食孖寶試食報告

又係為食孖寶試食報告~~

今次去左九龍城既洋一居食屋

http://www.openrice.com/big5/sr2.htm?shopid=4155

我地去到約6點9﹐暫時都唔太多人~ 餐廳裡面播住日本既電視節目~~好開心呀﹐因為好耐無睇過了

講番野食先...D 野食唔算貴...$4X 燒餅...$3X - $4 咖喱飯...壽司約$1X 等..

太多野想eat..最後叫左一個 一人set..(揀了咖喱豬扒飯...芝麻雞翼...個set 送前菜同miso soup) 同埋一個燒牛肉燒餅
黎到D野食都幾大碟wor...我平時不太喜歡miso soup..但試左一啖都覺得OK﹐可能因為佢用左其他料例如菰類去整﹐所以味道較普通miso soup 豐富~

咖喱豬扒飯一黎到~~o華~~好香~ 豬扒炸得好好﹐而個咖喱亦好好味~~ ﹗

之後黎既係燒牛肉燒餅...個燒餅好味﹐2個人食剛剛好~ 佢D 燒牛肉好新鮮..裡面佢加左少少疆﹐令到個燒餅同牛肉既味道好突出﹐而且亦少左“漏”既感覺~~ 我好喜歡食呀~~為食羊仲比90分添

最後係芝麻雞翼...相反呢個較普通﹐亦較乾身~~最後一次過落好多檸檬汁﹐反而覺得好味左~

哈哈~~唔知係咪我地都唔肚餓﹐定係D food 太大size..定係始終個燒餅比較容易飽肚....我同羊要帶走半個咖喱豬扒飯呢~~ 有機會都會再黎食過﹗最後埋單.........$102 ....shocked...原來不用加一....

其實九龍城都有好多其他野食...見到好多泰國餐廳﹐有機會都要去try 下先得﹗

最後行左去九龍城廣場...佢裝修完好行左好多....可惜都係人流嘛嘛...基本上.......我覺得大家唔水特登去行....

又上廠........

今日因為客人到廠...所以又要上 china..不過D客係東莞個邊去﹐所以我同太子son 唯有自己坐bus 上去...

5:15分起身~ 6點出門口...上到去過埋關7﹕05分...諗住打比太子son la..點知公司張大陸電話卡因為無交電話費..所以只可以打入唔可以打出....大寧樂喇~我自己個電話本身無漫游...所以唯有企定定係度等太子仔~~結果7﹕20分終於見到佢...電話卡事件已經發生過2次...好心公司就準時交$$ 喇...

係bus 度同羊傾左一陣電話~~好累訓左陣~~去到factory 9點左右就借太子son 個電話打比羊 and 媽媽報平安~ 然後再叫admin 快D搞番好張電話卡...

10點4 D 客人就到喇~~今次真係好大陣容...4個西人客同4個香港客﹐全部都係大人物~當然我地唔敢怠慢...上星期已經一早安排好晒...所以今日見到所有人都整齊制服呀~~又帶口罩又帶耳塞~~自己睇到都覺得佢地真係下左D功夫 XDDDD

去行下factory la..都行左一個hour..無冷氣熱鬼死左~~哈哈~~之後就開會直到2點半左右走~ 中間加插左係公司食mcdondon..why 呢﹖ 其實因為我公司好偏...drive 出去一來一回都要1個hour..所以為左save大家時間﹐都係叫人買mcdondon 回來化算D~ 大陸mcdondon 個香辣雞腿包比香港個個辣好多呀~~ 同事話個粟米好好味...但我太飽最後無eat 到

對~~2點半走~4點50分到深圳...之後就回家了~~到家第一件事就係沖涼~~舒服晒~~dinner 完係廳度飄下飄下...感覺有D累....

哈哈~~本來諗住影D 工廠既相比大家睇﹐太忙無時間做...下次吧。

P.S. 都唔知搞o羊突然電腦睇唔到電視...唔知係咪TV card 壞左呢~~有D台睇到﹐但4個大台就唔得...激死我喇~~﹗﹗

渴望旅行..

朋友同姐姐都去完日本旅行...當然呢D時候就會令我都發神經想去~~~不過...當然係得個想字...

