無聊的星期六

擒日約左D走左既同事出黎~~能夠見番佢地真係好開心﹐佢地話不如每2個月一次gathering..我好贊成亦希望可以做到喇~~ 結果7點2度坐低﹐最後10點3左右走~~ yeah..超開心...當然大部份都係講番公司最近變成點喇~~其實都係古古怪怪lor..

今日就當然hea 住o甘過我既星期六~~ 最近公司又無wok 爆﹐我又變得好平靜了~ 又過住D 10點開始等放工既生活.............

放工之後去左MOS 商場買lunch..然後回家了

番到家見到保險公司既letter...唉~~又係時候交保費~~ >_< 突然間覺得自己呢份insurance 真係有D貴...有個想cut 鬼左佢既念頭 XDDD 不過無辦法喇~我公司又無insurance ......又要save money la..

好~努力努力努力~~終於有D目標喇~~yeah!

無聊一日記

擒日放工後去左咸隊家 dinner...佢bo 左湯好正喇~ 之後仲叫坐pizza 添﹐開心死我﹐因為我想eat pizza 好耐lu..

但最近又開始eat 多左熱氣野﹐相信係時候戒口喇~否則又敏感番 T_T

其實呢排都無o羊特別... 這就是人生.....

如果可以中六合彩就好啦~~o甘我可以少D煩惱了~

P.S. 最近個blog 有D奇怪....以前post 既picture 會突然不見了...太古怪喇

小妹與他....

擒日去了小羊婆婆家dinner..又見到阿呆~~哈哈~~佢又大隻仔左了~~好一對肉腿~~但真係好乖﹐又不會扭計~~最開心係引到佢笑~~




















今日個西人客又來左香港~其實都唔應該叫佢做客﹐佢係我地partner 多D~ 之前我係跟佢個account 的﹐不過家下已經無再跟..但呢個客好nice 架~ 之前佢全family 黎既時候﹐我都有同佢地去反~打bowling la...唱K 喇~~而佢每次來香港我都會同佢lunch..

今日影的pic..哈哈~~佢話佢太太今次又買左D小禮物比我同另外的同事﹐真係多謝晒

好貴~~

今日買了一條我呢生最貴的褲...是一條Chevignon 的牛仔褲~~價值$695~幸好阿爸阿媽都話好睇

可能你會笑我~~唔係呀嘛~~差唔多價錢喇~~不過呢條真係我so far 最貴的牛仔褲...

其實本來想買條平D的~~levis 有D特價中$4XX 有交易﹐但try 了都係感覺嘛嘛﹐之後去Cheivgnon 睇~ try 了3條3條都好o岩自己﹐尤其係個cutting...所以最後雖然係貴但都買了....

然後同自己講﹐如果自己再瘦D(起碼可以著細一個size 時)﹐再買多另一條喇~哈哈哈哈哈哈

haha.....如果可以著10年就好啦~~o甘條褲就好值喇~~哈哈

好消息~~

哈哈~~今日聽到朋友話佢個BB會係女女﹐好開心ar..因為我知道佢好想要女呢~~記得將來唔好寵壞佢ar..哈哈~~我之前已經第一時間報名做 invisible 契媽~~hehehehe

其實有小朋友個家庭真係會完滿同開心D﹖﹖真係唔清楚lu...好似今日o甘聽到個中學生講電話﹐話佢擒日去了追明星...呢~~台灣個對什麼飛輪海....我個一刻心諗﹐如果我係佢阿媽﹐真係會比佢激死lor..hahahaha....

其實講養小朋友﹐我諗我真係好怕教佢...所以如果生仔就好啦﹐生仔會跟老豆多D~等佢老豆負責教佢lor XDDD

終於又到星期五喇~~真開心~~ have a nice weekend!!!

病好﹖未病好﹖

我諗我應該係未病好啦﹐因為每一日依然有好多鼻水﹐每日都要製造大量雲吞~不過可惜未有機會再去睇醫生~ 可能又去睇中E算lu..

今日痴線的﹐個客來同D工程C開會﹐由10﹕30開到2﹕30﹐簡直係餓死﹐最重要係唔太關我樹的~所以基本上呢4個hour 我係呆坐...........最重要係佢搞到我同唔到小羊講電話and msn .\+/.

下個星期日就去拜山喇~~好期待ar..期待係因為好想去裝香比阿婆~ 希望個日唔好落雨喇

媽媽節好快會到喇﹐都未諗好送o羊比佢添~我諗可能同佢去eat 一餐大既日本野掛~~禮物...um..呢幾個星期去睇下有無o羊心水先~~

突然間有D頭痛~睇來早D訓為妙~~

btw..前日我發夢夢見媽媽話佢想生小朋友~~o華~~感覺係好驚ar..hahahahaha..

正爆

我真係好鐘意條stitch 口水肩ar...點解姐姐同阿嫂都未有BB wor T_T

已經有定案....

