.........無標題

一個星期好似過得好快...o甘又星期日...然後會同大家講星期一好累呀.....轉頭就話 happy friday!

都係無o羊特別既一個星期.....原來今日已經係25號...轉眼間又踏入6月....

其實今個星期真係無特別野想寫..................哈哈~~~

- 完 -

XDDDDDDDDDD

oops....

又係週記

o甘又一個星期....係新公司上班已經就黎踏入1個月....由於唔想再有更多既工作...所以我係公司依然努力扮忙.....哈哈~~太邪惡了

星期2有舊同事聚會....知道公司既情況無好轉...依然係面臨$$$$$ 既問題....唉~~~

星期4終於去左睇中醫...食6日藥...不過我相信會keep 住睇~因為醫C 話我身體好弱....

擒日上午就去左大澳......好耐無去過離島所以感覺好開心...仲坐船去左睇海豚....雖然距離好遠但睇到好多條呀...超級興奮...不過大澳呢~~感覺都係普通...可能佢值得睇既野唔多...而且分佈既位置好遠...都無o羊心J 去行....又搵唔到馳名既雞蛋仔 >_<

之後就坐番車去東“沖”...個商場好耐無行過~果然有好多outlet...o甘outlet 當然都係買舊野~~ 不過我覺得D款都唔太適合...而且有D仲好似已經好舊添 (i mean 好dirty 個D舊) ....由於我趕下場...所以只係草草行左一陣就走

之後就約左D舊同學...因為有同學派帖~~好開心遇到一個14年無見既朋友仔~~其實今年同呢班同學剛巧係中學畢業後既10週年...我知道加國既同學會有聚會...唔知我地香港呢度會唔會有人搞呢﹖anyway...恭喜下月結婚既 Henry!!! 其實我地去左食tea buffet..唔知食錯o羊...突然個shoulder 位好嚴重既敏感...成個膊頭位腫起了紅色....我有D懷疑係個tiramisu 既ram酒令我敏感吧

最近港人都好關心西川既地震...我其實由第一日開始已經無睇D新聞...因為我唔夠膽睇...不過係newsgroup 同聽人講都大概知道o羊事...希望佢地努力振作啦~~~

Mother's Day

今年我身邊好多朋友都生左BB...真正過佢地第一年既母親節

我姐姐亦係其中一人....或者佢做左人媽媽...知道當中既辛苦...我開始越來越覺得佢更加錫媽咪...覺得佢成熟左好多~

母親節...一早我就同媽媽爸爸去左姐姐度見小寶~之後就一齊出發去西貢...本來只係佢地三口子慶祝...結果我地都去埋...希望姐夫唔好介意我地呢3個大電燈膽啦~~ 今次食地中海野...不過都係麵包呀~雞呀~ribs ar..個D...但味道都OK~ 之後就去海邊行下同埋影下相...不過小寶95% 時間係睡眠中

行過海鮮酒樓 ...竟然發現食飯要加二....o華....個市真係o甘好o羊﹖D酒樓真係o甘離譜呀~~而且個碼頭超級多人~ wow

去到2點幾我地就走lu...我都開始有D累~XDDDDD

我地仲特登幫小寶係富豪雪糕車前面影相....因為佢大個之後可能已經無呢樣野架啦~

哈~~母親節快樂~~~

不是週記

天氣唔穩定...今日又陽光普照....過兩日又可能落雨....難得下星期一放假...希望可以好好休息下

母親節當然係要陪下媽媽....不過媽媽好開通..唔會需要我地係正日同佢慶祝....end up 到時可能係去飲茶(可能連茶都唔飲去茶餐廳食)...之後應該去姐姐度見下小寶啦

原來擒日係小寶100日生日....恭喜~~^^

有少許敏感既症狀....一陣都係要買支涼茶飲下先得...睇黎呢段時間又要戒下口 唔食熱氣野~ 飲多D湯水

have a nice weekend

= = 週記﹖﹖

星期5...傳聖火~~其實我好想係現場睇~不過要番工...可能唔知有身之年仲有無機會係香港睇到呢樣野...所以我都有著紅衫支持~ 而且老土D講句...生於呢個地方...呢D有意義既事...應該要支持下...

雖然好多人comment 話D選手唔適合....但既然選左都無辦法啦~ o甘人地以坐輪椅方法去支持....何必要o甘多批評呢...話晒人地都叫做北京2008年奧運會申辦委員會顧問...點計都叫做有貢獻個其他人吧~ 塞一日車擠逼一日...都係一日o者....又唔係年年都會係o甘...

anyway...我都會講句....中國加油~香港加油 (中國加油~我係希望佢地努力D舉辦...唔好搞到核核突突...D 英文唔該翻譯好D丫)

最近發現自己好懶去街...可能最近睡眠不足...好多時都6點幾就醒左...搞到個人好“紋”又好累呀

睇完傳聖火...發現人地對呢個社會有多貢獻..o甘我呢....呢排開始覺得要做多少少野.....係之前我終於apply 左每個月用credit card定期捐款比奧比斯...雖然amount 唔大...但叫做係小小心意吧~

而星期六去左捐血~好開心呀~~經過5次既捐血...本來成日偷偷"lei"理既血管...終於都游左上面啦~~今次個哥哥一搵就搵到..插針仲一take OK! (最高記錄係比姑娘抽and 插左3次先得)...而且捐血速度仲好快...哥哥話下次可以試捐大包既血啦~~之前因為好多不同既原因令到對上一次捐血係1年前...我希望有呢一刻開始...我真正可以回復番每4個月捐一次...

希望大家都多D做有意義既事....捐血啦~其實只係痛幾分鐘...但就可以幫到人...或者當你見過你既親人...訓係床上面輸住人地捐出既血...你就會好感激人地既幫忙...

之後行下荃灣...去左新開既“荃新天地”~ 雖然好多鋪頭未開...但對個商場感覺OK...希望佢快D開多D shop...過多幾個月再去過
yeah!