豐富的星期five

擒日去睇演唱會ar...所以一放工就去火車站等小羊﹐之後就去TST 金水食壽司~ 小羊話佢出左bonus..所以要同我去食我最like 既日本野~~

金水其實係板前隔離~ 佢的確比板前少人好多﹐但價錢就差不多~直到7點30分先開始見到有人係出面等位~

http://www.openrice.com/big5/sr2.htm?shopid=15920

佢D野都好新鮮~ $8 既三文魚壽司超正~ very fresh..今日第一次食火焰類既壽司﹐感覺怪怪~可能我都係喜歡食生既多D






















其實種類都好多~所以我都推薦大家去try 下﹗因為佢D野食都真係幾OK﹐而且quality 同板前個D差不多

之後就去左紅館附近等同事﹐其實我地係同埋同事 and 同事女朋友一齊睇架~~ 當然都預左無快歌~~果然係齋聽~但佢又真係唱得超好~~可能無快歌既關係喇...觀眾氣氛都係麻麻地~連跟住首歌拍手都無人做...唯有自我陶醉喇....哈哈~~最後仲要10﹕50pm就散











不過如果以聽歌的話﹐真係有10個讚~~

表弟結婚照

哈哈~~~終於有pic 睇喇~~第一次用姐姐部大相機...D function 都未太識..又未摸熟部機﹐所以影相有D都out-focus 左...如果可以用多幾次就好啦~~ 去片














呢個係我表哥個女呢~~好搞笑~~表哥話佢會失驚無神走去廚房同個賓賓講“i don't like you"














欠缺姐夫的全家照1~~~














全家照2~~~













o華~好多龍鳳厄 ar..













呢D 就係姐妹團喇~ 張相係focus 落表弟同佢老婆上﹐但因為費事比佢地暴光﹐所以cut 了~~XDD

表弟的結婚日

哈哈~~~10﹕30就出發去大姨到~~去到就先落左茶樓食野先~點知突然電話到...表弟已經番左黎...再問之下﹐原來已經入埋屋添ar...下~咪住...佢屋企無晒人架wor..D 人都係晒酒樓~~結果D 親戚就立刻上番家喇~~真搞笑~XDD

當然一大班人係大姨家都無得坐架喇~~而姐姐帶左部大相機去﹐我就親呢個機會反下佢部相機喇~~勁開心~~

到2點鐘...就出發去TST﹐佢地係去伊甸園註冊~~個度地方雖然細細﹐但就佈置晒...會比政府個D適合影相既~~佢地註冊完﹐大家都分道揚鑣~~我就落左sogo 食野~之後就行下商場然後去酒店~其實都開始覺得累喇...點知去到酒店樓下﹐姐姐打來話唔夠西餅....又由皇家太平洋酒店行番去地鐵站買餅~~我覺得我都係靠意志力去完成呢個任務咋~~上到酒店都立刻要坐底抖抖

anyway..哈哈~~~真係祝你地百年號合~~永結同心。

至尊漢堡

星期5放工既一大節目係去mcdondon 試個至尊漢堡....um...感覺比普通漢堡包多左肉汁同埋咬感﹐但始終都唔夠big mac 好味道﹐相信下次再eat 的機會不大~~講到burger 始終都係最愛triple O~~yeah~ 正爆

之後既第二大節目就係馬鞍山睇戲...睇一套叫什麼多羅羅~~我未睇過漫畫所以入去之前唔知內容係講o羊~ 最後comment 係個故事都幾得意﹐可惜唔知道套movie o甘長, 去馬鞍山睇坐得好唔舒服﹐而我又覺得凍 > <

而今日就去左TKO 睇小羊踢波~~係體育館等佢既時候﹐聽到有人打乒乓波既聲~~o華~~突然超想打~~以前跟小遠都只係學到開波左右就停左~~今日聽番o甘相熟既聲音﹐真係有D手痕~~哈哈

明天就係表弟既結婚日...恭喜~~恭喜~

討厭的春天

我真的很討厭春天

上一年前的春天﹐我皮膚敏感....用了大半年時間才算得上是康復了

今年的春天...每日都心驚膽跳....害怕佢會重臨

結果...真的來了

輕微的敏感..立刻去見了中醫...................

希望可以早點痊癒...

