時間過得好快

或者要多謝呢份5day 工...令到我覺得一個星期過得好快....

呢個星期係公司明顯比之前悠閑...因為上season 既貨已經走晒...而下一season又未開始~ 不過我預計頂多輕鬆多一個星期又會開始忙lu...不過好開心因為黎緊既星期5係假期~~即係番4日咋

多謝朋友既開解...我希望親呢個機會去訓練下自己既EQ...雖然未必會有進步...但我會努力...其實初初係呢度做...比人調dept 時都已經想走...但努力之下o甘就3個幾月...其實如果我可以放鬆到自己應該會好D吧~~

話時話呢~~仲未有人同我講過唔過到probation XDDD

今日係姐姐個B既雙滿月dinner ar...好開心呀~~~~擒晚睇番佢出世D相...同家陣個樣真係唔同晒~~小妹EE錫晒你~~哈哈~~

長假期開始

原來又一個星期無update 日記

長假期終於開始啦~~擒日一早睇報紙見到話血府既血量只可以維持到7日...睇到呢個消息突然覺得好心寒...所以本來安排左去睇戲...都改變左行程

本來去觀塘業發大廈行開倉~原來已經無晒啦~~~之後行APM~ 其實睇中左對耳環但怕會敏感所以無買~~睇拖鞋又覺得太貴...converse 鞋又睇唔中 >_<~ 之後就出MK 捐血...

一去到~~超多人~~D人塞晒係個office 度...雖然已經搬左上樓上要晒全層...但都逼爆左~~~差不多每一個出lift 既人第一句說話都係...“嘩”~~~~我地填完form拿籌...係133 但係當時只係叫到4X...落去行左半小時左右...上番去叫到6X....坐多半個鐘...叫到7X....由於之後約左哥哥....最後都係放棄唔等 T_T... 將個籌比左隔離個女仔....但我會儘量安排呢個假期去捐一次

今日會番鄉下呀~~姑丈80大壽~~~不過我即日來回~~~

呀~~~7﹕55am..要準備換3啦~~~~ have a nice holiday !!

當開心磅不再開心..

呢個weekend 好充實...但亦好累...

星期六唱K lunch..超開心....之後就去左睇“軍雞”...原來我怕睇暴力片仲多過睇恐怖片...完全唔夠膽睇個D打鬥場面....結果1/3套片我係咪埋左眼無睇...所以我都唔知呢套戲好唔好睇lu...睇完我只係講左句....以後都唔睇暴力片呀﹗﹗

之後去左九龍城食泰國野~~間野唔係出名個幾間...但都幾好wor..而且唔算貴(可能我地多人啦)...

星期日就family day..當然係去見阿B...今日我又學畏奶呀~~yeah...終於成功左......爸爸係鑽石山買左個電子磅....發現以前個磅原來係要加8磅先o岩.....(本來以為加6磅)..o華~~開心磅唔再開心啦....磅完之後簡直以後都唔想食野呀 >_______________<

yeah..終於等到easter la..仲有一個星期就係...其實D節目已經安排得7788 ...super happy!

悶悶不樂

今日係公司有好多既唔開心...結果全日都無黎精神...無o羊mood...

唉....究竟想點呢....我唔鐘意睇人面色....我唔鐘意人地以為我o羊都識...我唔鐘意明明唔應該係我做既野但又比我做....

原來我對呢間公司無o羊好感

星期一過probation..同事話要我請食飯...其實都OK既...不過我從來都無重視過個probation...就算呢間公司話我過唔到...唔知點解我一D都唔會覺得可惜...如果佢話我過左probation..我亦都唔會特別開心....

悶悶不樂中...

忙爆

唔係唔想update...而係工作好忙...係公司根本無時間update 同上ng...有時都只可以同朋友係msn chat下... 番到home 好似打完仗o甘~~超級累

最慘係個背脊因為成日都執samples 而開始痛...其實都係舊患黎架啦....好耐無痛過...不過開始呢份工就一直痛lu....

終於到星期4....期待已久既weekend 又黎啦~~~希望大家都有個 happy weekend la

busy weekend

擒晚番到home 個i-cable 上唔到網...打去問佢話4點幾開始有緊急維修...要大約半夜12點先完成...o甘算啦...一次半次...

點知今朝起身都未用到...9點40分再打電話上去...又係話做緊緊急維修...我話...下..又擒晚緊急到今朝都未整好﹖我問o甘預計around 幾點度完成...個CS同我講話要around 12點先可以回覆我...我即刻同佢講...唔係呀嘛...你要用2個鐘頭先問到答案回覆我呢個問題﹖ 結果佢hold 左我條線一陣...然後話3點左右完成...我同佢講...緊急維修用24小時都未整好﹖﹖你公司對你D工程部都幾無standard 架wor...如果唔緊急個D咪要用一年先得﹖

其實最重要係我打去之前已經問過我阿哥...根本就無人出過去做維修....不過anyway..因為我都出去姐姐度...鬧左幾句就收線....其實我都覺得做CS好慘....我都唔想鬧...只係比我知道根本無人去維修而佢地又不停講大話既時候...我唯有就係鬧大聲D...希望佢真係收左線之後立刻派人去整番~ 哈哈~~v

去左姐姐度~例牌又幫小寶影下相...今日幫姐姐畏奶不過唔係好識XDDD

下午去左Zelda既1歲 mcdondon 生日會~ 哈哈~~好開心英英買左好多波波去...有史迪仔架~~搞到我好興奮XDDD 最後佢仲叫我帶一個番home 添~ 結果我就帶左佢番屋企...等佢漏氣我就會好好收藏佢架啦~~

呢班朋友好多都已經有小朋友...只係用電話影左其中兩個~佢地都好可愛架~~~

cute~~~