舊同學聚會

今日約左3個香港舊同學~ 去左Dan Ryan's......好少會係lunch 去呢D地方...通常都夜晚先去架嘛~結果4個女仔叫左3碟野都食唔晒....

話題當然係講結婚...因為Fanny 下年11月1結婚 (日航酒店)﹐而prisca 就下年12月28 (macro polo 酒店)...講真...係o甘聽佢地講都幾悶下~~無共鳴掛~~ 而且都唔太插到嘴

好多謝佢地會搵我做姐妹~~其實我係同Vivian 比較熟~而佢地2個就間唔中先出來聚會~即係一係就只有我同Vivian﹐一係就齊4個人~~無辦法喇﹐始終我個時走左~ 係番香港先聚下~~~佢地請我做姐妹﹐我諗都有可能係順便叫埋~~anyway...wish佢地會幸福快樂

其實有時諗下我都算無o羊朋友...有都可以話係好耐都唔見一次個D.....我自己都有責任既~ 自己懶去聯絡朋友﹐又唔喜歡傾電話......近年仲唔多喜歡聚會~喜歡留係家添.

有D野...取同捨.....唔係o甘容易拿到平衡....

未必會去的interview..

之前係cathay pacific 度無聊下send 了application 去申請做customer service officer..以為係聽下電話個D~ 星期3突然國泰打電話黎...結果係電話度做左5分鐘左右英文interview..就arrange 左下星期4 見工

當然回家後就上網search 下D資料喇~~原來佢地CSO 係等於地勤...interview 有英文group discussion..又知道左D工作資料﹐benefit ...人工o甘

原來佢地既人工係basic + 各類allowance..例如你OT (自願性的)到爆, 就越多$$...放假走去番工﹐又有D$$...番night shift 又有$$~不過當然知道地勤唔會好做架喇~~幾有壓力~但相對應該好多野學...

不過...最後都係決定唔in 了~~因為實在太遠..而且佢D shift係我能力範圍以外既...我見有人話番05XX ﹐亦會放01XX....撞鬼喇~~呢D時間都無o羊車番到馬鞍山...就算番到我都要轉taxi入屋添...

嗯...算啦~~XDDDD

btw...我見到有人話group discussion 以前既一個問題: 如果有一個酒店常客,次次book sea-view room,但今次因為join promotional package,所以冇sea-view room+要畀錢用D設施, 例如gym... swimming pool,你會點安慰佢地.

如果係你...你會點答﹖﹖﹖講真﹐解釋比客聽好容易~~但我都幾想知如果客人要嘈~點先係最好既解決方法﹖﹖﹖

忙透了............

對~最近真係好忙..所以無時間打blog...

----- 完 -----

XDDDDDDDDDDDDDDDDDDDDDDD

panda blog

希望唔會太遲介紹你地呢個blog..呢個係海馬公園因為有2隻新熊貓﹐而開始寫既blog..

http://www.oceanpark.com.hk/panda/blog.asp

講真...之前其實我對呢對熊貓都係印象普通...但睇呢個blog 就令到我覺得呢對熊貓好cute好得意~ 當然熊貓唔會識得寫作...好明顯地呢個blog 係由其中一個員工, 用左好多心機去寫~

睇呢個 blog..覺得都幾有趣~ 當然可以知道有關呢2隻熊貓係香港既生活係點~有video 同相睇~ 而作者係blog 仲有時候搞下D 文字gag..哈哈~~令個blog 唔會好悶...反而睇完個entry 都會輕鬆地笑一笑~

多謝呢個作者~~可能有D人唔知道你寫blog 背後既辛勞﹐但我會知道~XDDD thanks and 我想話你知﹐係我眼中~呢個blog真係好正係好吸引~~~ ^0^/

又一城~~~~~~

好耐無去過又一城...原來又有少許改變..原來會開H&M...原來有間板前壽司...原來mcdondon 移左位...原來開左間uniquo (唔記得點串)

