相比我﹐勁開心喇~~^3333333333333333333333333^

別人的新居

恭喜網友阿茶新居入伙~~ 哈~ 佢係網上面post左佢新居既pic...雖然唔係話好豪華既裝修﹐但睇完D相都感受都佢既喜悅...尤其係一間將來準備結婚後居住既house 吧~~~而我最喜歡既........就係佢房裡面既藍天窗廉!


















其實我一直都覺得對於一間房 or 一間屋﹐一個望落去令人開心既窗廉係好重要...所以我其實都幾討厭自己房個個窗廉架﹐因為佢只係一塊好普通﹐白色間條既窗廉...好死板 >< ~~但矛辦法~我只係執二攤住呢間房﹐而媽媽又好反對 waste money 去換...

如果比我揀﹐個窗廉一定要係望落去開心既﹐又或者係色彩鮮艷既~~~總之一定唔可以係白色吧~ 如果窗廉係普通既﹐我就會揀去整一個睇落開心既天花顏色 (呢~~咪有人將個天花整到好似藍天o甘﹐我都好like ar) 但我開心既定義唔包括係用卡通圖案﹐因為我覺得都幾...低能...XDDD

不過呢~~~人越大就開始發覺大人既生活真係唔簡單~~~o羊都係錢.....尤其係我地年代出生既人...都已經逐漸開始步入另一個階段吧~~~將來結婚要$﹐住要$﹐2個人生活要$...我自己對呢D野要求唔高...只要開心就得﹐但始終都係要$ 吧.... 講真﹐就算孤獨終老﹐都要有$ 旁身吧~~XDDD 呢一刻突然諗起...細個真係開心﹐無懮無愁~~ 又突然諗起﹐兩老真係好...比左好多優質生活自己...佢地其實都好辛苦吧。你諗下﹐家下自己儲$養自己都好似o甘難....個時兩老要養自己之外﹐仲要養我地3個化骨龍bor...

唔知...唔知我幾時會中六合彩頭獎呢~~~

每月最痛

擒晚經歷左我既每月最痛...唔知點解﹐家下每次親戚到﹐都會肚痛﹐擒晚半夜痛到死....唯有fu 暖水袋﹐之後就坐左係度訓~~其實都唔知點解會o甘﹐以前呢﹐都唔會肚痛﹐但近年﹐唔係肚痛就腰痛到死...D人話係身體唔好先會o甘架 ><

唉~~~但擒晚真係好辛苦...係辛苦到我發勁嘈.....救命ar.!!!

突然諗起老鼠安首男人最痛~~哈哈~~~

更多照片

1) 望出去的馬鐵景色
















2) 雜物房~ 相左邊仲有架~不過影唔到
















3) 長長的走廊~~~
















4) 呢個係Pantry...幾high...有凳比你坐係度lunch 架 (即係唔比你係位食 lor..)

小妹@ 石門新office

講左成4個月﹐今日終於真係搬左office la...

今日坐8﹕20分既村巴﹐去到MOS 商場買早餐﹐之後就坐馬鐵去石門站 lu...一路都同小羊 sms...佢放左工之後仲話送我番工添^0^~ 勁開心~

結果行到去我公司樓下﹐大約8﹕50分左右~~唔~ 如果下次我早D番 office 簽到﹐就可以鼠番落去同小羊食早餐 lu ... 呵呵呵呵~ 正~~

我都係第一次去呢個 office... D 大哥大姐房全部都係玻璃的~~好似金魚缸o甘XDDD 而我地D 位就比以前逼左好多﹐而間板就有去到我條neck o甘高喇~~ 間板係紅色﹐唔知係咪唔慣呢﹐坐係度一陣就開始覺得頭痛 ><

今日部電腦搞死我 ar...初時就上唔到 server...原來係我個位條線唔得﹐要駁條長線去隔離個吉位用住先~之後就 keyboard 壞左 ... 睇黎呢個位置都好似唔多利我 bor...但好彩係我申個頭出走廊都可以望到出面山景喇 ^0^