神奇帽子

好耐既pic...小羊係年宵買的帽子~~勁 kawaii~ (其實呢個應該帶係後面的XDDD)

今日行程

估唔估到呢﹖﹖﹖















































答案係...同兩老and 哥哥飲茶....之後去睇小羊踢波~~最後去左小羊婆婆家 dinner..見到佢表弟阿呆 節目豐富的一天...累

大減價

因為大減價既關係...係一個星期裡面買左2件薄jacket...1件係CEU﹐1件係3葉adidas...正~~































唔知點解我真係好like 著呢D jacket..其實我已經有好多件~ 下次都係唔好買喇 (次次都係o甘講)~~ 其實我超like 著鮮色既jacket..所以呢件adidas實在正爆...而另一件就因為容易配親...超級大減價~好平 $99 only...

我春天買3就係有呢個好處~~ 當大家開始熱到要著短軸既時候...我仲可以係大減價時買平野...而因為怕凍仲可以著多好多個月先收埋落櫃XDDD

其實今個冬天除左呢幾件jacket (仲有一件puma 不過無post 出來XD) 同埋件去飲3~~都無買其他3...而且全部都真係大減價先買...不過下年要 lu..因為眼見著緊既都已經好慘舊喇...

um..夏天黎喇~~~突然好想買D 背心~~哈哈~~不過背心出面都係著jacket...XDDDD

大家想睇我肥美既手臂~~好難lu...

我的好同事....

雖然最近種種既事﹐令到我地呢班同事可能各有去向~~但我一定會同大家keep in touch..因為你地真係好好好~我諗係工作上﹐真係好難遇到你地呢一班o甘會肯互相合作﹐又唔會有機心既人~~你地絕對係我唔捨得離開呢間公司既原因之一~~















btw..呢度並唔係全部人~~仲有D無係呢個pic 度呢

我終於沖左涼了~~~~~

我終於沖左涼了~~~~~

咳~咳~~~應該係....我終於出左糧了

決定係...坐房的人全部都月尾出糧﹐manager就 50% 而below manager 就100%...死人笑面虎原來一早已經決定左呢個安排﹐但係meeting 度都要帶我地遊花園...直到我地開始由1-2個人出聲﹐到最後好多人都出聲比comment, 佢先提出呢個安排...果然係賤...仲要係o甘blame 我地﹐話我地拿唔到人工係因為我地出唔到貨 (其實暗暗地係話我地唔夠努力)...頂...有無搞錯...我要既係上一個月既糧wor...點解要睇我今個月既努力先可以比人工﹖﹖而且我地唔係無努力﹐出唔到貨全部都係因為factory 既問題....﹗﹗佢一講呢D﹐我地幾個做sales 就好angry 了~

anyway..公司大地震了~~

我個dept 得3個sales (連我)...竟然係7日內我地3個都表態會唔做 lu....哈哈~~成個sales 無lu...

跟住又聽到隔離dept 個非常仁慈又非常nice 唔會發脾氣既 account 太太﹐竟然開口好惡鬧佢阿頭...原因都係因為公司炒了另一位同事而將所有job 比晒佢做﹐太多佢做唔晒呢...

呢間公司搞什麼 ar...以前係舊office 都好好地....究竟係關風水事...關笑面虎事...定關老闆事....﹖﹖

講真呢間公司可能年底真係會轉好﹐而且真係會有笑面虎offer 到既bonus...不過我覺得我無o甘長命喇~~只有恭喜到時響到福既同事喇

都係快快手睇下可唔可以幫到自己fight 到D 著數就走...到時就真係關我鬼事了

行動升級

因為無了期無糧出...而上頭完全無交代...引起左同事既不滿....所以將行動升級~從無諗過呢樣野會發生係自己身上...實在覺得有D喜劇性...

一封大家都簽左名既信﹐已經用email 比左笑面虎...關鍵就係佢明天既答覆...其實欠糧﹐某程度我係可以容忍~ 但不可以接受係笑面虎以為我地唔出聲﹐就當拖糧係大晒...

我地呢間公司好多野都唔好﹐係唯獨最好就係同事之間感情好好~亦多謝你﹐令我地更加知道同事之間係幾團結﹗﹗

要知道劇情發展如何﹐就要等待明天分解~~~

恭喜表弟

恭喜表弟﹐將會係3月25日結婚~~~

今日收到請帖....聽聞個日11點先去接新娘...3點就要去到TST 註冊....下﹖﹖﹖夠時間架喇﹖﹖

再睇下張帖....e...咪住....表弟幾時叫 Miller....﹖﹖﹖我一直都以為表弟叫 David 添XDDDDDD 仲有張帖個樣都唔似表弟...而且ar 表弟婦都無o甘靚....wei..阿媽子究竟有無拿錯人地張帖架...= ="

祝你地幸福快樂~~~

游戲機世界....

