恭喜眼仔~~

To: 眼仔

恭喜你榮升Daddy ~~ 哈哈~~~

由知道你太太有左...真係不經不覺...o甘快就10個月時間~~ 自己somehow 好似陪住BB成長o甘~~雖然一早知道你個千金今日出世...但呢排心情真係好緊張~~哈哈~~

終於係今日放工既時候收到你個sms 話BB已經順利出世..真係10000000000000個開心~~

小眼女要健健康康~ 開開心心~同埋一定要好好聽Daddy Mummy 話呀~~~

by Invisible 契媽~\^0^/

日劇

今日睇完左日劇“交響情人夢”..感覺係好輕鬆同埋好impressive...以下係故事內容﹕

http://tvcity.tvb.com/drama/nodame_cantabile/intro/index.html

不得不讚賞一下D演員~原來大部份都唔識得彈/拉佢地負責既樂器~~相信佢地怕呢套片落左唔少苦工~而結果出來係非常好...因為係講大家上台表演既時候...見到佢地都可以一致地做手勢(當然有時都見到D“穿崩”鏡頭)....讚~當然某D部份係比較誇張~ 但我覺得都可以接受~~同埋最後個集﹐佢地離別之前一齊演出~真係有D感人~~

新生命的喜悅

朋友既小千金將會好快出世喇~~~ 最近我都感受到迎接新生命及緊張同喜悅...真係覺得唔簡單﹗ 人地話...養兒一百歲﹐長憂九十九~ ...希望你地全部都健康快樂喇

之前聚會阿基介紹左紅磡一間港式餐廳~最近成日講既係佢地又平又正既漢堡包~當然我同羊一定會去試喇~~~位置其實係火車站步行10分鐘左右~都幾方便...以下係我地order 既野~~雙層cheese 漢堡($12)...漢堡旦($12)...炸薯條($10)...炸雞脾($10) ...炸香腸($2)

以呢個價錢~佢既quality 真係有90分~~個包咬落去好多肉汁~感覺好新鮮呀~~超超超正...雖然望落細﹐但食完其實都飽肚...而薯條係舊式既﹐即係曲型個D呢~~呢個絕對係懷舊之作~~不過覺得以前住個度個間快餐店正D~~而雞脾就普通....

我相信下次經過﹐都一定會再食~~最近小妹除左日本野外~實在瘋狂係漢堡包呢樣野

http://www.openrice.com/big5/sr2.htm?shopid=18220

別人的快樂

最近對眼經常都好累~~相信原因可能係如下﹕

1) 熱氣~~呢排都有食熱氣野~~

2) 唔夠訓~~ 最近2日都11點幾 ~ 12點幾先訓

3) 睇電視太多~~~因為最近都有睇日劇...

講開日劇...睇近深田恭子既峰女壁女...其實我覺得個story 開始麻麻~~不過繼續會睇因為深田恭子真係好正~~佢個樣真係超可愛~ 真係連我都 lum 到呀~












而另一套開始睇左少少既係交響樂情人~ 好似TVB 播緊~ 都係因為係朋友聚會中提及過﹐所以d/l 黎睇~~其實我仲有好多野等我住睇架~~~安排唔到時間添~~哈哈

btw..今日個新manager 通知﹐原來佢9月17日結婚~~恭喜晒~而我地另一個同事早佢一日結婚~~
可能始終都係新同事喇~未係好熟...大家想去既程度都只係一半一半...最重要係係接住另一個同事之後個日添....結果佢問我D同事去唔去時~~大家都有D尷尬...而我...其實係好興奮去9月16日個餐....因為同個同事已經共事左3年幾~~~而新manager 個餐...的確真係普通咋...

呀....其實係咪大部份去飲既人﹐心態都係會覺得“無左$500”呢...﹖如果真係有呢D心態﹐我寧願唔請飲了~~~搞到好似將自己快樂建造係人地痛苦身上面o甘.....唔知如果將來我結婚..會有幾多人係無呢種心態下黎替我開心架喇~~~哈哈

延續.....

今日突然為左D 家事 同埋做野上既壓力...而情緒受影響...早上眼紅紅o甘...明眼既同事B 同我講覺得我怪怪地...

