熱~~~~~~~~~~~~~

今日天氣雖然熱....但lunch 既時候係街度行﹐望下個天....o華~~原來今日個天係o甘靚~ 原來係埋怨之下﹐有時我地真係會忽略左好多美好既野~

但願大家都可以好似今日個天o甘~~令人覺得o甘開朗o甘開心~~多D留意下身邊既事~~ 或者你會發現到佢美好既一面~

星期日......

本來係安排左去西貢然後坐免費車去將軍澳shopping 下再夜晚去羊婆婆家dinner...點知去西貢突然落大雨...之後行雷閃電...所以之後既活動都取消晒....見到D人本來一個沙灘裝想去西貢曬太陽﹐但後來落o甘大雨都好狼狽喇

講番lunch 先~~~之前其實都係睇到一個朋友既留言話呢度好食﹐所以我地先黎try try...去到有位﹐佢安排左有冷氣既地方比我地...不過地方好細﹐得3張檯only...而且個廚房係另一度﹐唯有個waitress 2邊走來走去...

見到D價錢都OK﹐所以叫左薄餅...curry 豬扒飯同埋燒年糕...本來想叫春卷但又無晒wor...後來上檯先知道原來小食D份量係超細...$2X 價錢得2小舊... 見到隔離檯order 的春卷~$2X 得2條﹐仲要同尾指一樣o甘幼and 短...shocked!!

講味道呢~~都OK 既﹐豬扒炸得幾﹐薄餅咸左D﹐不過味道同以前係日本食的相近...而年糕真係好細...但佢燒到個紫菜味道好處~~~不過始終覺得佢個價錢同D size 真係唔太match....所以應該唔會去第二次了~~

http://www.openrice.com/big5/sr2.htm?shopid=17393

D相好矇...請見諒

又到weekend la...

星期5因為感覺到好似有D作病﹐係公司立刻食藥...番到home 再食~~可能家個隻藥比較散...坐到around 8點已經係廳度訓著左....既然係o甘就直頭番房ZZZ lu...一訓訓到朝早5﹕45

因為兩老番大陸﹐會7點出發﹐所以起身之後就決定唔訓~~開部電視睇下animax...正~最近勁愛上睇佢個台﹐因為有好多動畫~~~後來等到兩老出發後﹐係sofa訓著了~好彩之前較好鬧鐘~結果8點先再起身~~8﹕30出門口番工~~

半日既工作真係好無聊~~個心一早已經off jor..hahaha...

放工就出發去大學等小羊~~目的地係大埔....原因都係求其搵個地方去行下~~結果都行到5點左右﹐番MOS再行下~~然後買野回家dinner..

係home舒舒服服睇電視...突然BB打電話黎~~哈哈~~好耐無同佢講過電話﹐佢仲話想比貼紙我添呀~~~真係tum 死我~~BB可能番左學﹐講野清楚左好多﹐D口吻仲有D似佢小遠舅父同佢婆婆添~~真係搵日要去見下佢先得

最後睇電視睇到12點就訓lu..o華~~半夜突然落大雨同行雷...我都無去睇...究竟我係發夢定真係落過雨呢 (因為家下好鬼好天again)

星期日例牌7點起身~~幫下阿媽做家務...之後就睇電視~~又係睇animax..跟住睇什麼“峰生水起精讀班”~ 好少睇...都幾得意~~相學呢D野我都覺得幾玄妙下其實~~你問我信唔信﹐我70%信架~~

今日應該係去羊婆婆家dinner..呢~佢婆婆家係井欄樹, 咪就係擒日新聞賣話有條蛇殺死左頭黑羊然後差D吞左佢落肚個度...個頭黑羊我地次次去井欄樹都見到佢架~~所以聽到個news都有D sad...嗯~~出入要小心D了

have a nice weekend~~

熱氣死...

因為好番飛滋~~所以呢幾日都有食熱氣野...哈哈哈哈~~搞到今日出暗倉﹐真抵死~~XDDD

呢個就係星期二豐富既KCF 晚餐~~yeah
















今日係難得既公眾假期~ 一早當然係接愛人放工食早餐~~o華~~o甘早都已經好熱...之後本來叫佢回家休息﹐點知猜輸左﹐佢陪左我去葵芳

去葵芳做o羊呢~~其實係陪姨媽睇中醫﹐因為佢對腳好腫﹐但睇西醫D醫生又話無得醫﹐真係激死~~~所以帶佢去睇中醫....醫師望過之後話可能係腎功能唔好﹐所以開左中藥比佢﹐同時我都通知左細表哥﹐叫佢帶姨媽去驗血係咪真係腎唔好﹐起碼可以對症下藥嘛

之後陪左姨媽lunch 之後﹐行左一陣就陪番小羊搭車回家~今日辛苦佢喇...差不多3點幾佢先訓....

