試食 - 8 紅蔥頭

發現最近用左好多錢...所以星期4既晚餐選擇左唔太貴既...去到朗豪坊就諗起一間之前有留意過既食肆...決定去試下

原來呢間野叫紅蔥頭 ...

夜晚有好多set 選擇...有比較平既 (around $5X - 7x 連飲品)~ 又或者貴D...around 百幾蚊既set..

最後揀左食煙肉忌廉意粉 ($5X) 同牛柳紅飯 ($6X)...

煙肉忌廉意粉...normal la..個汁好"hey" ..後來加D 芝士粉之後, 個汁傑番D 好食左好多~佢個意粉係一般茶餐廳類好粗個D 意粉..感覺唔太好

牛柳紅飯...個牛柳好林好好食...但佢個紅飯非常唔得...煮得好爛...而且感覺似茄汁飯多過似紅飯..

見到隔離臺食炸薯角...賣相好吸引~不過最近好熱氣...都係唔食了...再望下另一邊...隔離食緊扒..初時見到好似好乾..但後來切開左紅紅地色又好似幾吸引

哈哈~~唔知仲會唔會去食第二次了

http://www.openrice.com/restaurant/sr2.htm?shopid=23466

朋友聚會~~~

擒晚放工就去左4條女的同學聚會...哈哈...試了一間叫applegreen ...嗯~~唔太好食... 我覺得大家不用去試

由於2個朋友已經結婚...另一個朋友亦係5月結婚... 結果話題都係圍繞結婚喇~~新婚生活喇~~生BB 喇~~ 對於我黎講...好似無o羊野可以講XDD

不過都好開心~ 由7點半食到10點先走~~

期待下一個聚會^^

澳門行

星期六﹐日去左澳門~好開心呀~ 雖然真係有D累...

之前一早search 定資料...雖然唔係試食左好多野...但都已經非常興奮

最興奮都應該係賭錢...係酒店有得玩電子既“大細” (即係無人搖骰個D)...本金係$50... 後來贏左$50...諗住反埋最後一鋪就走...見佢有一個寫住圍骰, 然後有1-6既骰圖案..我唔係太知道係o羊...諗住最後一鋪就買$5...點知開左3個 5.........wow...贏左呀~~結果win 左$250..即刻走人

哈哈

呢個旅程影左好多相~~澳門D景真係好令呀~~~我諗我會好懶post 相架喇

yeah...期待下一個旅行~~

努力

擒日係我既朋友堆中有唔開心既事發生... 雖然無人好details o甘話我聽...但我其實都估到D...

我都希望佢地會努力~ 而我既朋友仔唔好唔開心了... 如果要支持人既話...自己點可以係愁眉苦臉既一個﹖﹖

^^

乖~~~

試食 - 7 八王子拉麵館

又到星期二~ 又同媽媽出去食飯~~今次同媽媽又繼續試佢鐘意食既拉麵~

地點又係佐敦...叫八王子拉麵館

http://www.openrice.com/restaurant/sr2.htm?shopid=25802

我同媽媽都叫左新宿(紫菜)拉麵...同埋一個炸餃子~ 由於我好怕食好硬既麵...所以一早同Waiter 講麻煩佢煮淋D

湯係豬骨湯~~ 好好味~我差唔多飲左4份3碗...而之後亦唔見口渴....個麵無鹼水味...對我黎講係好OK....有兩塊肉...無o羊特別...仲有半pcs 蛋~~個蛋黃仲流緊的~~媽媽話好正~不過我唔識喇

而炸餃子都OK 喇~~又唔係好特出但都可以一試^^

如果以呢間同之前係一平安食....我會選擇呢間喇~~起碼呢間既拉麵我會覺得o岩我口味同無鹼水味....而且價錢都比較平..拉麵$4X...唔加一 (上次個間要$6X)...當然每個人既口味唔同喇

不過呢間野無飯食架~~ 只有拉麵同D 小食

去圖~~

生日dinner..

擒日去左Outback 預祝2個壽星仔既生日....好開心呀

因為唔係我點菜~我都唔知D 菜名....有Cheese fries...一個牛扒(配菜係雞飯同薯蓉)...一個burger...一個甜品....好滿足呀~~

個牛扒好好食呀~~好新鮮好有肉味...個包都係~~

最後waiter 仲幫我地係個dessert 度點蠟燭...haha...仲以極速唱生日歌添~~哈哈~~

最驚人既發現係...我有一張10% off vip 卡...一張$50 coupon...我初時諗住只可以用一樣~~ 佢竟然比我地用完張coupon 之後再比多10% off 我地... 仲有佢又free 埋個dessert 添~ 最後$4XX 埋單~ 超級抵呀 (即係total 應該平左around $150 呀)~~~