家事...唔講太多喇...雖然唔開心.....不過我有搵羊傾訴~ 無事既^^

話o甘快.....

話o甘快就一個星期~~~感覺好累添

星期4同左小羊~阿基~ 小寶~ 阿東~ dinner..哈哈~~笑得好開心~~去左沙田最底個層食...o華~~全部餐廳都好多人呀~crazy..最後決定邊度有位先就去邊度食...結果係....HIP Sushi...

原來價錢都唔平~~而且由於肚餓關係~都無好認真o甘品嘗D味道....作為第一次去後既感覺係....無印象XDDD 阿基話紅磡有一間食“香港快餐店”形式既漢堡包 好好味~ 真係好想快D 去try ar..最想食係個D 好粗又曲曲地既薯條~以前細個好喜歡食架~

同佢地dinner永遠都有好多歡樂~ 感覺好唔同的~~因為如果同我D舊同學食﹐會比較正經~~同埋唔會講低能野的XDDDD

dinner之後又去左滿記食糖水~~食到最尾好飽...點知隔離有人叫榴槤pancake..可能就係因為自己已經好飽....一陣榴槤味湧過黎當堂覺得有D反胃...

星期5放工就飛快閃人~~因為要出去灣仔既美食博覽~ 夜晚去入場費$10...去到都唔駛排隊買飛..但一入去就開始逼人喇~~講真真係大多數都係係中間行~~見到有興趣既先逼去D counter 度...D 公司同上年差不多~~而價錢亦唔算特別平...即係個價錢如果平時超市特價都差無幾~ 不過始終去呢D expo 好處就係可以試食~ 不過...真係超級多人~ 如果你唔係諗住去拖幾box公仔麵呀~~我諗大家都唔好去喇

之後去左附近茶餐廳dinner..原來個間茶餐廳好多Taxi 司機去~ 見佢地一大班人休息坐埋一堆叫送食飯~感覺好開心呀~~

做做做

呢2日係公司真係super 忙...忙到直至同事問我做o羊仲唔走~我先知道原來已經夠5點半...快D過埋呢8月我就可以一身鬆了~~

已經4日無見小羊...本來今日佢同朋友出街~話左係馬鐵度見一見~但因為OT 所以sms叫佢唔好等了~~到我放工打比佢~~佢話係大圍...T_T um...真係無得見添~一路傾電話去到馬鐵站~ 點知比我見到佢隻腳~~原來佢係o厄我~~一直係馬鐵站等緊我~~o華~~超級開心超感動呀

最後大家搭車去到大圍﹐佢就出MK﹐而我就回家lu..~ 雖然只係短聚...但都好開心喇~~呢個surprise 我比85分~~ yeah!

本來係公司都有D唔開心﹐因為個客好8婆~搞到我第一次係電話用D 好唔友善既語氣同佢講野~ 不過算啦~~公司放左工就無畏放係心....不過亦可以同自己講~~原來自己都幾好品~~我深信我自己真係無天份做一個8婆...

朗朗都係o甘講“多謝爸媽從少培育”~~~ XDDD

星期六~~~

明知擒日打風無做過公司野...今日一番到公司就立刻check email...快快完成D工作費事OT...好彩無突發問題~ yeah..

今日個西人客又出現公司~~佢呢幾個月黎香港都幾密wor...竟然仲見到太子son..以為下星期2先見到佢添...臨放工佢招我入房~~問下我新manager 點樣﹐當然係好評喇~~ 之後佢竟然送左個Burrberry 袋比我...係日本買...話係多謝我呢幾個月o甘煩去處理個客﹐同埋幫佢整好D petty cash..幫佢claim 番7萬蚊...當然我都收得幾唔好意思...諗住下個月無o甘忙~~請佢食番餐貴飯補數喇~~講真﹐我有收人工做野既~~

跟左太子仔3年幾...其實都多謝佢比左好多機會我...就係因為佢成日都無時間跟D project 同處理D客...反而比左我好多機會去學野同點去handle D客同去解決問題...當然會要問佢意見...同有時最後都要佢出面處理喇~~但可能大家都後生~~有時比我既空間好大...唔似跟阿姐...樣樣都要管但樣樣野佢又唔多理 XDD... 之前佢已經送過一個 agnes b 銀包比我架喇....所以真係要請番佢食一餐大既先得喇.....突然間覺得佢有D似我貴人多過似我阿頭 XDD