睇左羊友人既求婚片段...o華...你有無去過海港城~~中間底下個層咪有人會間唔中去彈琴既...佢朋友個日...出左去搵佢伴奏﹐唱左首“唯獨是你不可取替” (其實係咪同個鋼琴佬認識架呢~)﹐如何就突然有一束黃色既花出現...當眾跪地求婚~

哈哈~~講真﹐我覺得好感動呀....一首歌表達左佢對對方既感情...絕對係有驚喜但唔“媽夫”~

祝你地幸福快樂

btw..Mr. Raze 請你快D康復....

um..又要好多日後先見到頭羊~~~/_____\

PF 聚會

大好既星期六~番工忙到大約11點鐘﹐就開始hea 到1點~ 放工飛快九龍灣買戲飛﹐因為時間關係~ 去左mcdondon 快lunch 完行一陣就入場~ 今日睇既係戲王之王~~都既好笑~ 當然你話超級好睇就唔係喇﹐但我覺得都既開心入去笑下~~ 感覺阿sa 係呢套戲進步左好多~~而且做得“放~”左好多~~

基本上twins 黎講﹐以前我係比較喜歡阿嬌多D..但近年就覺得阿sa越來越成熟...比起以前感覺改變左好多~~~相反阿嬌就好似停X不前o甘...

睇完戲又再行下~之後就去搭shuttle bus 去九展間“豐膳”食buffet..有信用卡優惠所以$177 一個人~ 當然佢唔係皇牌貨式...但D野都算多選擇..三 文 魚 , 吞 拿 魚 , 金 槍 魚 , 八 爪 魚﹐蝦 ﹐螺﹐冷 麵﹐ 壽 司﹐ 沙 律 ﹐凍 煙 肉 ﹐煙 三 文 魚﹐亦有炸野食同甜品~

呀~~其實今日既dinner係同pf 版朋友聚會~ 我地一行14個大人3個B~~哈哈~~真係嘈死隔離呀~~咪住...應該係14個大人5個B 先真﹐因為有2個B 會係9/10月出世呀~~ 見到人地既小朋友真係開心呀~~ 嗯~不過湊一個小朋友真係要好多心機同精力~ 你地要努力呀~

洗完頭等乾中~有D眼訓添....唔排除一陣係chair 訓著左~~~~~~~~~~~~~~

大忙 look~~~~~~~~

呢2個星期係公司真係大忙 look...無時間反ng...又無時間寫日記.....係唯有間唔中同朋友係msn 度chat 下...

無辦法喇....D project 已經尾聲~~亦係又輪到我忙番既時間...由於之前 engineer 甩期太厲害...所以家下簡直係要化腐朽為神奇...其實有D project 都預計到可唔可以catch up 番D期, 但都無辦法﹐要照努力架....如果end up 走飛機...咪又係我地受害....點解受害﹖﹖走飛機要$$﹐到時咪又等於搞到我地無糧出 = ="

跟住個客又無喇喇要日日比production report...真係想爆粗...最慘係我又變左中間人...

anyway..努力喇~~努力得幾多得幾多...不過...當然以我既性格就唔會OT 架喇....所以係office hour...都已經完全focus 係工作上面....勁XDDDD

不過原來我個dept..番左個幾月既女仔﹐resign 左喇~~不過好似佢同阿姐傾好做多一排先...可能係等請到人先﹖不過其實我想話最近好難請人呀~~因為我隔離個K同事又係resign 左﹐之前傾好左﹐如果K同事搵到工 or 公司搵到人﹐就會隨時byebye....點知1個月後....阿K同事依然仲係度...其實K同事一早有offer..但佢後來無去....而公司呢~~就一直無搵到適合既人XDDD

梗係喇﹐我公司又無人會教...所以一定要請D 有家電experience 既﹐最好又可以獨立同客人deal 既...同客人deal 之余又要做D 落單野...跟埋shipment....最重要係佢人工個offer唔高~~ 唔難請就怪喇...

嗯~~~講完~~XDD

羊又無假放, 為左唔想佢o甘辛苦~~所以唯有等到明天佢放假先見面~~ 哈哈~~掛掛~

可能星期一放左假﹐今個星期過得好快呀~~~yeah...

後記﹕ 哈哈~~頭先係石門馬鐵站行番公司...小羊竟然突然出現陪我行番去~~超級開心呀

好味道的dinner...