最近開始發現...身邊已經變左一個游戲機既世界...PS2...PS3...xbox 360...nds...psp...Wii....差唔多每個人都有一部...

同時亦發現...身邊亦變左股票既世界...朋友既話題好多都係股票股票股票同埋股票....

仲有發現...身邊變左生BB既世界......突然2007年好多人生左/有左BB...

最後就係發現...身邊亦變左足球既世界....好多朋友都係討論足球...

可惜既係...我無游戲機...我唔會買股票...我無BB.....我唔識睇/踢足球............

究竟我係咪同呢個世界脫左節....﹖﹖﹖﹖﹖﹖﹖﹖﹖﹖

哈哈哈哈哈哈~ 繼續與潮流逆走中~~

好耐無見....

好耐無見....係指pic...好似好耐無post 過pic 了

原來都係得2個...第一...忘記了影....第二...懶post.....o華哈哈

不過今日post 下喇...

昨天晚上去了星光行留下間日本野度食~~好相宜既價錢~但味道都唔錯~~佢係買飛自己捧餐個類...起碼比我預計的好味道




























之後因為有免費飛﹐所以去了睇一個show..係由“好戲量”做既 “吉蒂的演戲家族”~ 其實套戲最主要都係講一個家庭既溝通...我覺得佢地做得幾好﹐係笑劇中都幾帶到個point

其實你想做Do羊....

其實你想做Do羊....

係事業上﹐你有無諗過呢個問題呢﹖﹖我有...不過唔知答案...唔知答案其實可能係因為根本唔知自己可以做D o羊.......

尤其今日同太子仔討論左公司既野同我既方向.....雖然明確地知道後果係點...但開始另一個苦惱..咪就係以上既問題...............................

人大左就多左好多野考慮...如果比係以前的我﹐唔想做就不做﹐做o羊諗o甘多...開心最緊要~~~當然....加下開心都好緊要﹐但原來開心外﹐都會覺得收入都好緊要...XDDDDD

不過家下我不是因為唔開心而走﹐是否很on居呢~~﹖﹖我家下走﹐只係覺得應該出去兜個圈﹐去睇下外面既世界...........

究竟我有無決定錯呢﹖﹖

/_\ 諗到頭到爆

大陸trip..

今日突然凍左好多~~一向怕凍既我就當然要著番件哥倫比喇 jacket la..尤其今日要上大陸添~~

係~因為工廠有D麻煩野而香港個邊D客人要上去睇﹐所以我都要跟埋上~~ 8點半就係深圳等另外2個同事然後一齊坐巴士~ 點知巴士其快~去到駁腳站再轉多程車都只係用左 around 1個hour 35分鐘~~ 見D客人未到﹐我就去左office 搵D小姐處理番D訂單先

搬左來新廠我都係第一次來﹐大到都唔知點行~~結果D客人來到我都係跟住個廠長四圍睇下~~到左12點左右就出去lunch...以為lunch 完會番factory la..d 香港客人又話無o羊特別﹐唔再番去了~~結果就由同事車左我地去巴士站等bus回深圳...基本上呢....今日上去我都係行行企企同埋吃了個lunch = ="

end up 去到大學火車站﹐4點都未夠...但我已經決定唔回公司lu..回去MOS 搵小羊行下商場XDD 之後再等埋媽媽dinner...

ar...開左利是了~~1/3 是由小羊親戚派的﹐1/3 係公司﹐1/3 係自己親戚同其他人~~~多謝多謝~~^^ 呢D$$ 全部都要儲起佢了~~不過都有好豪地送衫比媽媽﹐請被炒同事lunch..同要預留一D請舊同事食生日dinner..

公司又遲出糧喇.............as usual.......................................................

暈~~~~~~~~~

今日放工之後﹐就去左TKO 搵姐姐同媽媽~~去到都已經2點..係美心買左個麵包當午餐~ 今次入去既目的係去買衫for 表弟的結婚~~ 講真~~好少的budget..買唔到就算~~結果去到一間shop 大減價...終於買到了~ 價錢只係$300 ....

