放工就直接出電影中心﹐因為擒日本來買左飛睇英文版Simpson﹐但因為8號波無睇﹐所以可以換飛...本來佢換番2張coupon 比我地...但由於有coupon 都要我地下次親身去買先得...好麻煩wor..結果我又死 lur 個CS...後來佢offer 左D hold 起既位比我地..可能睇即日4﹕00pm場~~ happy

中間時間當然去lunch 先喇~~去左橫綱

http://www.openrice.com/big5/sr2.htm?shopid=4156

睇openrice 都好似好多人去﹐當然評語亦有好有壞...結果都要等成15分鐘先有位~

見到有afternoon set 就叫左(味玉拉麵 + 迷利牛肉飯+ 汽水)﹐然後再加小食 (餃子 and 叉燒)~ 一上臺個拉麵真係好香呀~~個叉燒亦好好味~呢個lunch 我比9分~~點解o甘高﹖ 其實我都幾唔喜歡食拉麵~但我都覺得不錯~~所以比9分~~yeah~~~ 講真~同味千差不多既價錢﹐佢又真係比較好食wor..雖然要排隊等....
媽媽好喜歡食拉麵~所以一番到home 就同佢講話下次帶佢去食...點知媽媽話...“個間﹖﹖好耐之前已經去過喇~~你o甘 Out 架~~ 不過呢2年無去咋嘛..”

T_T 對~我out 了~~

8號波的一天

一早就上左深圳拖貨~~ 去到30分鐘左右就起行回香港...要拉d 樣板去荔枝角個客度...結果去到走得既時候都已經11點25分左右~~ 蛇左去阿嫂度一陣先起行搭巴士番沙田~去到沙田12點半~就打番公司話lunch 埋先番去了~~

lunch 完坐1點9 既shuttle bus..點知司機話電臺講...會係3點30分前掛~ 我都幾突然....因為出面都幾風平浪靜~ 點知番到公司坐唔夠10分鐘﹐就已經confirm 左會掛 = ="

結果係公司坐唔夠半個鐘就閃~~ 8號風球就當然去沙田睇戲喇~~o華~~超多人~~結果睇5星級大鼠~~仲要坐最後個行既邊邊位~ 買完飛個電話又short short 地~ 一有人打來就reboot...仲要每次我reboot 到部電話我家人就打入黎...結果又reboot過...真係激死我喇...最後終於成功sms 左小羊...然後企定定等佢~~我都諗好左如果等唔到佢就去CS 度叫廣播喇XDDDD

等開場突然有D肚餓...去左ruby tuesday 食tea..o華~~呢個時間剛好happy hour..食左個Tea Set 同埋beer and cheese stick...

可能自己期望太高喇~~反而睇完套大鼠覺得只有7分...睇完之後個天都好似好平靜~~原來全部bus 都無停wor...小羊好明顯心動想再出去電影中心睇Simpson la...但後來我怕家人會鬧..所以改星期6先去...

之後就坐bus 回家lu...難得的半日day off..又遇著小羊放假~~太開心了

雖然我不快樂...........

因為公司既壓力...最近的確令自己覺得不太快樂.....番工覺得想嘔...會突然好頭痛.....每日努力去解決人地產生既種種問題...每日比人怪責一D 唔係自己犯錯既事...不過好彩.....雖然我不快樂......但卻更加令我見到其他人既快樂....

1) 某朋友....告訴了我一個興奮既消息.........我好替佢高興^0^/~ yo~ (係你喇~)

2) 某朋友的寶貝女兒....快將出世...連我都覺得好開心同緊張

3) 某朋友話我聽佢可能會轉工....希望佢前程錦繡 ^^~ 亦見到家下佢個心只有佢女朋友~我都唔好意思打搞佢喇XDDDDDDDDDDDDDDDD

4) 某朋友考試pass 左~~ 知道佢既努力有回報﹐我都替佢高興~~ 希望佢唔好灰心...佢係其他方面既付出同努力﹐我相信佢總有一日都會有好好既回報架~~

5) 某朋友去完澳門反~~post 左D 美食既照片...真係羨慕呀~~哈哈~~見到佢有得去旅行都替佢開心~~真想問佢一句...去完呢個trip你肥左幾多磅呀~XD

