假期

一連幾日既假期...黎臨時先發現自己無安排到任何節目...

究竟係自己無朋友....所以無人約......定係懶唔去約人.....所以無街去~~~已經考究唔到~~但outcome 都係一樣﹐就係放假無野做....好聽D 叫做比自己休息下....講真真係訓左好多......訓得多發現自己無街去...又開始覺得悶....同埋又會諗究竟自己係咪無朋友

唉............有時好現實既...自己平時少約人~~ 理所當然地人地都會少約你.....但如果調轉.....當你付出~出好多街同朋友相處既時候﹐相對陪家人既時候亦會減少....對~~有時D野就係要取捨~ 我發覺之前一直係以家人同儲$$為先....雖然成日都話...係好朋友既話﹐唔成日見都係好朋友~~但經過今次既超悶假期...我開始覺得我需要用番D 時間去維繫同朋友既友誼...

發傻完畢.....

突然手痛

真係R 晒....頭無喇喇手痛...一舉起左手﹐腋下附近就會好痛...之後就開始無力﹐都唔知點解會o甘~~應該唔關游水事架~~都隔左o甘多日 ~ 有2個同事都不約而同話可能係淋巴有事...驚驚

呢排成日都9點幾就開始眼訓~~好對唔住身邊既人因為自己既體能而少左時間去陪佢地....i'm so sorry

任性

任性呢個詞語...最近因為唔同既事而不停係我腦裡面出現...

今日有interview...係agent 搵既﹐原來間公司要搵好technical 既人~~in 完之後其實都幾angry...講真我份resume 有寫明自己學歷係o羊﹐家下工作係o羊~~如果佢要搵好technical既人就何必浪費大家時間呢~ in 完其實個一刻都幾唔開心....因為自己既任性而好快會無野做....而且唔知幾時先搵到下一份工...........

嗯~~~~~

中秋節快樂

中秋節開心係因為有得早放

更開心係聽日 day off.....

星期日....臨秋天先黎個下水禮~~~既然聽日day off...都希望去游下水~~~~~~~~~ wow...繼續發癲先

哈哈~~中秋節快樂

做節

擒晚同家人做節~~ 經過德興食見到D人打邊邊~~ 超吸引............聞到個鴛鴦湯底好香~ 見到D野食都好似幾新鮮~~~望下個menu 又芝士牛肉丸,又有炸魚皮同埋芝士腸仔~~~真係好想去食﹗﹗

回到家突然好眼訓...結果9點幾就訓左......昏迷左11小時...對於我黎講都算係非常難得

最近個心好亂~~~因為有太多事...........每一次訓係床都感覺到個心好唔穩定.........................

最近又有人話我比之前瘦左好多.....不過次次人地o甘講﹐我反而覺得唔開心﹐覺得自己好唔健康....因為我之前都係因為病而瘦.....所以同朋友講起運動﹐突然都好想做番下運動......不過首要係買對波鞋先....

決定~~~~~~~~

嗯~~~10月13日將會係我最後一日係呢間公司....做呢個決定﹐其實我覺得自己好任性....不過....可能我根本就係任性既人~~~人有時候總會想有D轉變...................呢一刻某程度都想....

我知道我一定會好唔捨得呢度既同事....工作環境~~ 我只希望我走左之後﹐D舊同事依然會記得我~~

最特別的事

其實今個星期都無太多特別事~~~最特別都係我個電話已經係死亡邊緣.............會講講下突然自己reboot...擒日試過hard reset 都無用....睇來都係逃唔過要換電話呢個危機.....T______T 不過無辦法喇~~

今個月仲有好多費用未比~~哥哥幫我買左野未找數~~ 之前去唱K 未找數......仲有買電話$$

哈哈~ 呢個月儲唔到$$ lu....

又到weekend...

今日突然個新manager 同我講請人既問題....佢話唔想我轉team...相信原因都係因為將來新黎個個人會唔太識得家電... 仲話可以安排比佢under 我

不過都唔係多唔多野做既問題....而且我都唔需要有人under 我 (基本上我覺得無意義)...我都唔知自己想點﹐係覺得想轉下環境~~矛錯~~~佢都講得對~ 好多公司D 廠都係好亂...我地公司未必係最差~~但只能講一句....可能係有D悶了~~因為廠都唔進步既...Anyway..等太子仔回來先算啦

今日星期6~~ 放工就回家hea...睇日劇之後到5點幾就訓左1個鐘~~好熱呀~~訓醒出晒汗仲好似中左暑o甘~~要立刻去沖個涼~~XDDD 明天去飲~~今日要係家叉夠電先得~~因為我會去埋觀禮呀~~ 其實呢個同事幾熟~所以佢結婚我都幾興奮架

跟住下個月又另一個Vancouver朋友結婚, 佢係擺平日~~ 而且係香港區...佢個日突然通知我佢結婚﹐我又係非常開心喇~~今年應該都係佢地拍拖第10年~~ wow

附上星期4去完mega box 既picture...去左食cheesecake 不過感覺普通~~dinner 係 UA戲院隔離間cafe食~~ 個薯角超~~~~~~~好味呀~~~