上面係星光行樓下間日本野﹐之前係呢度都有提及過﹐叫麵藏 (好似XDD)

下面呢度係沙o爹王..都好正~ 白咖哩豬扒飯﹐同埋小羊既什麼牛肉串沙o爹台灣麵線(﹖﹖﹖)











以上2間﹐消費每人$50以下﹐但味道好好~~ 呢D價廉物美既地方﹐我就最喜歡架喇~~有機會你地都try 下喇^^

另附上甜品一張﹕ 個日係公司﹐都唔知係咪因為我﹐突然架手推車跌左落對門度...對門爛左呀~~爆笑lor..我係有覺得唔好意思架...但...真係好好笑XDDD...因為真係爛得好犀利呀 XDDDDD

有D唔開心...

有D唔開心...

1) 今朝比pccw 個電話台激死~~renew contract 時問好左有無unlimited 同臺mms..佢話有我先renew...但最近見賬單佢charge 左我$$﹐打上去問佢先話原來我個 contract 無得 free~~又話佢地無呢個offer...要搵番個sales..聽番個錄音先處理wor~ 我同羊加下都係 same case = ="...好慶係我真係記得自己有問過...點解o甘記得﹐係因為sunday 個plan 其實比出面貴﹐GPRS都係~~但我就係因為佢有free同台mms 先renew約... 如果佢無﹐我做o羊要renew 佢個台~~真係激鬼死~要等星期二先有回覆wor..到時佢講o羊就真係唔知喇~~

2) 今日爸爸節...擒日特登靜靜雞同小羊出去買左件3比佢﹐等今日比個surprise佢開心下(因為之前已經請左佢食buffet..)~~但原來我做既野﹐點都唔會夠哥哥既好...爸爸始終錫哥哥..哥哥從來唔會做野去tum 爸爸﹐但佢講幾句話﹐就令爸爸同媽媽既想法改變晒...o畏...我呢﹖﹖﹖雖然我唔係要講到兩老偏心阿哥﹐但今日係有D唔開心lor..有時覺得自己付出左既﹐都無人睇到﹐尤其係阿哥同家姐搬出去住之後...唔知為o羊我要o甘辛苦﹐點都要安排隔日番去同佢地dinner..weekend就安排到有1餐飯同佢地食...都係想陪佢地多D咋嘛...佢地要管我﹐我都算啦...我都當專重佢地﹐盡可能都順佢地意.................唉...算啦...都係o申下o者...

嗯....無野喇~~樂觀D

忙~~~~~~~

又幾日無update 個blog...星期日去左都會海逸酒店食buffet..慶祝父親節~~哥哥同阿嫂去唔到~因為阿嫂爸爸大壽~ 而羊都無去﹐因為佢婆婆大壽~

D 野食好似幾o岩爸爸同埋姐夫食~因為見佢地食得好開心~而我就普通喇﹐因為我怕敏感所以無食海鮮~ sashimi 個D唔算好...食完一碟魚生之後﹐就轉供甜品~~可惜我覺得D甜品只係普通~ cake 都係得3款~不過其實又好多其他類型既甜品既...

不過我只可以講係因為唔多野適合我食﹐所以我先覺得普通~如果你係一個o羊都會食既rubbish bin..我會提議你去架~~

而星期一番工尚可~ 夜晚開心見到小羊仲同佢去左九龍灣~ dinner 完行左一陣佢就去左踢波~今次我無睇呀~~陪佢去到球場我就閃lu...一來第二日番工﹐其實最重要落完雨我一定會畏蚊.....

擒日就有D忙...今日就直頭因為上午去左客度開會~~下午番到公司就忙到無時間睇ng..基本上係連同同事講笑既時間都無~~不過都好﹐因為忙﹐所以覺得好快就到星期三﹐好似好快到weekend lu..

今日終於cfm 下星期小羊更表﹐可以報名去朋友既聚會~ ^^

eee.寫寫下原來已經10﹕27pm..差不多要做morning call 大使~~點解從來無人會morning call我既 >_____<

Btw..今日有同事請tea..原因係佢曾經立下口信﹐話如果同事F自己resign or 比公司炒...佢就請食tea..可想言知幾大仇口~~ 而同事F係上星期6 last day jor.. 眾人當然要佢堅守承諾~~ 我地其實都係因為佢得佢把口太賤﹐所以一定要佢請o者~~

突然公司走好多人~~亦有好多新人...我亦同太子仔講叫佢快D請人....話就係話提醒佢﹐因為最近market 好左﹐通常都人揀工~~其實主要原因係我自C﹐我唔想我另一位同事突然走既時候﹐公司會將D job 推晒係我身上 XDDDD

o華~~我都係賤人呀~~~

特別通告....

