開心的camping

星期六﹐日去左貝澳租屋渡假...夾埋11個人~~雖然落雨但我地親好細雨既時候即刻BBQ...結果順利完成^^ 我食左超多既芝士丸~ 起碼有8-9 粒 ~ 正呀

之後反uno...因為D 撕殺份子唔係我附近~ 所以都只係輸左一次飲酒...最後由羊生代勞^^/

回程時有少少累...可能因為之前個晚太夜訓了^^

明天又上班......................O~~

又一個星期

因為今個星期番4日工...所以係公司好忙...只可以同朋友係msn 閑聊...都唔得閑上newsgroup chat...um...點解可以msn又唔可以去ng...只係因為msn會閃...o甘我就一定會即刻睇同re...如果newsgroup 的話...一路做野就好容易忘記左上去check post lor

擒日條頸又痛....本身已經係舊患...唔知係咪關個pillow 事呢... 其實唔係話唔睇....不過上次睇一睇用左好多錢...最近好多$$ 要用...無$$ 睇醫生呀~~因為係舊患..如果用公司醫療唔知有無得claim呢

多謝劉生既手信..係我request 既古力....聽聞唔係度度都有...感謝感謝~~

多謝羊生既軟殼蟹時片...幾好食...可以再食...不過$8.X 好貴...

擒日係同安迪, 敏大人, 阿枝同羊既聚會...仲有緣見到阿枝既男朋友^^~ 反猜猜畫畫好開心呀~原來我D 畫畫技術真係好差XDDD 好好好開心既聚會^^

weekend...邊度都唔想去~~只想休息休息..

試食 - 18 上海一品香菜館

因為想去觀塘既adidas 同nike 開倉...所以上openrice 睇下有o羊好食...結果見到呢間上海店 ...比D 食評(其實係人地既相吸引住)~ 所以就決定去試下...

呢間食店係觀塘廣場~ 因為之前睇左資料...去到已經大概決定左食o羊

1) 擔擔麵 - 呢個係有肉碎version...初時食...覺得唔夠花生味...感覺不太好~~後來再食...先知道原來頭先係自己未撈混個湯...個湯即刻覺得好濃好野味...少少辣~~正正~~ 個麵唔識得講...因為我向來唔鐘意食麵...所以都唔識得話好唔好食

2) 小籠包 ($29 / 10pcs) - 好大隻..咬落去好多汁...有2次我食到D汁 bi 左出黎...裡面既肉都好有味唔“鞋”...個皮係傳統個皮少少厚個隻...我覺得唔可以o甘唔公平同鼎泰豐個D黎比較.......可能我一向都認為小籠包唔一定係皮薄先好食~ 我覺得好味~

3) 鍋貼 ($2X / 5pcs) 其實個含應該同小籠包一樣...不過佢係煎既....佢煎到個皮好脆....但唔乾...要落去有汁~~加D辣醬完全係另一個食法... 個皮又係少少厚個隻... 我反而鐘意

最後埋單$7X...唔水加一....連茶(佢真係比壺茶你架) 都唔水加錢~ 呢間野我絕對會再黎....

隔離臺有人叫麵...原來可以轉粗麵... 令我回想起以前細個...成日都會食上海鋪既排骨粗麵...到大個左...去到某D上海店叫排骨麵既時候...佢係唔比你轉粗麵的....嗯~~下次會再黎...一定叫番個排骨粗麵懷緬下

http://www.openrice.com/restaurant/sr2.htm?shopid=3121

P.S. 結果...adidas 裝修...nike 剛巧呢2日休息....=0=

試食 - 17 味‧壽司 Aji Sushi

肚餓....要食飯....週圍睇下有o羊好食...由於鎖定唔食粉麵同茶餐廳...見到放係鋪出面既相都算吸引...所以就決定食呢間日本野...

http://www.openrice.com/restaurant/sr2.htm?shopid=17123

可能早喇 (都12點幾)...無o羊人...點左﹕

1) 海膽碎吞拿魚飯 $5X- 海膽碎吞拿魚好新鮮~ 而且好鮮甜...唔錯唔錯

2) 滑旦豬扒飯$3X - 賣相好正~~個豬扒既炸粉幾好~~不過豬扒都係乾左D....D飯好“爛”...而且個source 無味...um..唔太好味

BTW...因為係set lunch..所以有一碟細細既蟹柳沙律...唔錯wor...