而我番到家都好累~ 可能因為太熱喇﹐其實有D中暑既感覺﹐所以3點半左右我都訓下﹐直到6點20分先起身﹐之後就出去商場陪兩老dinner..

雖然訓左下午覺﹐但家下依然有D累﹐我諗我今晚應該都好容易訓得著~~

努力番多1日半又放假(weekend) ~ yeah...

後記﹕
1) 今日夜晚打了數個“黑chi” ~ 好驚會病....
2) 家下有隻小蚊係我房遊玩緊....究竟我會唔會又要捐D血比佢呢.....
3) 糖心胸部真係好嘈...有好多時都由想睇比佢嘈到變得唔想睇...
4) Animax 好多卡通睇....但可惜我有得用部電視睇既機會好少 >__<

又無題

星期一放工之後我同隻羊約左1010 同 Frankie dinner..順便佢地要去pick up d 衫...因為我準時放工﹐所以好早已經去到朗豪坊...第一時間去睇下戲院仲有無weekend 魔盜王既飛賣﹐點知好多都已經係頭幾行既位﹐最後放棄左~~ 之後當然係行下個商場喇....點知未夠7點就開始覺得肚餓~~哈哈~~不過諗住佢地就到就唔食野喇

等左一陣Frankie 已經到左﹐我地一齊上7樓pick up d 衫﹐後來1010 到到...不過由於Frankie 要幫下手﹐所以最後都成8點幾先閃人去 dinner..hahaa...最後決定食大家樂~~仲有雪糕食添~開心死

之後就行下商場...因為我有D眼訓﹐所以10點幾就閃走lu...係bus 度由MK 訓到去MOS.....昏迷左 XDD

希望無悶親1010 喇...因為佢地2個男仔掛住講波 哈哈哈哈~~ 仲要多謝1010 佢送左D 咸甘吉比我﹐超開心^^

擒日媽媽同朋友食buffet..放工之後我就番MOS﹐羊陪我dinner...去左KFC 又行左一陣街...結果差不多9點先回到家....唔知做o羊擒日係office 對眼已經開始好累...所以本來之前plan 出去沙田行都改左係MOS 就算~ sorry 小羊 > _ <

月尾喇~~好鬼窮...雖然有好多野要買﹐但決定全部等下個月先lu....其實我係努力儲緊$$...因為仲有幾個月就失業喇...無論係自己有plan...定係再搵另一份工﹐我都好需要家下儲定D $$﹐以備到時用.... 亦somehow 難為左頭羊...因為我最近成日都話儲$$儲$$...又話要食平野...哈哈

我個buy list 如下﹕ 1) 買箱執屋
2) 買袋...加下個袋用到好殘
3) 買野比朋友“女”...呢個唔急因為仲睇緊
4) pizza hut 新出個pizza!!

爸爸媽媽的願望~~~

今日一早去左商場等小羊﹐等同佢一齊食早餐....點知係馬鐵站見到2個女仔﹐一個係閘內﹐一個係閘外....你估下佢地係度做o羊....答案就係.................閘外個女仔幫佢閘內個女仔化妝!!!! 厲害吧~~真係由搽cream 個step開始﹐仲非常認真~認真到連D人行過...望住佢地 (基本上係啤住~)...佢地都可以不知醜地覺得無事....哈哈~~好心佢地喇﹐大庭廣眾係度化妝已經好核突﹐並唔係普通補妝﹐係放晒D一支支野係欄杆度......仲要係馬鐵閘口...好心比多少少$﹐出左閘lei 埋一邊先喇~~

如果我係佢地個阿媽真係激死了~~

同小羊breakfast 完當然係shopping 下﹐不過太早就好多地方都無開門~最後10﹕30左右會到家~點知哥哥話可以早D飲茶~坐唔夠15mins又出發...

