又係懶人

原來懶人無update 個blog..hahah

上星期去左眼女既生日party..好開心~~而且楠楠仲肯比我抱添~~可惜D相影得唔好....所以我唔買大相機都係正確既....

收到個msg...原來舊公司個同事last day la...約左唱K....當然要去啦~~不過去既人有一半已經係“舊同事”...其餘既已經係新人~~哈哈~~

嗯~~下星期游船河.........不過今日睇下天氣報告....o華~~好似會落雨....仲諗住親天氣仲熱去多一次晒太陽添....可惜可惜

懶人今晚去食中秋節團年飯啦~~好似早左D...不過之後姐姐都好忙...又要陪阿B 去呢度上堂...又去唔知邊度上領洗班....ar....阿B 只係7個月大咋....辛苦晒佢阿爸阿媽啦~~~

踏入9月.....感覺好快2008年就會過.....應該係時候花D時間...為自己既一切好好去思考一下....

又颱風

又打風...突然多出黎既一日假期其實令我更無聊...因為無地方去....整日要逗留係家既心情真係麻麻...又無好既電影睇.....或者最有機會都係同阿哥去飲茶吧~~

講下講下就已經8月22號....好快就踏入9月啦~~通常一到中秋就會覺得D時間過得超快~ 我個契女都就快1歲生日啦~~好開心呀~~

奧運就黎完結了~~之後會否突然有D失落呢~~因為奧運大家都變得好興奮...好多話題...而我坐係廳睇電視既時間亦多左~~XDDDD 哈哈~~

悶的8號風球...

繼續奧運狂熱

繼續留守係電視旁邊睇奧運~~ 完全係唔想出街........之前從無諗過要睇~~當開始既時候就開始著迷....開始諗點解無諗過去北京睇呢>_< anyway...中國繼續努力...可惜睇既中國女排都輸左~~老土D 講句...我係咪黑親佢呢XDD

結果星期六唔水番工~~都係睇電視...睇番之前既比賽 ...然後訓下午覺~~好爽呀

熱~~~原來呢個星期都好好太陽~~好開心姐姐話聽日帶小寶黎下水禮~~佢已經開始學企啦~~最近仲會開始認人~~~由之前佢仲係一pat 野到家下 ....時間真係過得好快呀....就算眼見 Clovis 既仔仔同眼仔既女女...都見到佢地越黎越大個....真係好佩服佢地因為我知道養育一個小朋友真係唔簡單

8月啦 .....時間過得好快呀~~~~~~~~~~~~~~~~~~~~~~~~~~~

瘋狂奧運迷熱

估唔到我都奧運既熱沖程度竟然比想像中高.....星期六....估唔到係我眼訓到發癲既時候...竟然選擇對住個電視不停睇奧運都唔走去訓...好開心睇左男子體操團體賽~~ 之後夜晚去左TST 同事既飲讌...地點係朗廷酒店~~wow...簡直係正...個場地好令....D野食亦超級好味道...我相信呢間野...如果家下訂...我諗起碼要1萬蚊一圍~~

星期日都係奧運日....不停不停不停睇電視~~跳水都好好睇呀~~就算其他偏門既我都有睇~因為都想學下D體育知識~~

下午時間睇番d/l 左既開幕禮....講真我真係唔多識得欣賞...美感係有...D場面真係好令....可惜對我黎講好悶~~我都係喜歡比較熱鬧同興奮既表演......但不得不讚係D 表演者~~真係好合拍...2008個人既表演完全好齊整....

努力~~~香港努力~~~中國努力~~其他隊努力

有喜有悲....旺角大火~~睇到電視2個消房員昏迷...影住佢地D同事幫佢地急救....送上救護車既時候D同僚不停叫個名....個一刻個心真係拿住拿住....之後報導話佢地走左...............好sad...之後又影到D 消防員係天台痛哭...我知道呢D救人英雄失去左同伴真係好難受...多謝晒你地....

8號風球既update...

上個 weekend 太懶無update 日記...今日8號風球放假一定要update 番先

去左睇農夫演唱會~~實在太正啦~~~簡直無冷場....希望佢地可以再開開開演唱會~~我到時一定會再去睇~~

病左~~不過已經安復中~~我覺得今次病既原因係因為開左2晚冷氣訓...事源我部冷氣滴水...阿爸要我開黎訓check 下係咪真係滴....由於我一向唔太受得冷氣...所以so far都係開風扇訓.....連續訓完2晚冷氣房之後就開始鼻敏感加傷風....XDDD

講番8號風球....突然其來既假期都幾唔知做o羊好....又無人住附近搵睇戲...結果成日都係家唔知做o羊好~~最開心係訓左3個hour 下午覺~~ 亦睇左n o甘多次新聞報導.... 悶XDD

8月破費月~~要剪頭髮要做facial要去飲...................下個月仲破費...要交insurance 要去飲....

係wor...未開始去搞買醫療保險D 野添.............唉...........好煩呀....錢....果然係駛得容易搵得難...