呢件3睇落係咪好似好老土呢~~我第一眼就係有呢個感覺﹐但著落既時候原來又不是太老土~反而有D覺得自己好似“小紀廉”呢~~ 其實我喜歡另一件多D﹐不過媽媽+姐姐+ sales 都話我著呢件好D...(死未﹗﹗)但我覺得呢件好浮誇呢~~

不過呢為左用盡呢件3...我決定表弟結婚﹐9月同事結婚﹐下年香港同學結婚都係著佢...如果你不屬於以上類別而又請我去飲的話﹐我都會係著呢件衫去飲的~~XDDDD (如果仲keep 到呢個身材的話~~)

之後就陪左媽媽去MK...行左一陣朗豪坊...但由於媽媽都唔知同爸爸eat o羊好﹐所以我就決定搵陪埋佢地食lu...結果去左勝利道既勝利小廚...個度出名既係海南雞飯~~不過我無叫到~~XDDD

dinner 完後我就去左捐血~~wow..超多人~~不過唔緊要喇~~等下喇~~

等左一陣終於到我喇~~個姑娘一摸就已經話我D血管超幼﹐一定捐得好慢~~我同佢講係ar...不過我會努力^^~~ 佢問我要唔要打麻醉藥﹐因為一向無用﹐所以就答佢唔水喇~~之後佢終於落針....哎呀~~整左2野都唔得...佢話我條血管自己滑左去另一邊ar...> <...因為始終佢移動支針時有D痛...個姑娘就開始顯得有D內咎...因為佢知道我會好痛但我又無打麻醉藥呢~~不過我都不停同佢講唔緊要﹐我OK~~ 最後佢都係搵左senior 級既姑娘幫我~~ o華~~個姑娘一摸﹐就發現個針頭位同支血管距離好遠(差不多一個$5 coin o甘遠...) 佢幫我放好D隻手後﹐係度講..“等我諗下點整先~~” 跟住佢將只針再一插(完全無感覺同完全唔痛)﹐就開始捐到了~ senior姑娘果然有經驗﹗﹗佩服佩服~~之後就靠自己喇~~我有好努力架~今次亦係我 第一次唔水人幫就完成左添~~好開心呢~~


















捐完血就去行下...由於大家都捐左血﹐都已經決定行完信和就搭車回去早D休息~~ 行商場時都好好地~~等車時候見到281A 都好有精力話不如坐呢架﹐然後送小羊番工~~點知之後就開始覺得有D唔舒服...再一陣就開始睇野好矇同埋好暈...個一刻真係好辛苦.....之後有車到但無位坐...個一刻我直頭係已經close 埋左對眼同小羊講我好想上車~~因為覺得係條街感覺好辛苦~ 我知道如果再係o甘我真係會暈低..T_T 但小羊叫我唔好~~之後再坐係個欄杆度就開始舒服左D...亦開始睇野清楚番D...再一陣就有另一架bus來了

上到車﹐除了件jacket..已經發覺個額頭有D冷汗~~有D冷氣吹下之後﹐就開始無問題了~~不過都係係車度訓了一陣~~小羊見我o甘﹐就陪我回馬鞍山﹐送埋我上車先再番工 > < 講真頭先真係差0.5 %左右就訓低了~~ 就係我已經暈到close 埋左對眼休息既時候﹐我係度諗如果我訓低左﹐係咪會要call 救護車來送我入院呢~~ 如果真係送左入院...爸爸媽媽一定會鬧我走去捐血呢~~

迷惘

之前因為無聊所以上網搵工...send 過4-5封後...一直都無feedback..

突然間覺得好迷茫...因為好驚搵唔到工......突然對自己之前既決定又1516.....

大家都應該知道我之前係打算3月resign 4月閃人﹐然後先開始搵工....但就係因為最近早左無聊send下﹐而又發覺完全無人有興趣﹐就開始動搖...不停諗係咪應該找到先走...

...其實我都唔知道...我只係知道我唔係好憎呢間公司﹐不過最近成日都唔準時出糧...公司無水到極點~~ 工廠又亂七八糟...始終唔係逗留既好地方~~

ar............./_\~ 唔得~~要努力build up 番D信心先得~~大家都聽我講resign d 野都聽到悶喇呵~~嗯~我都覺得~~要身體力行多D先得了

btw..擒晚同了小羊的朋友dinner...去了TST 妹記~~第一次知道TST原來有街市...哈哈~妹記就係個度既樓下個floor...D野唔貴不過依唔大碟~~9個人最後每人$7X~~ 都不錯ar~ 不過最開心都相信係佢地一班朋友坐地傾計..結果8點坐到10點9左右先走~~ 其實D話題我插唔到嘴的~~不過見到一班o甘happy 既朋友﹐我都同樣覺得好開心

今日係我好好好朋友生日~~希望佢過得開心^^