Outback 係一間我覺得幾好既餐廳...大家有機會都去試下喇^^ 不過去之前大家記得上網申請佢個免費vip 卡呀~~

試食 - 6 珠圓玉潤

我家附近(即佐敦道)有好多食肆...但我覺得無一間特別出眾....偶然之下係openrice 發現呢間叫珠圓玉潤既商店...主打係豬膶麵同無骨海南雞飯...由於兩老都鐘意食呢兩樣野~當然要去試下喇

http://www.openrice.com/restaurant/sr2.htm?shopid=26142

叫豬膶麵同無骨海南雞飯...咖哩魚柳飯...仲有豬扒包

豬膶麵 ($21) - 媽媽同爸爸都話豬膶好新鮮..我覺得個湯好鮮甜

無骨海南雞飯 ($32) - 個飯超好味道呀~~個雞都OK不過“鞋”左DD...

咖哩魚柳飯 ($30) - 呢個係超級好味...我超級鐘意~椰香味好香既咖哩...辣味適中...個魚係炸既...好香口..而且魚肉好滑

豬扒包 ($14) - 個包唔夠脆...但個豬扒好好食

如果D食物加飲品係要加$$架~~好似要加$6以上..我地無叫...最後食完先發現佢無比水我地...(定佢其實唔會比架呢~~) 希望佢將來可以比杯水人地喇

同埋佢家下個餐牌唔多野...但原來你想食粉麵佢都可以炒比你架~~

絕對會再去幫親呀~^^~ 下次要試下D炒粉麵先得

>_<

驗身報告.......終於出左喇

唉>_____< 大致OK 但都係有野要follow...

開左利是了~~大豐收~~比左d 比媽媽~~~

努力save money!!

我的16件事...

facebook 之前盛行既16件事...決定係呢度寫比大家睇...等大家了解下我

1) 我最鐘意食既野有﹕芝士..薯條..薯片..燒賣...日本野.....

2) 我唔係街食菜...唔好問我或者夾比我喇 >___<

3) 我其實係一個好多意見又好大脾氣既人...

4) 揀朋友好睇眼緣....容易同男仔做朋友多D.......好少埋女仔堆...覺得自己直頭唔係好識得同女仔朋友溝通....近年發現自己如果對住一班新朋友既時候..我會選擇唔出聲...

5) 我唔好名牌的..其中一個原因係我唔捨得使錢...就算買左都唔捨得用...如果你送野比我...LV 同 puma 揀我會揀puma...LV 同薯片揀我會揀薯片....puma 同薯片揀...我兩樣都要 XDD~~

6) 我唔記仇... 唔開心既野通常訓醒就無事....所以如果我真係討厭一樣野多過兩日就代表我真係好鬼討厭

7) 我EQ 好低...尤其有關感情既事....

8) 我做任何野都好睇心情...所以亦好容易改變決定...阿媽同家姐曾經講...話好驚我將來結婚個日...簽紙個刻先話唔嫁XDD

9) 我好錫我屋企人....佢地永遠都係第一位...

10) 成日比人寸我忙...但其實係因為我會放好多時間陪兩老而選擇唔出街...星期二/三唔好約我...如果可以的話我會選擇唔出...星期二阿爸番大陸我會要陪阿媽食...星期三阿爸番黎我會想同佢食唔想兩日都見唔到佢....如果之前個日出左街...通常之後個日都會番屋企食....weekend 其中有一日會要陪家人...

11) 我唔懶訓....但我鐘意卷被...無論睇電視定用電腦...無論夏天定冬天...係屋企我都會攬住張毛巾被...

12) 最近既目標係希望每年都陪兩老去一次旅旅旅....行

13) 中學時期已經鐘意睇朋友打波或者踢波...直到家下都係.....但我從來都唔識/明個種運動既rules ~XD 到家下我仲未明o羊係越位

14) 我好鐘意同BB玩....但....未必等於我一定會生小朋友....

15) 同平常女仔一樣~心目中既白馬皇子係6“高...有型風趣令仔愛運動...不過人老左就發現原來呢D人都係遠觀欣賞好D..人無十全十美....一個錫自己既人比起呢D表明野更加重要...

16) 好憎人遲到....係超級非常憎...尤其個D 明知遲到都唔主動打電話比人個D

試食 - 5 堤岸越南餐廳

今次揀試呢度係因為近屋企~方便媽媽打完牌會合我一齊dinner...其實之前已經經過好多次~但佢個鋪頭細細又好似有D舊...所以從來都無入去...後來發現原來openrice 既comment 都幾好~ 就去try 下喇....地點係佐敦呀~~

http://www.openrice.com/restaurant/sr2.htm?shopid=18535

結果叫左生牛肉湯檬...我就例牌食雞翼撈檬...然後再加左個春卷~~呢度加埋$8X 蚊

媽媽可能太肚餓喇~~佢話個粉好似好細個o甘...但話都唔錯~~ 我個撈檬都好正...但個雞翼我就覺得normal...即係我會覺得個粉好食過d雞翼好多...但已經比我去TST 個間出名既好食得多(唔記得叫o羊lu)...而且價錢亦好平...媽媽仲話個春卷好食.....哈哈

佢個menu 仲有好多其他野食...