去到行下街先喇~~之後就去EXP 排隊dinner..基本上10次去又一城﹐8次都會去呢間食...原因係價錢OK (因為又一城其他既都好貴)~ 而且都唔錯架~ 係openrice 度有好高既分數架

http://www.openrice.com/big5/sr2.htm?shopid=7434

又於佢都好大﹐雖然要排隊排第6-7個位﹐但唔夠10分鐘就到我地喇~

今次食左蜜糖雞翼~ 芥末牛肉pizza 同埋肉醬香腸意紛~ 全部我都覺得好味道~ 而食家就話80分 (好似間間都係80分o甘既....)~

食完既時候﹐隔離張檯都賣單...好似係$158.4...比$$既時候個女仔好大聲話...“我比4毫子你丫”...當時我同小羊笑到要望第二邊...sorry..其實佢係無錯...因為已經加左一﹐佢無必要另外再比tips..但我諗會好少人真係去比個4毫子...同埋個女仔個一刻反應真係好好笑~~

附上相片...唔知點解唔見左張蜜糖雞翼照添~~哈哈~~

試食日記~~

今次去試既...係最近係報紙都廣泛流傳既 Freshness Burger..位於TST 海運大廈~ 如果大家有印象海運中心有個籃球架~~就係個度喇~~

Freshness Burger 係food court 形式﹐自己買飛﹐自己搵位﹐自己捧餐~ 我地去既時候已經滿晒座~不過因為係快餐﹐其實唔需要等好耐D人都走~~

http://www.openrice.com/big5/sr2.htm?shopid=18635

價錢呢~~burger 大約$2X 一個~ 如果想加汽水同埋薯條就另加$18, super size combo 就加$24~ 所以total 一個combo 就around $4X~

當然味道一定比mcdondon 好~ 食落D 肉好有味~ 而且又有汁... 不過我始終都係喜歡Triple O 多D﹐因為無論去幾多次﹐每次食既時候...咬落去第一啖都有驚喜既感覺~而onion ring 可能凍左少少﹐如果熱辣辣既時候會OK

見到好多人話coffee 好飲...亦見到好多人飲綠色既物體~原來係綠茶奶茶...wow...如果你地試左記得話番我聽wor~~

他與她的死對頭

我曾經同小羊講過~我唔鐘意Hello Kitty..因為佢係Little Twin Stars 既死對頭

呢句說話原來無錯.....

因為係最近麥當當換 Hello Kitty and Friends 既系列中...竟然無Little Twin Stars 呀~~~o華~~果然連朋友都唔係呀~~XDDDDDDDD















想換購的話~請參閱www.mcdonalds.com.hk/

悶到嘔....

呢排悶氣特別多~~尤其番工時候...當份工好悶而又要努力做野既時候~ 突然會湧一份好悶既感覺~~係公司忙﹐但回家我依然會有補睇新聞....

1) 今日有講到D 強X金收費~...筆$其實唔係我自願供架wor..~ 仲要係我儲既$$ 裡面扣一畢出黎...直頭等於打劫我D $$

2) 強E金...某程度我贊成﹐但我只會贊成如果我地可以自行選擇點去運用筆$$...並且不受年齡限制~如果你逼我供﹐而又限住我點用同幾時用...o甘對我好唔公平o者~ 一句到尾...$係我架~~

3) 機場劃左個 電召taxi 上落客處~~ 結果又比D貨車司機投訴﹐又比D真係係的士站排隊等客既司機投訴...唔知點解我真係覺得好好笑~~真係一句~日防夜防﹐家賊難防~...你幫自己友爭取到個近D既上落站﹐結果到頭來比番自己友搶自己生意~~定係其實之前個D堵塞機場既的士~其實全部都係八折黨成員呢~~哈哈

oops..發表偉論完畢..........

