試食 - 14 The Taiyaki Crispy Hot Sandwich

之前上openrice 搵野食既時候見過呢間shop 既 comment..擒日再去CWB 既時候突然諗起~就即刻去試喇...地點係時代廣場出面..好容易搵架咋

http://www.openrice.com/restaurant/sr2.htm?shopid=25870

呢間鋪頭埋既只有鯛魚燒...價錢其實唔平...$15 一個 或者$40 / 3個.. 不過我覺得如果食晒3個都夠飽架~~因為佢好多涵架

最後選擇左以下口味...

French: cinnamon + apple + custard - 新鮮出爐...食既時候仲燙親條俐...不過就係因為新鮮熱辣...所以超級好味道...味道清甜...D custard 好好味

German (唔記得影相): sausage + onion + bacon - 咬落去好似食緊pizza o甘~~好味

Italian: cheese + onion + tomato + sausage - 真係有條腸係裡面...3個裡面我覺得呢個最普通...

如果大家有機會食~~記得買完就食喇~~ ^^

亂晒籠的小妹

唔知主要原因係o羊....擒日係公司做野亂晒籠~ 不停做錯野

我唔覺意delete 左system 上既一張PO...我自己唔可以整番...要等美國同事搞

好唔開心~~呀

個一刻真係好想喊...唔係因為做錯野想喊...而係個人亂晒籠所以想喊

>_<

病

病的確係會影響一個人既心情

好記得前幾年皮膚敏感既時候...食藥又唔好...好似食o羊都會令到自己敏感o甘...做o羊都無用....心情好差...有時真係好想發脾氣

最近我又有呢個感覺....因為我既頭暈已經個幾星期都未好...雖然已經比之前好左...但有時都仲係晃晃下....食中藥可能需要長D 時間吧

努力小妹...唔好因為o甘而影響情緒 (雖然已經影響左)

試食 - 13 森美餐廳

因為好耐無去荃灣~所以特登上網搵下D 餐廳...荃灣一向都比較多食麵線既餐廳...但最後決定去呢間叫森美餐廳 ~ 好彩book 左位...原來好full 的 ...walk in 未必有位

叫左一個$148既餐~ 再加左個煙肉局薯角 同雞翼芝士腸

$148 包含﹕
1) 局蘇皮海鮮湯...個湯normal..但裡面好多料架
2) 蘇皮田螺...好特別幾好食
3) 鵝肝牛柳...牛柳好大份量呀~~而且都幾生...好淋...如果加少少鹽or 芥末會好D...鵝肝唔係入口即溶...但如果以$148 既價錢都算OK
4) 凍芝士餅...簡直係冰左既餅...無芝士味...得甜味
5) 餐飲

另外叫既﹕
煙肉局薯角 - 好普通...無o羊味~~下次可以唔食
雞翼芝士腸 - 雞翼炸得幾好..芝士腸都唔錯

最後埋單$208...其實個$148 餐已經好夠2個人食...其實我地可以食少個小食的~~ 雖然呢間野未算係最好食...但荃灣黎講.....我覺得如果食悶左其他野...可以try 下的

http://www.openrice.com/restaurant/sr2.htm?shopid=16016

試食 - 12 華苑潮州餐廳

今次係我第一次黎呢個地方...但我家人其實已經黎過幾次...地點係尖沙嘴...食既係潮州野

叫左﹕

蠔仔粥 - 個粥好味好鮮甜...不過我食到蠔仔有沙~ 我諗方魚肉碎粥仲好食

甜酸麵 - 個麵炸過~然後再自己加糖加醋...炸得好油...o甘食法~~我唔識得欣賞XDD

戶頭洛 - 炸既~~好香口~不過咸左少少~但我好鐘意...可能我一向鐘意o甘羊食戶頭

炸蝦棗 - 又係炸既~~彈牙...但我覺得唔一定要食

滷水鵝片 ( 原來唔記得影相) - 好味...唔識得講...但我覺得好好味

其實食潮州野一向我都覺得唔平...所以好少去...而呢度我覺得一般喇~~如果我自己的話又未必再去了


http://www.openrice.com/restaurant/sr2.htm?shopid=10692

中醫

中醫治療中....要飲7日藥...不過呢個EC d 藥好好飲架~ 好似咖啡o甘

問同事...原來睇中醫都可以claim $$$...佢叫我下次比張單佢幫我試下~ 係就好啦~上次都睇左$420...

最近真係好似買左好多野...鞋喇~衫喇....唔知點解一個HSBC 令我改變左少少...