遲下有機會就 take 多D pic 比大家睇^0^

追月~~~

哈~~~放假當然係休息休息﹐結果 around 1點半先出門口~~決定左近近地去鑽石山廣場行...可能係假期喇﹐都幾多人下~~

去到行下又E左肚...可能係因為我地要買BB野送比小羊就出世既表弟喇 (其實都唔知係咪真係表弟XDDD) 結果好多鋪頭都有入去行...一望錶竟然係就黎5點...唔係ar 嘛~~呢個商場竟然行左3個 hour

最後我買左對 all star 波鞋添~~終於有新鞋著喇...應該係話﹐對舊鞋可以去洗了~XDDD

行完就回家了~~係home 同小羊打機﹐我地又開始左番一個新online game..叫 飛天XX free...顧名思義係免費的﹐而且個畫面好有趣﹐好小朋友feel﹐打D 怪物都係cute d 的 (例如打豬豬打狗狗等XDDD)

最後9點幾又出左去MOS﹐原因係中秋無反過燈籠同蠟燭有D 唔知點o甘吧~~結果小羊話陪我去反~XDDD 出到去佢買左個燈籠比我~~yeah...hohoho...然後一路係MOS 行﹐最後行左去烏溪沙附近個“沙灘”度喇﹐好多人係個度度透爐燒野食~~勁~ 最後我地行左去碼頭附近就坐底﹐無聊地反下蠟燭聽歌仔~~

































有一班我估 around 12-13 歲既小朋友係度反game..反輸左既penalty 係...要嘴對嘴另一個朋友...結果經常聽到既對白係﹕

A小朋友(女)說﹕ 哎呀~~呢個係我初吻黎架~~
B小朋友(女)說﹕我唔要錫佢ar...我初吻黎架

不停就係係短短幾10分鐘聽到呢幾句說話...

而我同小羊既反應係....唉~~~唔夠膽就咪鬼反喇~~~輸左又要大大聲話係自己初吻唔想罰...妖...你家下錫左個咪無左初吻lor...之後可以安心反喇~~~ 所以話呢﹐生仔咪好 lor..最多都係呃人地個吻 XDDDDD 生女....o甘樣反個game 就唔見了初吻了 (其實可能係今日既初吻吧~~放心喇﹐仲有聽日個初吻架嘛~噓~~) 而且家下D 細路都好大膽吧我覺得~XDDD

由於小羊要反工﹐坐左一陣就走了~~~哈哈~~開心的追月夜

多謝小羊陪我去反D無聊野喇~~~開心開心^0^

開心的中秋節 (1)

中秋節大家點過呢~~由於爸爸媽媽上左大陸﹐我唔需要陪佢地喇~~

所以around 6點就同小羊去左沙田﹐本來想去買飛睇戲(成龍套BB movie) ﹐ 不過好多人睇﹐想買個場都已經得番前排 or 則邊位﹐所以決定唔睇了~~之後就去左元氣食野

= = 超多人~可能因為大家都放早﹐所以將排隊既時間推前左好多~~ 但矛辦法喇﹐要努力幫媽媽儲印仔 ar...結果等左 around30 mins 先有得入去呢~~

結果食左元氣壽司團年飯XDDDDDD

















之後就係沙田行下喇﹐後黎仲出左去公園睇花燈~~其實睇係其次﹐最主要係想感受下中秋氣氛吧~ 見到D 小朋友反燈籠同蠟燭﹐好開心喇~

全軍撤退~~

星期五~~中秋節~~~公司揀左呢日搬office...set 左11點會 off server...12點前要pack 好晒所有野...唔知點解我公司同事竟然難得的高效率....我個邊既office...大家都係around 11 點已經pack 好晒野﹐由於老闆同老闆娘唔係度﹐我地又無電腦用﹐當然就吹水喇~~~

好辛苦先等到12點...見到我 dept 阿姐都竟然pack 晒野走出黎加入左吹水行列~~ 到左 around 12:20pm..阿姐終於悶到頂唔順﹐就話其實唔水等到1點喇﹐大家都無野做﹐等黎都無意義﹐就叫我同沙律同事走啦~~我同沙律同事都有D猶疑﹐而且見太子仔無出過聲~~(佢無出聲係因為佢無膽話事吧~~) 結果唔夠2分鐘﹐阿姐就已經一個快閃了~~我同沙律見到就當然都急急腳親機會走~XDDD