累~~~

星期3終於等到羊放假~為左幫爸爸買透明電話殼﹐所以去左深水步~ 其實之前已經想去舊扒房﹐所以去左“飛鷹”

http://www.openrice.com/big5/sr2.htm?shopid=11560

當然去扒房無非都係想要滿足一下...當個鐵板上檯~~“咋~~”一聲個刻既興奮~~我就當然得到喇~~飛鷹只有10幾張檯﹐格局好似D舊式餐廳~或許佢根本就係好舊年紀~~廚房係二樓~所以D 野食係要坐lift 落地下的~~哈哈

D餐價錢好平~大約$5X 需要加一~有餐湯﹐有麵包﹐有鐵板餐﹐同埋餐茶~味道不錯~但始終都係食扒..會有D“漏”~ 不得不提佢個麵包....超級大size...最後羊比左..80分~



























而今日上左去深圳拖貨~~好累呀~~~~一早上去﹐拖完D辦去公司又趕住出速遞比個客~~救命呀~~之後個舊同事msg 我﹐問我係咪公司會有變動~我聽到R晒頭~可能呢排忙都無去收風~ 佢話我聽...CEO 同佢講2個月後會有變動wor...o華~~o甘厲害仲有同CEO聯絡~~哈哈~~阿姐一向都唔理我﹐太子son 又忙住in人﹐下星期又話出trip..係公司都好似無人理我o甘~~睇來真係要去收下風~唔係on居左都唔知o羊事...

終於到星期5..呢排真係好累~~係公司用腦用得太多喇...搞到出街都無心機...又好怕去D逼既地方..呢個weekend 認真要抖抖

突然好想做下運動.......打下羽波...游下水 (雖然無泳衣)~ 打下滴滴仔..

點解你會睇落去...

突然諗起...究竟o羊原因令你會繼續去睇一個blog..

係因為佢係你認識既人...而你想透過blog 去知道佢既近況﹖
係因為個 blog 會有資訊性資料或感情抒發﹐你睇左覺得會有得著﹖
係因為個 blog 講既話題都好有趣﹖

朋友中~~大部份都係1...估唔到...我覺得古天樂既blog 係3....

而我希望我個blog 係 1 + 2+ 3....哈哈...不過還需要好多努力﹗

SHOCK!!

今日番到公司門口﹐係玻璃門度竟然見到個西人客~~當堂“O” 左嘴...因為一路都唔知佢會黎~ 原來今次又係來幾日~擒日落機﹐今日就上大陸~星期日就走lu...

佢係度當然係問下佢近況~ 呢個客以前我有跟開~後來公司轉我team 所有就無來往~ 但佢一直都好錫我架~ 遲下有可能會轉番team 跟番呢個客...15/16中

anyway..睇下星期六會唔會同到佢dinner 喇~

最近係公司都好忙...無時間睇新聞..又無時間同朋友chat...不過都好既~之前我都free 左o甘耐...要努力下喇~~

加國懷舊風情

今日係公司好忙﹐亦好angry 因為比個shipping 同事屈我~事源個客某D 訂單要改ship to address..我收到資料之後已經pass 左D hard copy 比香港個shipping 同事﹐叫佢記得fax 比大陸個邊..

到今日竟然發覺大陸個邊仲用緊舊地址...我問香港同事﹐你無fax 過去o羊...佢竟然話我無比到D資料佢...我當堂好angry lor..因為我好記得自己有比過佢...就算我無比﹐佢既然知道要改﹐係咪應該要主動去問我要番D資料﹖﹖如果下下都要等我﹐不如我做埋你個份好唔好﹖﹖最奇怪係佢成日都自己走去我個櫃度拿其他shipping 資料﹐又唔見佢去搵埋呢D﹖﹖一定要我親手pass比佢嘛﹖﹖超級angry!!!!!!

anyway..超級忙的星期六~~放工後去左灣仔~~因為2﹕45分要睇“一期一會”舞台劇~

去到灣仔其實已經2點05分~飛快行去 Subway 食lunch... 選呢間其實有3個原因﹐一就係openrice d comment 都OK﹐二就係因為佢係演藝對面~三就係其實我以前係加國都有食開~想帶小羊去食下~~



