HSBC 的確令我無左D $$....以前死儲爛儲唔買野....點知一個唔該用都未用就無左喇....所以經過呢件事...我發現我開始買野既時候諗少左...真係鐘意既就買比自己...唔會好似之前o甘左諗右諗...當然唔會過份地買喇...的確係...用左既$$ 先係自己既$$

其實HSBC 無令我唔開心...反而係幫左我

不過我以後都唔會再買股票了~~

試食 - 11 峇里餐廳

今次係試食3人行...同媽媽食野其實都幾好~因為佢都好肯試新野....所以帶左媽媽去呢間位於佐敦既峇里餐廳~ 即係食印尼野

http://www.openrice.com/restaurant/sr2.htm?shopid=101

即係我諗睇完 openrice D 人都係會食個幾款野~~我地都唔例外

1) 黃薑飯 - 好得意...佢有好多唔同既“送”...撈埋黎食都幾好食...本身個飯都有D味的~

2) 巴東牛肉 - 媽媽話好咸...食落其實D肉好嫩~ 呢個送~“送”飯一流

3) 栗米餅 - 栗米甜...佢裡面係粉黎架~~煙煙un un軟淋淋咁~都OK既~ 但又未係一定要食既野

4) 雞翼 - 好有蜜糖味既雞翼

5) 串燒 - OK~ 其實我唔知點先叫好味

最後總結﹕D 野比較濃味...如果食開清淡的人可能唔太適合...不過我覺得試下都幾好丫~ 另有人生日...餐廳竟然用hifi 播放生日歌~~哈哈~~幾搞野bor..

埋單$300...其實我地叫多左....如果唔叫巴東牛肉應該$220 可以了

我家小寶

小寶已經13個月大喇~~ 明顯高左好多~~發完燒瘦左但最近又重番少少

佢係一個比較怕事同慢熱既小朋友...所以學野比一般小朋友慢...最近呢個星期先學識自己行幾步...說話未係識得講太多.... 但會識得用尖叫聲投訴你食野無佢份 (當然投訴完佢都只會有自己D餅餅食XD)~ 亦識得投訴你抱住佢唔行...

最重要係頭髮長左~~終於可以扎辮仔喇~~

而佢對我始終都係比較冷淡~~唔會肯比我抱...不過唔緊要喇~~將來佢大個D總會識得痴住我呢個EE 反~~

呢個星期都無機會同佢影相~~呢張係偷姐姐的~~

試食 - 10 甘味讚岐手打烏冬

因為好耐無去過APM~ 所以擒日放工決定去行下~~選擇左係甘味讚岐手打烏冬食dinner...當然佢既主打係烏冬

最後選擇左

1) 無骨雞翼烏冬 - 個烏冬好滑...不過如果佢以烏冬為買點的話...佢個烏冬係彈牙...但偏向整得比較硬...而佢個炸無骨雞翼...好多毛 = =" 而且無味的...不過佢個湯好正...我飲左好多

2) 軟骨餃子 - 正常味道~ 都OK的

3) 炸軟殼蟹 - 炸粉一般~ 好油...而且都係無味的

4) 芝士年糕 - 超正~~年糕好彈牙~~芝士夠野味

5) 咖哩炸薯餅 - 又係唔錯...不過唔夠咖哩味的...但個薯餅炸得好脆口...

總價錢係 $158...

總結係....唔會再去食XDD

有情緒的一週

今個星期一公司開始用偶然Oracle... 亦令我呢幾日好唔開心好有情緒

說oracle 可以簡化工作...但原來只係美國個邊....簡化的方法原來就係將D野shift 晒黎香港做...最搞笑係佢行oracle 亦之余要保留以前既做法....即係變相舊既方法照行...而我地亦要接手佢地shift過黎既野...然後已經做少好多野既美國同事... 亦厚面皮地要求我地去為佢地做更多既report...目的係令佢地既工作更容易

呢樣野真係令我好煩嘈...佢地並唔明白我地因為o甘做多左起碼2倍既野~~然後做report 亦係好花時間...搞到本來6點可以放工既我...呢個星期都6點9先走~~我阿姐當然係更夜喇

我真係好勞嘈~~番工根本少左好多時間上newsgroup...T_T 唉~~如果想chat 睇黎都係msn 會方便D..

試食 - 9 伊呂波

3月2號係我好朋友既生日...所以擒日同佢去左伊呂波慶祝...因為知道夜晚會比較貴...所以就改左去食set lunch~ 其實地方唔大~~所以一定要訂位呀~

個度既lunch set 有$85 - under $200...肉類的話可以加$20 加大份量...除左燒肉餐之外仲可以揀燒魚餐同魚生餐架

我選擇左比較平既$85 餐...覺得足夠所以無加大...其實佢個餐已經有好多野~有炸tempura..有飯有前菜有幾小片既魚生...仲有蒸旦同埋雪糕...白飯原來可以refill 的...我朋友選擇左比較貴既牛肉餐...quality係比較好但個餐就無跟o甘多野~~ (相中有魚生個個就係我個餐喇)

肉果然係好味道...好juicy...但其他配菜就普通...不過算啦~人地出名係賣燒肉嘛

食左1個鐘就食完喇~~D人就立刻收晒我地D野...未出聲就已經要我地埋單了~~仲講到出口話因為要番張檯...原來外邊等左好多人...雖然我地都諗住走...但都唔可以o甘架...

openrice 既website:

http://www.openrice.com/restaurant/sr2.htm?shopid=22350