其他同事問我地係咪走得~~我地都只可以話係自己dept 阿姐批准我地走~~其他同事立刻 jer 住太子son 問係咪走得~~結果太子son 又係矛出聲~~矛辦法喇﹐佢怕佢放走其他人佢媽媽知道會鬧佢吧~~但最後其他同事都係起鬨下﹐全部即刻閃

結果我地由原來既1點放工﹐再提早左12﹕30pm 就放了~XDDD 開心爆

拜拜喇~火炭~~~~石門新 office...我地黎喇~~~~

開心海馬公園之旅

擒日同左小羊去海馬公園既hallowbush...勁開心~~ 3點40分左右係MOS出發﹐去沙田坐170﹐然後直接係正門落車~~以為要等5﹕30先可以入喇﹐點知我地去到around 5:15pm 已經比入去lu...不過張飛既磁帶唔work..結果要去售票處換另一張~~

















相1) wow...海馬公園我地黎喇~~~


入到去~~~ o華~~好多人ar...不過係日場既人喇~好明顯好多都係自由行....其實之前已經研究左地圖﹐又問左mr. R lor tips...所以就先坐纜車上左山頂先~~然後再行去集古村個頭~~由於仲有大批自由行人士未走﹐結果我地就同佢地抄埋一碟~~逼到死呢~~幾經辛苦先落到去~~ 當然就先排隊反下喇~~ 由於我地有fast pass...都唔水排隊喇~XDDD

正 ~ 反左2個好大既鬼屋﹐就坐底睇show 了~~由於小羊忘記左帶相J...所以全晚都無點影相喇 (我部相機太渣﹐唔太影到夜景)





















相2) 親未天黑影相先﹐用左閃光燈...明明係黃昏﹐影出來變左夜晚XDDD btw..呢一隻南瓜人我真係好like la...very cute XDDDD

其實唔講太多了~~因為我知道仲會有朋友去﹐以免佢地無驚喜吧~~

但comment 係~~覺得搞得好好﹐比上年更有心C~~又好似多左人扮鬼 (一路係街都見到呢~~) 下年都會繼續去的說 (就算貴D都會買fast pass 吧)

最後我地around 10:50pm 走~~其實我地已經矛反D 機動游戲 (只係反左個濕身飛船) 同埋用左fast pass唔水排隊...否則可能唔夠時間反添喇~~ 超happy 的一day...

PS: 我同小羊都好感激你既“仗義相助”喇~~XDDDD 多謝晒~~~~

人家的婚讌~~~~~~~~~~~

擒日去左小羊個波友既飲讌~~


















佢朋友係北京道一號 9/F 帝延度擺~~個場都算OK﹐樓底高﹐雖然係長型既廳﹐但由於佢裝晒LCD mon﹐ 一直都影住個台做緊o羊﹐所以就算坐後面都唔會太悶吧~ 個廳係對維園景﹐8點仲睇埋什麼“XXX香江”個show 添﹐擒晚仲有少少煙花添~~正



















等到9點左右先正式開始~ 見到安排左好多佈置﹐而且D姐妹全部都著晒一系列既姐妹裙~
到中段﹐隔離檯班朋友就開始喪劈人地D 紅酒...vsop了~~之後仲醉左幾個﹐嘔左2件~~要勞煩其他人送番home...小羊好忙o甘照顧佢D兄弟...

而最後我地臨走前...其中一個朋友係酒樓怒癲(XDDDDDD) 幾經辛苦先送到佢回家喇~~ 我諗一定嚇親人地既 daddy mummy la..佢仲係酒樓樓下訓左落個大花盆度...好慘ar...佢扎死晒D花 ar~~~~~~~~XDD

最後﹐我﹐羊﹐KD 同 Frankie 12點幾1點去左cafe 飲野﹐反啤牌~~ 大家傾下計﹐又講下女女~~可惜我真係無女仔朋友丫~~

結果end up 4點幾先回到家~~累

還有擒日係TST 上演了一場 adidas 門口小妹PK記﹐我對肉腿..................不過唔痛~~皮外傷吧了 (以下照片需要家長指引)