呢間野未必係最好食既越南野~~但價錢適中...我覺得將來都會再去架...擒晚唔記得帶相J...唯有用電話影喇~~

厲害的哥哥

恭喜阿哥....佢挑戰成功完成賽事~

8點出發既全馬...佢係11點40分到達西隧...然後係12點40分到維園...

其實係開跑既時候佢經過我屋企附近...我已經落去睇..但由於開跑既時候實在太多人擁埋一堆...結果見唔到阿哥...

跟住其實一直都擔心阿哥跑唔跑晒~又唔知佢中途會唔會已經比車接走左...到around 11點左右..都決定同媽媽落去西隧試下等阿哥...支持下~~我估計以哥哥既體能...應該4個半hour左右完成...應該大約11點半左右到西隧.........企係西隧又係度講如果哥哥真係跑唔到呢度...唔好同佢講我地落過去等佢...結果11點半左右...突然接到電話...好驚~~哥哥打黎...仲以為佢話佢跑唔晒....原來佢諗住話我地聽佢跑到奧運站附近...叫我地係home 望下...個一刻當然話佢聽其實我地係西隧呢~ 佢見到我地個樣好開心呀~~果然見到有人支持係加添動力既

最後11點40分見到哥哥~~我影左video..但我太興奮喇~~完全係充滿我既尖叫聲XDDD

見到哥哥狀態非常OK~ 我同媽媽講佢應該無問題喇~~突然就決定去維園睇佢衝線...即刻飛去坐地鐵...CWB 好多人呀~~好辛苦先逼到入去...又怕哥哥已經過左finish line..後來安置好媽媽之後...我就上左一個看臺..準備好相機...點知就突然見到阿哥 = = 手忙腳亂之下影到2秒video就cut 左...影唔到佢衝線~~但我同媽媽都好興奮呀~~哈哈~~哥哥當然又估唔到我地會去睇佢喇

原來佢話跑西隧同埋之後個段路係最辛苦架~~我真係好proud of 我阿哥架^^ 佢比上年快左40分鐘左右呢~~

嗯嗯~~其實我真係好錫呢個阿哥架^^

你們都是英雄

今日係渣打馬拉松...

對一個好唔鐘意跑步既人黎講... 你地每一個都係英雄...尤其係跑半/全馬拉松既人~~上年我都係親眼望到呢一堆既人群...然後同自己講...希望2008年可以試下練跑...2009年try 下10KM 既賽事...結果...我無做到...就算你話有D跑10KM既人只係去影下相去o喜哈下...我連呢個資格都無...或者我其實我係一個好懶散既人

今年....亦係望住呢一班勇士....當中既亦會包括挑戰自己跑全馬既阿哥同大表哥....我話佢地挑戰自己係因為佢地都無信心...但亦努力段練勇於嘗試...希望佢地會成功

其實跑步我真係唔喜歡...或者比我選擇我會選打羽毛球...2009年希望做多D運動~約到安排到打羽毛球...但大家唔可以嫌我打得差架~~!!

好耐無update...

果然係好耐無update...下星期會密番D 架喇~~

唔知點解呢個星期好似過得好快...可能大家仲係holiday mood la..尤其係繼續收利是...今年係第一年收vendor 利是...好開心呀...又可能朋友們都未忙~大家都好得閑陪我msn / ng ar~~~

估唔到有公司今日先開工~~好遲呀~~

聽日番舊公司見D舊同事~~超開心^^

其實呢個星期都無o羊特別事做過....都係番工放工...番home dinner...

哈哈~~媽媽永遠都錫自己D仔女...話說今年犯太歲...睇電視話要帶馬既野~~我話...o甘要買喇~媽媽仲話我迷信...點知星期3佢比左條馬既電話繩我...哈哈~~搞笑~~

嗯~~呢排經濟唔好呀~~都係唔好用太多了~~ 希望圓面唔好係裁員潮既受害者喇~^^ 我都要努力做好呢份工先得

遲D要學oracle 喇~~超開心~~到時會忙左好多...因為我地負責多左野>_< 不過有野學最重要

Oh...No........

Oh No..........一年9日既假期終於完結喇~~可能我每一日都有活動安排左...所以呢9日過得特別快....有D想做既野都無時間去做 (包括去見楠楠同去“阿媽”度拜年....)

多謝小遠既關心...問候我肩膀既情況...已經無之前o甘痛喇~~

恭喜木同英英~~添左一個女女...^^