登~登~~登~~~~登

呢份工我做到8月31號就完了~~雖然雙方(我同公司) 都好保留地話到時大家仲可以傾仲留唔留﹐但我相信既然今日大家已經傾好﹐到時再extend 既機會已經唔大了

其實都好﹐有一個日期係度都可以等我好安排~ 等我可以真係決絕地去 try 新野~~努力ar 小妹~

不過我都希望可以安排到休息1-2星期先~~去旅行又好﹐係家hea 又好

其實最近已經有好多個舊同事離開左公司﹐5月亦都有另外2個....最近D新同事古古怪怪的~好似唔太融合....可能係未熟掛﹖﹖﹖

報告完畢~~

又病倒了

不過今次病係值得既﹐事源星期二同媽媽dinner..佢話著唔夠3有D凍﹐我就除左件jacket 比佢~~自己扮大隻喇﹐結果可能因為o甘而冷親~ 不過自己病總好過媽媽病~

結果擒日去了睇E生~~ 原來有少少燒~勁搞笑 個E生問我有無咳﹐我話無...佢已經好反應大地話我無理由無咳架wor...再問我有無喉嚨痛﹐我又係無....不過佢都話我氣管有D唔穩定 >< 都係要開藥我食~

之前就係MK 行下﹐其實睇中左一個stitch 公仔﹐不過無買﹐又睇中了一個好普通的黑色袋﹐又係無買~不過唔緊要喇~我都唔係處於一個買野mood.. 再夜D就去左小遠既生日party..好多朋友都第一次見面~小遠真係好喇﹐有o甘多朋友仔幫佢慶祝生日^^ 今次上左去cafe..都OK~ 中間時間仲同左BB 傾電話~雖然感覺上好似同auntie 傾多D XDDD (因為聽到auntie 係後面叫BB點回覆我) XDDD 但由於自己病﹐所以around 9:30 就走左喇~真係唔好意思~ 不過我相信佢應該過好開心喇~ 仲見到好耐無見既zero..基..kk..同3條女~

哈哈~~ 小遠~~happy birthday again^^得閑上你家探下你D new born 蝦仔同埋搵BB反下

btw..今日同事話佢昨天lunch 坐完係我隔離今日就不停流鼻水了~~果然散佈病毒成功~ 講笑咋﹐希望佢都快D無事 >_<

作病了~~~~~~~~~~~~~~~~

今朝係公司連打幾個黑chi...都知道無好野~~之後竟然開始有少少想流鼻涕~~死火喇~~奶野了

係公司又無傷風藥﹐結果要回家先食...頭先都立刻去沖個熱水涼

小羊都話佢自己有少少作病 T_T

嗚~~唔好病ar....

big 6 拜山一日遊

星期日回鄉拜山~ 7點40分就係家出發坐車去中港城~ 去到都只係8點30分﹐太早添~好彩姐姐同姐夫都到左﹐大家一齊去mcdondon 食早晨~ 之後買水就入閘了~~~

9﹕30 架船準時開出~ 大約10點50分左右就去到九洲港喇~~ 爸爸其實之前一日已經上左黎china..所以佢就係碼頭接我地﹐一齊搭的士~

上到山見到D親戚~見到姑媽同姑丈都身體健康好開心 ar..每人比左D $$ 佢地買野食﹐但係少少心意喇^^

基本上我地都企左埋一邊等~到大約12點30分就落山去茶樓 lu...食完lunch 就去左拱北附近做腳底按摩喇~~ $25 ~ 60分鐘~~正^^ 再之後就由拱北落澳門lu...超多人~~~

去到澳門都已經5點幾﹐由於事前唔知道會落澳門﹐都無帶相J 添~~ 但好正架﹐因為有太多賭場既關係﹐加下可以係拱北坐賭場D免費車去市中心﹐又可以係賭場坐免費車去碼頭添 ar...仲要如果想行街﹐D行李可以暫放係是單一間酒店添 ar~~~ 我地放低左D行李就去搵野食~ 去左買街邊好正的牛雜﹐又去了買手信比小羊同哥哥﹐之後又去了“六記”食出名的錦鹵雲吞 / 菱魚球 / 蝦子撈麵~ 最後9點先去到碼頭

其實表姐比左免費船飛我地番香港﹐但張飛係01﹕15am的...所以我地決定早D去派候補位~點知super super super 超多人~~ 結果好彩地排到11點30分的船走~~ 去到香港都要 call taxi 回家lu

真希望下一次可以同小羊去澳門反^^

正~~~

放假第二日...10點幾就出門口~先係MOS等小羊﹐然後去左街市食DD野~之後就坐87D出太子lu..

