送比自己~~~

同埋你地...我最愛的向日葵

週記。。。

死啦~~變左唔係日記係週記添

之前公司突然announce 話24號全世界day off..結果突然有5日長假期...可惜平安夜同聖誕我都無慶祝...雖然話唔會慶祝...但留係家又的確好悶...不過其實係我懶既...有2個同事可以出去我都無約佢地 XDDD 最終只係係家休息同埋陪家人....仲有..就係開始作病lor.. >__<

24號因為day off...所以走左去舊公司搵同事lunch..好開心呀~連太子son 都有出現...仲請左大家lunch..搞到我好唔好意思添呀 >___<

終於鐵定左1月6號搬屋啦....所以下星期都會好忙要收拾...其實唔可以懶啦..因為平時放工係家都已經好累....仲邊願意收拾呀

下星期會得11度...>___< 哎呀~~ 大家記得著多件3 wor...

再過多幾日就到1月啦~等我提提你地我就黎生日啦 XDDDDDDDDDDDDD 唔好扮睇唔到呀~到時同我講句生日快樂啦~

我會儘量多D update 個日記架啦~ i promise ~

^^/

經過5日既番工...暫時感覺良好...同team 既同事好nice..唔同team 既因為暫時好少接觸..所以唔太熟....對於我黎講製衣係新行業...好多野要學...我會繼續努力

今日收到消息星期一全公司day off...不過由於我未過probation...唔知呢5日假期係咪會no pay 呢~ 我無問呀...如果係都無辦法啦

突然間既5日假期...點算好呢~~我諗我會去舊公司探下D同事啦~^^/~ 同埋又陪下家人o甘啦

今日收到小羊的小禮物~多謝晒~

仲有一週奇遇2個

1) 見到有2條女係地鐵..坐係凳...然後鋪左個袋係大脾...之後佢地竟然係車度洗啤牌反“13將” @口@

2) 夾公仔地方見到1男1女...個女係o甘入$$要夾個史迪o古順(其實個款都好普通下)..點知夾極都唔得..仲有一刻跌左去一個連個夾都reach 唔到既地方...個女竟然仲叫男既不停去“唱”$$$要夾...我諗起碼“唱”左$150以上....個女都痴痴地的~

Merry Christmas ~XDDD

累的一天

第一日工作基本上係data entry...好多既data 加上一個應該15' 既mon...放工時候有盲左既感覺.....其實對於呢份工暫時無o羊comment...基本上未認識其他同事...因為佢地忙緊個sample sales 唔係office..

用好多時間係交通上面...好浪費時間呀~~~第一日lunch係大家樂~~遲下應該會開始自己帶lunch lu...

嗯~ 遲下再報告多D喇~~我會繼續努力~

報告

報告報告

新屋裝修已經進入尾聲...預計12月30日搬...家下一見到自己間房D野就開始頭痕...點搞好呢~~

搵工...亦一路有工見...亦有人肯請XDDD 2個月裡面有4間公司請...我諗都算OK吧...可惜我已經懶左喇...完全無意思開始番工...XDDD 點解見工D人會喜歡問有o羊interest...其實我真係無o羊interest wor....唔通同人講我既interest 係訓覺....﹖哈哈~~其實每一次D人問我都好想笑~~

聖誕節大家有o羊安排呢~ 我一D都無呀~~不過唔緊要喇~我一向都好少慶祝聖誕...而且都好少朋友會叫我出去XDDD 其實呢個聖誕應該都要花D時間去收拾屋企

好開心見到朋友們既BB 都健康成長...楠楠喇...軒軒喇...芷睿喇...亦蕎喇...曉彤喇~ 希望將來姐姐個B 都一樣會健康快樂....感受到D朋友做父母真係好辛苦...繼續努力呀

31週的姐姐

今日去左沙田科學園，參加HealthBaby提供既免費講座，Topic係"臍帶血處理及應用講座+實驗室參觀"。因為姐夫要返學，所以由我陪姐姐去，o華哈哈！

聽完講座，參觀完實驗室，姐姐搵sales報名﹐不過因為得太少sales，所以都攪左好耐呀！

之後係沙田會合小羊就去左葵芳...行下商場之後去左食燒味飯~~^^ 辛苦佢了

31週的姐姐~~個肚越來越大呀