特別通告~~

呢個blog 將會停刊幾日~~~幾日o者~~你唔係等唔到呀嘛~~~XDDD

原因﹕都係懶....過埋呢個weekend 會寫架喇^0^/

天大的喜訊

6月3日...收到一個天大既喜訊...超級開心同興奮呀

暫時唔能夠係呢度講住....不過唔好誤會﹐唔係我要結婚/有左呀~~~其實只係間接關我事

我真係好好好好開心呀..yeah!!

好多野要寫....

首先要講聲happy birthday..今日係1010 同11 既生日~~有D唔好意思因為我記錯了係星期一~~唔好見怪~~ 希望你地每日都開心快樂~^0^/

今日因為客人要上factory..所以我同太子仔都要上去....真係有D唔開心因為今日係星期六嘛....都好~~小羊今日早放工﹐佢同我食完早晨先出發~~^3^

過完關8點50分﹐結果太子son 9點先到~ 之後我地就去坐巴士~~ 去到淡水就再轉taxi...其實係坐taxi 途中我好緊張...因為平時上去都會有熟人車~~但今次第一次坐taxi....個心好驚個driver 會車左我地去地二度...越驚就反而覺得條路特別長 > <

去到factory都已經11點幾~~未到5分鐘D 客人已經到喇~~基本上我都好悶﹐因為佢地開meeting 講既都係好engineering 既野~~我就坐係度悶..好彩用到wifi 上ng..

之後坐到around 1點﹐太子仔同我講叫我走先...都好~~factory 個司機就車左我去車站~~我要自己一個人坐巴士番深圳呀~~ 好彩佢見我一個女仔﹐泊好架車送埋我上車先走~~我又驚到一路行一路攬住自己個袋呀 (因為佢話我聽有個同事係呢度比人偷左個電話~~) ~ 上到車我一路都唔夠膽訓...後來始終都係訓左~~突然架車煞制....嚇死我呀~仲唔止一次添.....之後係條公路見到有人撞車 ...我仲驚多幾錢重....後來塞車....番到羅湖都已經4﹕15...我仲未食野架....結果係大學站買個飽就算~~回到家都已經5點........

wu wu wu..我大好既星期六下午就無左喇~~~

西田大減價

回顧番星期五...因為係西田大減價﹐而我又好想買枕頭, 所以就逼小羊陪我去.... 好彩都唔算超多人~~ 果然好多野都平~~ 當然我就mission possible la..

好奇怪家下D 枕頭減價係都逼你買2個架wor..結果買了$299 / 2個.. 唯一另一個收埋佢遲D先用喇... 之後行左一陣就去超市~~ 又係超級平~ 尤其D零食~好多都半價出售~~正呀~~我又掃左D貨喇~~

掃完之後就弊喇~~D野好重添~~好彩呢個商場有一項好偉大既設施﹐就係locker la...初時去元氣個度﹐D locker full 晒~ 之後上4樓有吉locker ar...立刻將D野放晒入去~$3 /hour..真係覺得超值~~ 無晒D戰利品一身輕﹐就立刻去醫肚先~~

去左表哥食粉~~小羊第一次去﹐佢叫左個肥牛河~都OK wor..D 牛肉好正~~ 小羊比左80分呀....而我就叫左炸醬水餃河~~又係正爆

食飽當然要行下喇~~行到930 左右去locker 取回D 細軟~就走番去西田個度搭免費shuttle bus...原來去馬鞍山個架車係酒店個邊呢~結果我地又山長水遠行過去~~好彩一去到就有車~雖然多人但我地都上到...

去馬鞍山不是回家呀...其實係因為太早﹐羊又未夠鐘番工﹐所以去馬鞍山食甜品~去到勁多人﹐因為個個都唔願走坐左係度睇溏心大結局呀~~不過好彩地又有位wor...正正

食完之後我就回家了~~~shopping 真開心~~yeah........下個月見到月結單就cry 了 T_T