今日小羊踢波ar..仲要係同另外3對踢友誼波....所以就約左12點係太子等﹐然後去lunch 再去球場~~結果12點無人到~~得我同小羊企左係度....可恥 ar~~XDDD

around 1點半左右到左球場~ 基本上佢地2點幾先開始踢第一場﹐所以坐係度吹下水~做下熱身~~結果係大家都掛住反NDS ~XDD 而今日Chris 帶左部相機去﹐我就負責幫手影下相~~ 原來都係同姐姐同一部機...不過始終都係未摸熟D function 點用~~XDDD 所以都唔知D pic 影成點喇

球賽既結果...我都唔太清楚~~ 你話大家有無茅柴我都唔sure 了~~只係知道球場白線內﹐大家都會突然變得認真左同多口左~ 白線外ar ma..大家都係向快樂足球出發喇~~

佢地踢完波後﹐就去左南山村dinnner..間shop 叫品香樓~原來已經第2次黎 (上一次係小羊D舊同學﹐我地又係跟衫尾去的)~ D 野都OK架~價錢都好相宜同大份~ 推薦Cheese 琵琶豆腐(可加伊麵)~ 亦但不得不講下佢個碗米粉~~我估有一碗淨米粉有3個麵既份量o甘多 = = 唔係ar ma....一個人根本唔可能食得晒

再再再之後就去左chris 家反~~真係打搞晒~~o華~~佢屋企好正ar...D房好大﹐而且個廳四四方方﹐好實用ar..我地12個人係上面一D都唔覺得逼...而Chris 口中佢呢間屋有4XX尺﹐但感覺一D都唔似~~ 可能土瓜灣地區﹐D實用面積比較足吧~ 有人打牌﹐而我地就反uno..呢~禁制會彈牌出來個一款uno 呢~~基本上我對uno 認知唔多~~ 反既機會好少﹐所以每一次都要由頭問起人地D rules~~ 不過呢個彈牌uno 又真係幾過癮~實在會令全部人情緒高漲~~~

因為全日都出左去﹐而兩老今日番china..所以決定早D回家喇~ 大約12點左右就走~ 本來想去坐小巴落MK﹐但原來要行好遠又落毛毛雨又凍~ ~ 為左唔想小羊送完我坐車之後佢之後一個人行番o甘遠上去佢朋友家﹐見到架巴士去鑽石山就立刻跳左上車﹐諗住睇下去到仲有無bus..無就坐taxi la, 因為個度近隧道都平D

我諗我12點10分上車, around 12點25左右去到鑽石山~ 見到仲有人等巴士~lucky~^^ 應該係尾班車喇~等左唔夠5分鐘就有巴士喇~~正~~結果番到MOS 轉埋taxi..回到家用了50分鐘~~

真係反得超開心的一Day...

btw..明天番珠海拜山~~要7點40分出發~~ 今晚都差不多了~~閃^^

香港要聞

最近既香港要聞係小甜甜走了﹐留低左3XX 億身家...

之後相信大家都好一致地認同....留o甘多$ 係身邊做o羊....2腳一伸既時候﹐一個仙都帶唔走...

呀~~之後世人就立刻開竅喇~~將所有$$ 用晒先~~都係因為呢單新聞﹐呢個原因XDDDDDD

財爺亦話...“你有既$ 不是你既$﹐你用既$才是你既$$”~~ o華~~我真係唔明個意思ar........只係突然之間好似所有言論都係叫D人唔水儲$$ 架~~~用鬼晒佢喇~~~ = =”

不過無論如何~~ 小妹都有一個o耆好就係儲$$....是否非常高尚呢﹖﹖~~突然覺到我好神聖吧~~

其實唔係....係因為之前讀書時曾經自己一個人住﹐當時自己只有好少收入﹐其他既開支都要由父母分擔(衣食住行..)...當時已經知道自己要儘量用少D...減輕父母負擔....所以養成左唔會喜歡買野....儘量用少D﹐儲多D....買o羊食o羊都要計過算過....已呢個習慣到家下已經改唔到

其實係我自己根本無打算去改..對於我黎講﹐人總要有個$旁身...XDDDDD...而且到有個家既時候﹐就超級多開支架喇~~ 以前好多野都要依賴父母...我唔想o甘大個依然要佢地擔心自己夠唔夠$用....

我始終都想做一個神聖的人~~~XDDD ~

無聊用品...

相中係我平時會帶出街的一大堆會員卡...覆診卡...coupon...其實相當之重而用既機會都好少...我諗帶10次用1次左右喇











星期1因為上大陸﹐所以將呢堆“雜物”放左係家....頓時個袋都“o羊”得輕鬆左好多...舒服晒~~

但過左一陣.....當我將手放入袋想搵銀包既時候....竟然係有一種冷清清既感覺...我係指個bag..因為無左呢堆雜物而變得冷清了﹐個袋空框框的..........感覺真係好唔慣...而且總係令我覺得個袋裡面好似跌左D 野o甘

結果....雖然重..之後最後都係要將佢地放番入袋先覺得舒服..........

我就是這樣氾賤 XDDDDDDDDDDDDDDDDDDDDDDDD

假期開始了~~~~~~~~~~~~~~

一連5日既假期~ 我真係好期待ar...雖然無太多既安排﹐但畢竟係一個休息既好時間

第一日....依然都係7點幾就起左身....不過無地方去....要夜晚先出動~~天氣真係好凍ar...
唯有攬住張被係度用電腦~~~

大家呢個假期有o羊計劃呢﹖﹖唉~~唔知點解感覺好悶............相信最大原因都係工作喇

btw..工作個度有定案了~~等我自己再思考多幾日...然後話個結果比大家聽吧