去到奧海城﹐其實我都好飽﹐eat 左好少野就開始覺得眼訓~~正想閉目養下神既時候﹐又聽到爸爸同媽媽問哥哥幾時有小朋友...哥哥當然用佢拿手絕招轉話題喇~~又話係都姐姐先﹐因為佢老過阿嫂﹐又轉頭笑我都老...問我幾時有小朋友....真係比佢激死~~ 我同佢講﹐我有計劃﹐好過你無...而且如果我突然同你講﹕“哥哥我有左呀~ 你仲驚喇“

不過我好認真同佢講﹐如果係想媽媽湊的話﹐唔同要等媽媽再老多幾年﹐無o甘多精力先 o羊...而且如果真係會希望有小朋友﹐就早D生喇~~ 尤其佢地無經濟問題...

不過我都明白父母點解會想佢有小朋友﹐始終佢地覺得有小朋友既家庭比較完滿﹐同埋佢地覺得好似佢地o甘﹐5X歲既時候﹐我地已經o甘大個...一家人既感覺好幸福~而且我地大個﹐已經需要再擔心我地。當然最大原因係始終哥哥係仔....

哥哥~~希望你會真係諗諗喇

lunch 完之後同左兩老去MK﹐因為爸爸想買錶比5伯...結果買了隻$5XX 的Seiko 錶~~yeah..mission completed.

加下既mission 係諗father's day 去邊度eat...um....

唉...本來plan 好既野又因為$$ 問題未必能夠成事...突然覺得好悶同好down.../_\

算吧~~船到橋頭自然直..........或許...........明天要買多張6合彩

btw..我係呢間公司做了4年了~~..........恭喜恭喜

yeah....

因為又出唔到貨﹐搞到我係公司又忙左~寫唔到日記...今日一定要update 下先得~

星期4拍拖日~開心去左食sushi...由於生飛滋仲好痛﹐所以都無食到太多~~ 之後行下TST ﹐行完就去左食cheesecake...正~ 感覺好relax 既拍拖生活~~~超開心

星期5約左stephen ..好耐無見喇~~當然要update 下大家喇~~係太興dinner..經濟實惠~dinner完行左個圈就走~~ yeah..遲D再約出來喇

今天係公司又係好忙...1點鐘小羊同媽媽都係公司樓下等我﹐因為我地一齊同埋爸爸去圓玄學院食齋...好彩不是太大雨....呢次係第二次去~~依然覺得好正~ 之後我同小羊 and 媽媽就去左商場shopping..媽媽買左一對黑色既adidas 鞋..discount jor $35X, 勁抵...又靚~ 其實我都好喜歡~~ 之後又睇左D BB 野~~不過end up 都係未買~~ 再睇下先...

去完商場就行去街市買餃子~~o華~~超大雨~~好恐怖ar... 太大雨關係﹐買完都已經無mood再行...所以唯有回家喇...

好多謝小羊最近成日都用左時間去陪我家人喇~~好似今日o甘又陪埋我媽媽行街街...

多謝晒你~~^3333^

最近發生了幾件事....

1) 朋友爸爸走了﹐走得好突然﹐睇到佢講佢爸爸既post..突然諗起了婆婆同羊爸爸﹐不禁流左眼淚....對...我地常常話要珍惜眼前人﹐但越珍惜不就是會越不捨得嗎﹖﹖淚.... 其實我成日都會望下個天...因為我知道婆婆會成日係我身邊陪住我的。

2) 最近又睡得不好﹐成日都發夢....又開始發關於公司既夢....搞到起身覺得好唔舒服呢...

3) 同事A 走了...我覺得是可惜的...佢只來了1個月但工作能力比做了10年的W小姐好好好好好好多.....

4) 另同事A 亦last day 了...佢已經找到工作...是好事﹐但畢竟是一齊工作過的人...始終有D可惜...

5) 之前既喉嚨痛終於好番喇...但喉嚨痛後竟然係生飛滋﹐仲要超大粒~~好痛呀

希望黎緊的日子是開心的.....

忙碌的星期六

今日番工都算忙﹐因為廠長黎左office, 都有D野要同佢傾﹐之後又要pack 野等~結果11點幾先停落黎~都好﹐好快就放工

放工去馬鐵會合小羊﹐之後就出MK 剪頭髮﹐好彩一早打左電話去﹐所以唔水等~~一如以往...個junior 將我個頭吹左有30分鐘o甘耐...真係好煩厭 > < 下次手腳快D就好啦 ~ 剪完個頭覺得自己好似中學生 = =”