6) 某朋友終於可以擺脫佢既熊貓惡夢~~恭喜~~同埋好開心佢個病終於好番D~~

7) 因為最近忙左好多...少左時間同羊講電話...通常我番到公司都會同佢講電話...但加下番到公司根本就已經開始忙...而夜晚佢搭車番工...同我講電話既時候﹐我又已經累到訓著左~~ 其實真係有D怪責自己...責怪自己點解要o甘早訓 T_T~~不過開心既係﹐更加會珍惜見面既時間... 見到佢~~我真係好快樂

另送上祝福一個...希望某朋友的Daddy 下星期檢查會無事...^^

笑一笑~~世界更美妙~

APM~~~

因為去APM 睇變形金剛~~所以決定左去 赤丸製麵所 食

http://www.openrice.com/big5/sr2.htm?shopid=13578

見到好多人留comment..所以亦參考左D人既意見~~ 就係叫左個大既冷烏冬同埋好多既小食~~ 講真~D野都算平~~ 間唔中去下都OK既~~ 我地叫左香腸..牛肉薯餅...炸雞翼~凍烏冬~炸洋蔥~ 餃子








































































我覺得最好味係個香腸同牛肉薯餅~~結果每人消費$40...

之前就去睇戲..變形金剛果然好睇呀~~~係入場之前同個 simpson 公仔影下相先~~突然隔離對門開~竟然係有2個大simpson 公仔行出黎~~太開心喇~~哈哈~~結果即刻同佢地影相先~~















小妹對住假公仔扮surprise...(小妹個 look 好C9 添)















點知真係有surprise XDD















頭羊係佢fans...見到個樣幾“得戚” ~~哈哈

小妹與哈利波波~~~~

基本上我同佢...............................係無關係的

N年前我係佢好流行既時候﹐我曾經唔知點解一口氣買左1-3集﹐幻想自己會睇....但當然以我唔喜歡睇書既性格﹐睇左第1本就已經放棄左.....

跟住無論呢個世界既人既擁戴呢個故仔.....我已經無再去考究......

直到剛才...因為睇雜誌順便陪下兩老...係廳度睇左TVB 播既哈利波波第3集......睇後感係...

究竟係我唔專心定係o羊.....我睇完完全唔明佢講o羊.....

哈利波波~~再會了~~~~~睇黎我地都係無緣架喇~~~~XDDDDD

又到weekend..

忙既時候係公司真係好容易過...就正如一個星期都覺得好容易過o甘~~係lor..今日已經係星期六喇~ weekend 當然想好好休息下~~

街度成日o甘多人籌款...其實你對邊D人最難抗拒呢~~ 對我黎講...老人家籌款我就最難抗拒...今日係商場見到幾個老人家企係度籌款....我亦捐左D $$$...或者人始終會老喇....

好似又有一排無相睇...post 下先

星期3晚~~我同羊各自同家人dinner 完之後﹐就去左新港城食糖水~~其實細細既新港城area附近已經有4間以上既糖水鋪....呢間鋪頭第一次去~~我叫左新鮮芒果布丁加雪糕~~而羊呢個就係西瓜冰加雪糕加jelly...




























另加上靚靚天空一張~~ 雖然熱~~但無落雨既夏天﹐再加上D綠樹同鮮艷既花朵~令個天睇落更加靚~~可惜我唔能夠去享受陽光...為左唔污染你.....所以我會堅持唔開o甘多冷氣~~yeah

難得~~~~~難得

終於難得可以係公司update blog la...so happy

暫時未再忙....不過頭先lunch 食完飯感覺有D 飯氣攻心~~ 開始眼訓添

呼~~呢排真係好累~~~~好想做D 野relax 下~ 變態金剛未安排到去睇...應該下星期喇~ 之後又有simpson 喇~~期待﹗

其實今朝個天好令~~ 但到lunch 既時候就突然行雷...到家下又突然出太陽...呢排都係要帶umbrella 出街先得啦~

死喇~~少左寫日記好似無o羊野寫添...可能亦係因為我呢排都無特別野做過........

真希望可以去郊游下....