星期4﹖

突然又已經到星期4~~ 今個星期1睇左古JJ演唱會~~個stage 好正~~D歌好聽~~

之後休息2日~~今日同羊去左mega box...估唔到逗留左4個幾鐘~~哈哈

好lazy post 相﹐後補喇~~~~

XDDDDDDDDDD

- 完 -

開心的星期6

星期六放左工之後就出左去中環~~頭一站係剛剛飲食男女刊登完既勝香園~~相信佢本書既影響力真係好大~結果係要排左半條街先等到位去食~ 呢間野最出名係食番茄麵...即係番茄牛肉通呀~~番茄餐旦公仔麵個D呢~~仲有甜甜酸酸既檸蜜脆脆...同埋豬扒脆脆~~ 雖然熱D但都不錯~~原來連對面間九記牛腩都排晒長龍架~~太厲害了

食完已經差不多4點﹐之後坐巴士上左山頂~好開心呀~~~天氣好好﹐好舒服﹐行下商場同埋係出面影左少少相~~即到開始天黑就坐小巴番中環~~原來minibus 平D又快D~~下次都係咪鬼坐巴士喇~~

到中環就行左陣IFC~~ 頭站係city super..D 冷氣我覺得超凍...睇黎我開始要帶薄jacket 出街喇~~之後又去食野~~終於去埋我想去既 Taco loco..我地去到就有位~~之後見到不停有人黎~~睇黎呢間野都幾受歡迎~~ 最後食左taco + 7layers Nachos + Qusaidellia + 2杯 lemon lime ...埋單$152 仲要食唔晒~~好抵~而且好好食^^~

之後又去左蘭桂坊行下~~同小羊講番下以前係附近番工既情況佢聽~~亦見到小羊想去既漢堡包shop...下次同佢去先~~~開始體能下降...就坐船轉巴士番去了~~~當然係巴士就怒訓喇~~哈哈

反左一Day 超級開心呀~~

P.S﹕ D nachos 食唔晒帶左D回家...今日下午叮番...雖然D nacho 淋晒﹐但媽媽睇黎極度喜歡D cheese 同D配料~~XDDD 竟然不停食仲食晒添呀~~哈哈

另﹕ 今日個blog 好有性格﹐post 唔到相...too bad lu..

我的第一次..電單車

星期6 無野做既番工時間真係特別難過....不過都好﹐可以比我寫下 blog..

擒日番工約左 Stephen去西貢食pizza..呢餐其實應該係佢7月既生日飯﹐o甘耐先請佢真係唔好意思~ 佢竟然準時6點9到wor... 見到佢之後就去食野喇~~由於唔想食到太飽﹐所以只係叫左一個8吋 pizza 同 一個 seafood basket

pizza 當然好味喇~~ seafood basket 佢炸到好黑色...不過都幾好食...食完剛剛好~ 就決定去海邊行下~~由碼頭行去 BBQ 場﹐之後番去碼頭再係公園坐左陣~ 基本上都係 chat 下D 大家D 平常事...都幾開心~~最後因為有D熱﹐所以我叫走 lu...

佢有drive 電單車﹐因為順路所以車埋我~~o華~~我第一次坐電單車咋...真係超緊張...基本上連點戴個頭盔同點上車都唔識~~~ 搞到自己有D on 居添....第一次上車...因為隻腳唔識得就個角度...仲扯到少少個大腿添...第二次有佢幫我﹐終於成功上到車喇 (哈哈哈哈~~~好低能添) ~~後來開車之後﹐佢都話...你好似真係好緊張wor...當然喇﹐我交左條命比佢 wor!!!

開始時候真係覺得好恐怖﹐後來放鬆左D...(我覺得自己放鬆左架喇)~~感覺好舒服 (因為擒日都幾涼快)...之後個口仲不停食風添呀~~~ 哈哈~ 真係覺得好好笑~~ 後來我叫佢車到我大門口落就算啦﹐因為我怕爸爸見到我坐電單車 XDDDD anyway..好多謝佢比左第一次機會我坐電單車 XDDDDDDDDDDDD

BTW﹕ 佢部電單車真係好型~~XDDD

怒火

當然係因為公司先會有怒火喇~~其實某程度上都做到我地呢班後生仔女好灰心...D 高層成日都話會全力support..到頭來得個講字...救命~

基本上今日朝早都幾憤怒﹐都要多謝Jerry 係ng 度陪我chat..當時我既reply都幾反常...i mean 又粗佬又黑心~~不過我同佢係o甘樣溝通架喇...好彩o甘樣寸來寸去﹐個人心情先好番D

之後去左lunch..竟然用左$38....9月真係好多使費~相信今個月儲唔到$$ lu...希望唔好使突就算啦

第3日見唔到羊~~掛__掛~~~ 仲要等多2日添

今日見到invisible 契女D picture..haha~~ 感覺好開心~~~人地媽咪唔駛比o甘多壓力自己喇~~ 做唔到唔代表o羊既﹐你已經好偉大同好o力喇~~人地爸爸要多D開解下喇

btw...今日我OT 到8點幾....好難得XDDDDD 一定要寫低先

美食~~~

其實呢個世界真係有好多好味道既野食...有D好貴﹐有D就好平....而最近睇雜誌發現中環有幾間好吸引我既鋪頭﹐真希望可以去試一試....