搞好晒都已經3點﹐當然係醫肚先~何文田有一間出名既冰室食燴意粉﹐所以就去try 下喇~ 雖然openrice d 人既comment 開始比以往差﹐但對於我地第一次食﹐又覺得幾好wor...我叫左一個芝士牛肉燴意粉﹐小羊叫左火腿牛肉燴意粉﹐D味道好正呀~ 又不是太酸 ^^

http://www.openrice.com/big5/sr2.htm?shopid=8788

今次小羊既評分係8分..但當我問佢有邊間有9分既時候﹐似乎佢都唔能夠即刻講出~ 睇來要再搵多D好味又刻骨銘心既餐廳了~~































lunch 完就行下街...先去夾公仔..當我專注係反部好似昇降台既公仔機時﹐突然聽到小羊叫我﹐望下佢﹐見到佢話中左呀~就走去搵D員工...原來佢用左$5 就win 左公仔呢~~ 超lucky...而我當然勁開心喇﹐因為係我最愛既stitch.結果余下既一 day 就帶住呢袋禮物四圍行 (都幾重同幾熱) ~~ 以下就係hair cut 完的我




















行左潮流特區﹐信和...又行兆萬..已經開始累喇~~最後就坐小巴上愛民村會合爸爸媽媽...之後又去左紅磡都會商場dinner...仲係百佳買雪糕添 (註﹕ 哈更戴C 雪糕買一送一﹐即$28.X 一盒) 哈哈~最後當然回家抖抖喇

明天就係母親節﹐記得比媽媽一個big kiss ar...^3^

又try 新野

因為見到食評﹐所以擒日就決定去try 下﹐當然去之前就梗係特登出一出TST﹐買左我好心急要買既puma 手帶...終於到買喇~~ 教訓係如果真係like 又唔貴的話﹐就要即刻買喇 XDDDD

之後就坐bus 去MK﹐ 其實都唔太清楚個位置﹐唯有撞下...過左馬路原來係另一邊...哈哈~~ 原來呢個旺角熟食中心係朗豪坊酒店附近個小巴站樓上.... 行得太快都會miss 左個扶手電梯路口

一上到去2樓﹐原來一個food court o甘﹐都算有好多shop...價錢好平...對於我黎講當然係絕好既發現。搵左位之後小羊就幫我買農夫包套餐...然後佢就買左個燒味飯...原來我個同學 vivian 睇左我fwd 比佢openrice 條link 之後﹐都上黎呢度dinner..所以我就順便幫佢搵埋位喇~

個農夫包好正﹐可能我自己喜歡curry la...覺得好好味道﹐有D椰汁味~ 點包包一流~ 雖然個chicken 睇落好干﹐但點左加哩又唔覺得wor...不過我覺得佢個包可以唔局o甘耐﹐因為好容易會出苦味~ 另外﹐佢杯咖啡都好正架~~而小羊eat 既燒味飯都不錯

其實除左呢D個度仲有好多選擇﹐有機會大家可以去try try

充實的星期日

今日節目都算豐富...11點左右出發﹐去左愛民村陪媽媽睇E生~經過朋友既shop 就入去睇下﹐結果姐姐買左2件背心﹐我就買左一件長的泡泡衫 (唔識得點形容添~) 之後就去左深水po...

去深水Po 其實係陪爸爸去睇手提電話同睇下個D一卡2號既電話卡 ..呢~~即係將2張卡(1張香港﹐1張大陸卡)修剪後然後拼埋做一張卡個D...最後2個目的都無做到~

around 3 點幾就去左九龍灣...見到運動家減價﹐入去睇睇﹐結果爸爸買左2件t-shirt (1件 fila 一件英格蘭t-shirt)..媽媽都買左一件英格蘭t-shirt ar.. 而小羊就係HMV 買左 jack ass t-shirt 2件同1隻DVD﹐哈哈~~今日大家都有戰利品~ 而爸爸當然繼續睇電話喇~~佢好心急想買ar..但我點都想佢下星期先﹐因為起碼我有時間上網睇下部電話D comment 同埋問下人有無得平嘛~~ 結果心頭好暫時係sonyericsson 既 W880i 同W850i (唔知道有無記錯)

到5點左右就慢慢係過去大榮華酒樓~~無錯﹐今日我地全家去個度預祝母親節~ 基本上我1個月前已經訂左位﹐而佢地講到明一定要5﹕30去到﹐7﹕30前走人﹐仲要有1/2 數人先比檯...所以我地都唔敢太遲去~ o華~~真係超多人lor..

結果我地8個人去﹐叫左12個送...埋單$720...其實都算OK喇~始終都係酒樓 ~不過亦真係太過多人了~ 當然係我地3兄妹夾份請~~

哈哈~ 又forget jor 係eat 之前影pic...呢張pic 已經係差不多消滅完既時候...

