試食 - 28 Hot Dog Formula

是日去九龍灣...由於無mood 中午食飯..路經呢間食hot dog 既鋪頭就決定一試 (又係hot dog...)

http://www.openrice.com/restaurant/sr2.htm?shopid=26881

價錢適中~一個餐唔需要$30....叫左一個芝士肉醬熱狗餐...一個肉醬意粉餐~ 跟薯條同埋薯容 其實熱狗...意粉同薯容應該都係用緊同一個肉醬...

個熱狗OK的~~有芝士襯托之下個肉醬係唔錯...整體個熱狗唔係超級好味個種...但都不錯~~

意粉就普通..意粉本身無味...加上肉醬...係無其他野襯托下....食落唔太濃味~ 不過有D人可能接受到吧...我就麻麻了~~

最失敗係個薯容...本身係好淡口...唔加肉醬係好難食...唔知佢個薯容係自己整定開粉個D...其實本身都應該要調味吧....

其實九龍灣有好多食野既鋪頭...相信下一次未必會再黎了 (除非突然好想食熱狗吧)~~~

試食 - 27 新記餐廳

見到雜誌報導呢間新記餐廳~ 主打係芝士撈麵~ 我呢個芝士精當然要去食下...

http://www.openrice.com/restaurant/sr2.htm?shopid=5652

其實10個有9個都係去食呢樣野...原來價錢都幾貴..一個麵都要$3X 無飲品...

叫左芝士丸撈麵~ 豬頸肉芝士撈麵...同埋一個炸芝士

芝士丸其實就好似平時凍肉鋪可以買到個D一樣...所以感覺唔太特別...豬頸肉都幾好...可惜我覺得 個麵最重要既芝士汁太淡....對於一個芝士精黎講...根本就唔可以談得上係有豐富既芝士味...對我黎講係失望....

不過可能佢要顧及其他食客...如果太濃就可能變得好漏...

炸芝士其實都唔知係o羊...原來係炸薄脆點芝士汁...睇落好油..但食落又唔算係...呢個如果送啤酒應該幾好

總括黎講...如果以價錢同味道黎比較...其實唔多值得....哈哈哈哈

希望快D再有一間出色既芝士撈麵鋪頭出現吧

試食 - 26 Wings To Go

剛巧要去紅磡附近...所以特意上網搵野食....搵到呢間叫Wings to go...地點係糖水鋪“芝麻綠豆”附近~

http://www.openrice.com/restaurant/sr2.htm?shopid=32235

因為主打係外賣...所以只有兩張檯...因為佢無門...所以就算佢已經開左冷氣都係比較熱...如果7~8月去應該幾熱下....

很抱歉...叫左o羊我都唔太記得個名...本來寫低左...但張紙又唔見了

應該一個係芝士腸熱狗...一個係板燒雞burger...炸雞翼~百香果乳酸...青蘋果綠茶...

熱狗唔錯...但絕對一讚係個板燒雞burger...舊雞好有味亦好juicy...比個熱狗更好味...

百香果乳酸又係好味...酸酸味味好開胃...綠茶我一向都唔太喜歡...所以我覺得個青蘋果綠茶唔好飲~ 但個人喜好~唔可以作準喇

炸雞翼~好大隻...本身雞翼無o羊味.....係靠個sauce...我地揀左蜂蜜柚子...可惜柚子味道唔夠...令個雞翼失色左....

薯條好味...係來自加國既薯條呀~~

其實呢間 shop 值得再去過的~~有機會我都會再去多一次

= = 週記

又變番週記....

不能不佩服供應商既賤格....本來9月12要出既產品...可以到今日都仲未安排到生產...原因就係每一次開line 之前都發現有料唔齊...我每一日都鬧....鬧到呢一刻已經無氣再鬧

呼..........工作的確係會影響心情....其實每一日番工放工番 home dinner...睇一陣電視上一陣網然後已經好眼訓...日日生活都係o甘....其實算係好好~~但總係好似休息唔夠...心情唔太好

之前試左2間新野~~都未有心情去寫...比D時間我吧

今日同親戚食buffet...當係做節~~~哈哈哈哈~~正正

話o甘快就9月尾喇~~~~~~~~~~其實真係會晤會快左少少呢

PK 的廠

今個星期真係比間PK 廠反死....9月頭問佢D貨有無問題...唔覆...

OK....我再出email 話~~你唔覆...我assume 你準時交貨

到驗貨前2日...我打去...仲同我講會book inspection

到生產...先話我地聽欠料.....頂~~~

好啦~~幫佢係另一間廠調D料番黎比佢地用先喇~~又話另一樣野欠...來來回回一個星期...到擒日星期5...佢又有另一樣野欠...開唔到line...

美國同事當然好angry...包括係話我地跟得唔好...點解last minute 先知道有問題....我阿姐都問我...將來點可以防止再有呢D事發生....我心諗....唔同我上去日日對住佢地o羊...佢地要隱瞞點會知道呀

所以呢個星期心情好差

最近好奇怪...心情唔好....係好想嘔.................oops

好熱既weekend...9月中都仲係夏天o甘......出完街一身汗 = ="

呢個weekend 好想抖抖

試食 - 25 Burgeroom

位於CWB 既Burgeroom....只要見到角落既懷舊麵包鋪...行多幾個鋪位就係了

http://www.openrice.com/restaurant/sr2.htm?shopid=21479

呢間鋪頭係最近莫醫生個飲食節目都介紹過的~~ 地方唔大...但招呼都幾好的

叫左

Bacon Cheese burger - 好juicy 好好味...

Smoked Wagyu Cheese Egg Burger - 只係輕嘗過幾啖~~都唔記得o羊味了

Melted Cheese Fries - OK 的~~但始終都係Outback 既cheesefries 最好食...而且一定要熱食...一凍左就唔吸引了

Mozzarella Sticks - 但的確食既時候...見到D cheese 拉出黎好開心...但個炸皮比較漏...食多少少已經好滯 (i mean 個皮而唔係D cheese)

通常食呢D包....都不在乎挑戰2樣野....1 就係自己個口幾大...2就係自己食量幾多....我其實都好熟女...基本上老mac 個big mac 我都唔會可以一啖咬晒o甘多層...呢D當然都唔會另外.....當叫一個包既時候...就要分上下2層食...明明食一個飽就好似食左2個o甘

然後次次去到食西式burger 總好貪心自己叫一個食...但結果食左一半已經食唔落....如果大家有緣去...記得唔好眼闊肚X 呀(唔識寫)

試食 - 24 北海道十勝豚丼

哈哈~~8月10日既試食...到今日先寫.....

地點係女人街...

http://www.openrice.com/restaurant/sr2.htm?shopid=25935

一睇個名就知賣點係豬肉

所以叫左...

燒豬肩脥肉飯 - 我揀左燒汁...但個汁唔覺得唔夠野味...撈飯都唔覺得好食..但個肉真係好林好正~~

餃子 - 皮薄涵令~~正正~~推薦

芝士年糕 - 無o羊味的~~

肉腸 - 又係超級正~~唔咸~ 好野味

埋滑旦豬扒飯 - D旦又係味道淡淡o甘既...豬扒都係好味...炸得好好

結論就係我覺得豬肉係OK 既~~但D飯唔知點解好淡口...小食出色

UM~ 即係其實都會再食既....但可能係好耐好耐之後吧~~XDD