雖然佢店舖細細但佢係有迴轉壽司...見佢既3文魚壽司$10 (要加一)...但有3舊...個look 都幾新鮮... 不過我諗都係未必會再去~~

是日加一後共 $97

大陸拜山記

一年一度番鄉下既大日子...基本上如果無o羊特別原因我都會去...因為都係一年一次見下所有親戚

星期日8點就坐車去中港城...食個mcdondon 早餐就9點半準時開船...我既鄉下係珠海...所以船程只係1個 hr 15mins..同媽媽傾下計好快就到

到步後我地就自己坐taxi 去...去到要行好長既樓梯...上到去D親戚都已經到晒而且準備好...所以都即刻可以埋位拜....拜完就去食lunch...lunch 完就去左個商場行...wow..好大架~~好多品牌野...有adidas / nike / puma etc etc...有D款香港係無架...但由於人民幣高企...所以計落都唔平...最後無買任何野

行完表姐就車我去碼頭...因為我坐5點船番香港先...而兩老就例牌住一晚...同D親戚打下牌o甘

好開心見到姑媽姑丈...^^

今次番大陸大破費...因為比左$$比姑媽姑丈同二伯 買野食...不過見到佢地開心就好啦

番到香港之後累到痴線...可能好少行樓梯喇我XDDDD 老了~~~~~~~

馬灣半日遊

復活節假期開始喇~~ 擒日family trip去左馬灣

首先係葵芳集合然後食lunch...之後就坐巴士去~~ 去到小寶竟然訓左... o甘我地D大人唯有行下影下相喇~~後來去到沙灘就叫醒小寶順便幫佢換片

今次係小寶第二次去沙灘...見佢初時踩落D 沙度有D驚~之後就無野了~~小寶仲難得比係抱左一陣...影左張好開心既相添呀~~

再之後就行去馬灣公園~~放佢落地行見到佢行好似醉酒婆o甘~~真係仲擔心過佢呀~~因為帶左BB車..所以我地都無行入去個公園...只係係附近影相...好多人影結婚相呀~~小寶仲眼定定望住人添呀

其實我累到痴線XD...D 相影得普通喇~因為太暗...不過真係好開心既一日^^

P.S. 小寶真係好高呀~~~

試食 - 16 星期二薄餅皇 King Pizza Tuesday

去沙田行街 ...因為要幫媽媽去ikea 買野...所以就係附近村屋食pizza...之前睇openrice D人話個間野D態度好差..即係唔鐘意真係會唔做你生意個D......其實我都有D驚...

http://www.openrice.com/restaurant/sr2.htm?shopid=18173

間鋪好細架咋~~平時我諗佢會可以開檯係鋪出面食....但可能個日好多人去拜山...所以出面唔方便開檯.....好彩個日lucky 唔水等就有

叫左一個$24 and $40 lunch set~ total 2件pizza + 意粉 + 2罐飲品

Pizza 因為係跟餐所以係指定既款式...好似係雞肉~菠蘿等~~個賣相好正呀~~無pizza hut pizza o甘漏...熱辣辣好野味...

意粉都OK~ 我地揀左白汁芝華力腸意粉~~不過D 白汁唔夠滑...

睇落好似好少野但食完都幾飽肚下~~沙田其實有好多食店但唔知點解去親都諗唔到食o羊...可能我個人比較麻煩...唔好食又一定唔會再去~~太貴又唔去....所以呢間對我黎講都幾好啦~~價錢適中...^^ 不過都要有pizza mood 先會再去食

一週回顧

可能係工作上忙左...一個星期總係好快地過...最近覺得自己既精神狀況並唔集中...係做野上出現左好懶散既感覺(唔知2個阿姐feel 唔feel 到呢)~~ 我都話自己亂晒籠架喇~究竟係o羊事令我o甘呢~

今個星期有一個好消息一個唔好既消息

1) 終於可以捐番血喇~~~當然係因為之前唔可以捐先會有今日既“可以捐番喇”....details唔講喇...不過我真係好好好好開心呀

2) 公司好大機會5月/6月會搬....暫時係觀塘~九龍灣同尖沙嘴既鬥爭....唉~~對於我黎講只要係TST 以外既地方都係唔好架喇....尖沙嘴尖沙嘴尖沙嘴尖沙嘴尖沙嘴尖沙嘴~ (請大家都幫我叫下~~)

附上上個星期大boss 榮休dinner 既照片...嗯...矛錯~~我公司係矛令仔的.........

(第一張相~~左一同左四(即係妹妹隔離)就係我2個阿姐喇~~)

試食 - 15 萬豚屋

不經不覺已經試食左15間...達到目標既一半...努力呀

萬豚屋位於尖沙嘴...係一間好多人排隊既日本食店...星期4可以6點放工...所以就飛去試下~ 結果6點4左右去到...我地排第3....等到6點7~8 輪到我地....但後面已經排左好多人

http://www.openrice.com/restaurant/sr2.htm?shopid=13761

呢度出名係烏冬~當然要一試....叫左﹕

黑担担豚肉烏冬&牛肉烏冬 (各around $60)﹕好surprise..原來係好似芝麻糊味道既湯底~ 芝麻味好香~個湯好鮮味..我不停o甘飲...烏冬好滑彈呀但我覺得未算係好...唔知係咪個湯太濃...豚肉&牛肉覺得無o羊特別...隻蛋唔係會流出黎既蛋...有D失望

炸軟殼蟹 ($4X): 好大隻好多肉...但個炸粉好差...有D似KCF辣雞個D o甘但又無o甘脆...可以不食

最後埋單$16X....走既時候...見到好多人排緊.....最後我講左一句“其實唔值得排隊黎食lor.....”

今日寫呢篇日記既時候...發現原來好少人叫黑担担呢個udon...莫非我地選錯左食物﹖不過對我黎講....已經無o甘動力再黎排隊試其他野了~~~