為食中...

呢間鋪頭個comment 好似OK wor..好想try 個咖 哩 農 夫 包 同 豬 扒 包 set.!!! 有關人士請處理我既請求~~XDDD (偷了人家的相~~)


http://www.openrice.com/big5/sr2.htm?shopid=15438

又到星期六~~~

又無準時出糧 T_T ...不過聽聞星期一會有~~既然係o甘早o羊唔早D通知大家﹐梗係要D同事check account 發現無糧出﹐先走去解釋....

放工之後就飛快番去MOS 同爸爸媽媽飲茶~~今次去左MOS酒店樓下間茶樓飲...咪以為係酒樓就好貴﹐其實佢仲平過美心~而且仲好味過佢添ar....飲完之後就陪佢地去買送...然後回家休息下~~

休息既意思當然係訓個下午覺~~hehehe...因為夜晚要出街嘛~~

夜晚係約左力奇..安迪佢地聚會~~今次有10個人ar..真係好~~我地去左MK 一間叫加勒比海既cafe 度食﹐最主要係因為有波睇~~ 今次係睇曼聯對曼城....哈哈~~不停見到佢地又踢又踩人地...仲以為會有打交場面添..最後係曼聯1﹕0...

講番個度D野食先~有set..$68 不用加一﹐有杯drink﹐有個意粉同埋有個甜品...份量黎講其實都好大~ 味道都算係OK..D位置唔算係好舒服﹐因為我地唔係坐safe....個侍應就好似呆呆下o甘 = =" 不過如果有得睇波黎講算唔錯架喇~~之後見到隔離台有個人食好似熱狗既物體...個size 有一隻圓碟o甘大架 @0@ ...


最後睇到10點就走~~行左去信和﹐不過好多shop 都已經關門~ 下次再睇喇~

^0^/

美食....

擒晚去左洲際食buffet...真係好多謝媽媽幫我搭路﹐問左個朋友借張discount 卡~~ 結果每人本來$488 加一﹐變左around $300 each.(加左一)....正

佢個度好多人去﹐3個星期前已經要book 位~ 我地6﹕30去到已經可以開始食﹐第一輪當然係海鮮...有龍蝦﹐蟹﹐蠔﹐青口等~~仲有魚生...(三文魚﹐帶子...等)...第二輪就熟送...不過我嘛嘛﹐反而著迷係D 芝士度..不停拿D餅乾去搽芝士食...再之後幾輪都已經係甜品~~~超多選擇....

以我地唔多食海鮮黎講...呢個價錢已經算貴﹐當然如果海鮮愛好者就覺得超值喇~ 不過既然有機會去食當然要去下﹐話晒都係洲際....不過因為掛住eat...無影相 XDDDD

總括黎講﹐我最like 既係帶子 (生), 芝士搽餅乾同埋一個超級酸的甜品 (我一共eat 了3杯)﹐其實個雪糕都好好味道

最後都係同小羊講﹐既然我地2個都普通食海鮮﹐下次都係去食甜品buffet 好D~~

食完真係要行下~去左sogo 睇野...見到puma shop 賣緊一條布既手帶﹐其實都幾鐘意...但又真係好少機會戴...成日戴我又怕好快殘...小羊話買比我....但諗諗下都係唔買lu...maybe 下次有緣再見到先買吧....

好多開心事

今日有好多開心事~~

1) 今日係紅日﹐放假一Day ~ 超開心

2) 朝早去接小羊放工﹐好耐無接過~唔知點解有仲勁興奮既感覺XDD

3) 之後佢陪左我去TKO pick up 番D野﹐陪我行左個大運~~哈哈

4) 去了CWB 唱K~~ 雖然唱舊歌但都好happy

5) 過馬路時遇到Vancouver 的舊同學~好耐無見好開心~雖然無停低落黎chat...ar..佢同佢女朋友一齊﹐不過望唔到佢女朋友個樣添~~

6) 輪到我睇佢踢波﹐位置係跑馬地...雖然又遠又曬但每次睇佢踢波都心情緊張同開心﹐我知道佢今日會好想踢晒所有match 但因為時間關係佢犧牲左 (早走左~) 感動 T_T

7) 夜晚小羊來左我家dinner..雖然佢已經同我家人一齊食過好多次飯~但上來我家eat 都係第一次~ wowww...簡直係極度極度極度happy ar...

決定要每日都保持心境開朗先得^333^