我叫左個芝士牛肉﹐用麥包~ 而小羊叫左個chicken terikayi 用wheat oat 包~ 特別既地方包括除了main 既“函”料之外﹐其他配料例如生菜﹐tomato, 酸瓜, 青瓜, onion...等都係由你自己決定加邊樣的~ 仲有個sauce 都係...有 honey mustard, BBQ sause 等等~~哈哈~~比你自己mix and match..如果你貪心的話﹐佢唔介意你選擇加好多樣配料的~

http://www.openrice.com/big5/sr2.htm?shopid=13740

價錢呢~~就係around $4X 一個set..而獨立買一個6" 包就around $2X...太耐無食喇~真係感覺好似食番係加國時既味道~ 最重要係個飽飽加晒D 配料同sauce 之後個味道好突出﹐都可以話好濃味 (但我喜歡~~)....個感覺係同食mcdondon 唔同喇~ 可能係有D配料關係﹐個口感豐富好多同D配料都好新鮮~~唔會似mcdondon 個D o甘“乾”~~~小羊比80分呀~~

其實以前係加國呢~ 會成日星期二去買佢地既 tuna包﹐因為星期二會做特價...一個6" tuna 包只係加幣$2.14...即係around HKD 13...超級抵~~而我通常都係用brown bread...配料加cheese, 生菜, tomato 同pepper 就夠~

如果大家有機會都去try 下喇^^

講番一期一會...係林一峰做...其實最後既comment 係我覺得普通喇...比我想象中...差 ...當然係個人觀感~ 我覺得W創作社係一個好特別既團體...佢地D舞台劇有好多都有講同性戀既題材~ 呢個“一期一會”都有...但始終我喜歡睇之前既“馴情記”多D~

http://www.wtheatre.org.hk/onceinalifetime/

之後就搭叮叮去CWB...行下街然後搵食~本來去食日本野﹐但坐抵落order 時佢話所有dinner set 星期六都無...睇下個menu..無晒D dinner set 又其實無o羊好叫...最後走了~~之後去到一間越南restaurant 見到好多人等位﹐望完個menu就決定一試~

我地叫左....牛油雞翼, 春卷豬扒凍檬﹐ 越式凍coffee and 西貢啤酒...個雞翼超級多油呀~~個檬粉OK~



















呢間越南restaurant 又令我諗起加國......因為你叫湯粉的話﹐佢會另上D 熟or 生既芽菜同埋唔知什麼名堂既葉比你加落去個粉到﹐可能我少食越南菜...我記得呢間係我係香港第一間遇到會有呢D服務既restaurant...

http://www.openrice.com/big5/sr2.htm?shopid=16640

後來睇番openrice.com D評語~好surprise 原來呢間野真係由vancouver 引入...wow...今日果然係我既加國風情懷舊日~ 雖然其他人評語麻麻~~~但有時你喜歡一間食店會係因為情義結...所以我喜歡呢間..希望佢地努力做番好個聲譽喇~^^

係wor..點解叫o甘少野...其實本來諗住之後再去食甜品﹐最後都無食到...

長假期...

長假期...你做左D o羊呢﹖﹖

星期日~ 好開心family gathering..去左TKO 飲茶~~ 之後就去左睇羊踢波~~佢約左好多舊兄弟踢呀~不過見佢地踢到好累呀~好彩唔太曬~ 哈哈~~

後來早走左﹐入左去大埔...hehehe..好開心呀~~~

星期一 ...睇movie..睇左die hard 4.0...其實die hard 1-3 係講o羊架呢﹖﹖ 講真近年既我真係好細膽...連die hard 我都會睇到突然“叔”埋一舊...又突然好肉緊練住隻羊~~哈哈~~真係渣呀我~~不過都幾好睇wor..幾精彩~當然有D地方就過份誇張喇... 個男主角D 動靜都幾好笑wor

之後去左羊家打機~~ 打到5點零鐘就落去酒樓同爸爸媽媽﹐哥哥同阿嫂dinner..開心~~

哈哈~~ 都係個句...唔知點解放假會累過番工 XDDDDDDDDDDDDDDDDDD

yeah! .......

yeah 完之後的惡號是....到9月尾先再有公眾假期...sad 爆