Taco Loco - 墨西哥菜
想食既有﹕7 layers Nachos﹐Taco 等

http://www.openrice.com/big5/sr2.htm?shopid=10621

Atomic Patty - Burger

想食既有﹕Cheese fries, burger, mike shake
http://www.openrice.com/big5/sr2.htm?shopid=19097

勝香園 - 茶餐廳類

想食既有﹕檸蜜脆脆, 豬扒飽, 蕃茄餐蛋麵
http://www.openrice.com/big5/sr2.htm?shopid=10577&comstart=10

當然除左呢D, 仲見到好多地方有好味既 burger 食...wow ...突然覺得肚餓添~~哈哈

開心的聚會

上星期5去了一個開心既party..同左阿枝 / DOO / 力奇/ K / 偉哥 / 阿漆﹐加埋我同羊去左唱K~ 由於早到左﹐就同羊係附近shopping 下先...之後around 7點25分打比佢地﹐原來已經開左房喇~~

上到neway city 就去拿野食先喇~~超級多人﹐又逼....根本係唔會有心機去排隊...後來隨便拿左D 唔水點排隊既野食就算~~ 食完野齊人就叫酒.....我地book 房時本來講好可以唱到3點﹐但叫酒個時個經理話無人drop 低同埋因為星期5太多人﹐只可以唱到10點30分....最後傾完比我地叫酒同埋唱到1點半~~

叫左酒大家開始反~ um...中間做過Do羊都有D忘記左.....但我記得因為星期六要番工﹐我同羊就2點左右走左....中途我仲嘔左兩次...o華卡卡~~我記得好似係o甘耐以來第一次嘔呢~~~羊因為擔心....陪左我坐taxi 回家~~謝謝^3^

回到家已經3點幾...星期六7點幾又起身番工~~個人根本就酒醉中~~但都要起身喇~~個一刻同自己講﹐以後都唔飲酒呀XDDDDDDDD 係公司個人根本就唔清醒~~亦明白o羊叫“講野唔經大腦”...因為我發覺自己同同事講野...個口講既野同個腦諗既...有D出入XDDD

anyway...唯有放工回家再休息~~結果下午訓左2小時~~但個胃就開始漲....結果到今日星期一都仲覺得個胃飽飽地o甘...

算啦~~反得o甘開心﹐難得放縱下自己喇~~~不過...都係個句....飲酒呢個玩意始終都係唔適合我XDDD 同埋我飲完先識得驚會引發我D 敏感~~~哈哈~~~~

Dinner @ 洲際

因為媽媽朋友既2張coupon..令到我同羊可以去洲際既The Steak House Wine Bar & Grill 度食dinner..

之前一早搵定D 資料有o羊好食~ 最後我地叫左 classic caesar ($130), New York Strip 18Oz ($690), Potato Skin ($75) Chocolate Fondant ($120), 當然亦有佢地免費既麵包

D麵包好好味~~ 附上3款home made cheese..除左香草cheese 比較香外﹐另外2款都比較普通~ 麵包之中佢個cheese 薄脆超正~ 但都幾熱氣~~ Caesar Salad 都幾好~ 佢附上既stick bread 又係好好味道﹐因為好濃既cheese 味~~

之後黎既係new york strip..上菜之前先選餐刀﹐佢有差不多10款你揀....不同國家既餐刀﹐原來係關乎重量...我叫waiter 幫我揀﹐佢就揀左最輕個把日本刀比我﹐果然切肉切得輕鬆D...而當我拿住羊個把刀﹐就比較累 XDD

上菜既時候佢地已經幫我地分好左2分~~wow...每人9 oz 都幾大舊~ 而且我地之前食包都開始飽....除左餐刀﹐佢仲會比around 12種芥末醬你揀~ 每種都混合左唔同既味道....除此之外仲有8款海鹽你調味用﹐意思係等你試下唔同既鹽加落D肉度會有唔同既味道變化~不過本身舊肉已經夠味﹐所以都無點試~ 舊肉係 medium rare...中間紅色超正~ 好有鮮味呀~~

而配菜個potato skin反而又普通...

食到呢度﹐我同羊都好飽...但飽一定要食個Chocolate Fondant ...因為好多人都推薦...其實就係心太軟~~ 上菜既時候簡直係shock...有成6吋o甘大...唔係呀嘛....價錢只係$120....有D難以相信o甘相宜既價錢同份量~~~切中間既時候~D朱古力醬開始湧出黎~~好濃既朱古力味呀~~羊超鐘意...突然發揮佢既小宇宙...最後合力征服左半個cake...~

最後埋單係$11XX﹐減左$800 coupon..比$3XX only...真係要超級多謝媽媽個朋友~~不過羊話...如果比$11XX 去食佢都覺得值得...而且我地今次都已經叫多左野...如果唔叫部份仲會平D...

如果你地去食﹐可以先去洲際個HP d/l 左個menu 先~~ 希望大家唔好介意D 相影得麻麻....