2008年最後一篇文章

原來...呢個blog 係2005年開始寫...已經寫左6百幾篇日記...日子一日一日o甘過....今日已經係2008年既最後一日...我無出街...其實解釋都只係得一個...因為無朋友約我...

2008年既最後一日..番工既時候覺得個心唔舒服...唔舒服已經唔係第一次...間唔中有一日就會覺得un 住un 住又呼吸唔係好順...不過呢D都係小事..或者係轉天氣突然變凍有影響掛......嚴重既試過有2次...直頭辛苦到好似透唔到氣...個心口好痛...不過之後睇醫生醫生又話無問題...所以我諗...可能將來有一日我嚴重到入醫院就會知道係o羊事喇~

2008年對我黎講唔係好既一年...有好多自己帶黎既煩惱...好多野諗唔通諗唔明....有D事由明明好明變到唔係幾明....由明明無野變到好鬼驚......或者人大左係會諗多D...諗遠D...

我諗2008年最值得高興係胡小寶既出現...佢令我地多左好多歡樂...每一個星期睇住佢成長... 我發現原來我地家庭裡面每一個人其實都一樣成長中

唔駛講當然係家姐同姐夫.. 照顧一個小朋友的確唔簡單...由初時既騰雞到家下好成熟o甘處理小寶既每一件事....其實家下每一次見到家姐真係做左人媽媽...我覺得佢真係“大個女”左好多同好不可思議...cymbals... maracas...tambourine...你知唔知係o羊呢...咪就係小寶平時反緊既玩具樂器名lor...小寶床邊個張A-Z 海報裡面既生字...有D 我都唔識得讀呀~~我真係好想8下家姐最近駛唔駛開始扲本字典查生字呢﹖XDD

我阿爸....因為賓賓(即姐姐) 唔係好識得聽/講中文...結果佢每一次去見小寶﹐都好努力o甘用佢超級有限公司既英文同姐姐溝通...問姐姐要水要餅去比小寶食...問姐姐小寶點樣有無訓覺....阿爸未必講得好好..但見到佢好努力o甘將佢識既英文搬晒出黎...為左就係想知道多一D 關於小寶既事...

我阿媽仲勁...完全唔識得英文....都好努力o甘用...中文加身體語言同姐姐溝通...真係唔知阿姐姐其實明唔明我阿媽講o羊呢....但佢地又好似溝通到wor... 為左可以叫小寶做動作仔...媽媽仲去學讀英文單字...問我地點讀“ clap hands"(即拍手) ...由完全發錯音到最近完全讀o岩...真係好厲害

而我...仲勁...努力去做一個惡EE....XDDD...最近我開始學緊(其實係逼緊)...無論幾方便幾趕時間幾安全都一定要綠燈先過馬路...試諗下...小寶總有一日自己行...到有一日就會拖住佢出街...要教佢安全地過馬路...教導佢既最好方法係以身作則....um..你咪以為好容易....呢2日我真係試過...當其他人都紅燈過馬路...得你一個企係度等轉燈既時候....真係覺得好 on 居同好有衝動同其他人一齊衝過去架~ 當然最後我無喇.....我都努力中架

本來..我以為2008年最後一篇日記應該係好感性...結果原來唔係

努力迎接2009年喇~~ 我真係希望我唔好再諗太多....希望好既野會降臨我身上^^

2008年12月30日...........

你諗起o羊.........................

假期.................

呢個聖誕假期....唔係好忙...其實都無o羊節目...

但唔知點解...呢個假期好似無時間陪兩老o甘...

ee...唔係wor...

24號自己屋企family gathering
25號一齊去迪欣湖
26號我出左街..但佢地都去左打牌..........
27號我無聊....佢地打牌....
今日輪到我有街去....

但其實我又有陪wor...點解o甘奇怪既.............﹖﹖﹖﹖﹖﹖嗯~我諗係因為我連續3日都無同佢地食飯~

哈哈~~~阿媽~~原來你已經3日無煮飯喇~~XDD

幸會小凱晴

12月27日..........

夜晚“老豆”同班朋友去踢波...我都去左搵凱晴反~~ 好開心見到佢呀~~ 阿媽話佢訓醒無幾耐...可能我一直坐係佢隔離...佢好肯同我玩~~ 又乖又cute~ 真係tum 死我呢個哎呀家姐 XDDD 話抱抱佢又伸手過黎肯跟我~ 一到Adrian 叔叔佢就唔肯仲係o甘挨後添喇~XDDD

之後我同阿媽傾計...傾傾下佢仲主動挨個身去我度要我抱添...結果掛住同凱晴玩...都無睇老豆佢地踢波~~

胡小寶...你要學下凱晴妹妹喇...我o甘耐唔見佢一次佢都肯跟我...我個個星期見你你都唔痴我~XDD

真係要搵時間去見下我個契女楠楠先得....不過佢已經歲幾...唔會輕易跟人反喇~~~

究竟係有個B 開心.....定係真係反人地個B特別開心﹖

有時出街見到D 小學生...細細個已經連群結隊去街..唔知點解我會覺得唔太習慣...可能我以前細個(又或者出生於個個年代)...根本都唔會出街既....然後...又見到D 中學生...著熱褲短裙化晒妝.....有d仲食煙講粗口...我又會好怕如果將來我個女係o甘咪激死我﹖或者我思想唔夠開放喇~~我覺得呢樣野會令我同將來既仔女關係唔好...因為我肯定會鬧肯定會管....對我黎講....原來生一個B最懮心係佢將來變成一個點既人...自己最擔心亦係最控制唔到既事...

希望我身邊既BB 將來都要做一個乖既人~~

聖誕節~~~

聖誕節...痴左家姐一家人左迪欣湖過小寶既第一個聖誕節！
迪欣湖個環境好舒服，天氣又好好，玩得好開心呀！不過好多蚊呀~~ 當然我絕對係被針既對象>_<

不停o甘幫小寶影相...好開心呀~~ 係戶外真係點影都好過室內....

兩老都同樣好開心呀~~ 呢D咪就係我夢寐以求既家庭樂....如果下次哥哥同阿嫂參加就好啦~ YEAH!

12月24日...目標達成

一直既我...唔鐘意為自己既將來諗長遠既計劃...因為我既性格善變....做野有時好睇心情同當日狀態...姐姐同媽媽都成日笑我...話我成日last minute 先改決定....好擔心將來結婚個日先話唔嫁XDD

so far o甘耐...我只係為一樣野我會set 目標....今次既目標係希望下月生日之前可以達到...本來我以為做唔到....點知我發現係12月24日呢日...竟然提早達成左...好開心呀~~

不過之前以為做唔到既時候...的確係有D唔開心同有D壓力...

目標係o羊...唔講了....XDDD 不過我真係好開心

下一個目標...係下年生日達到....開心完...又要再再再努力過喇~

平安夜~~

平安夜~~好開心公司可以放早...但我都無準時走...話晒之後幾日假期...都係做好晒D野先...其實有D野都帶左番家做...唔緊要喇~o甘多日假期...總好過放完假番到公司忙到痴根...

今日屋企聚會呀...一早兩老就車小寶黎我地屋企.....姐姐同姐夫放工就黎我第度...我地帶左小寶落club house...佢見到其他小朋友好開心o甘追住人地...睇黎姐姐要快D考慮生個弟弟或者妹妹比小寶喇~~之後有聖誕老人派禮物...小寶見到聖誕老人眼定定~個樣表現得好疑惑呀XDDDD

幫小寶影左好多相...不過我開始覺得自己又無o羊心機影lu..或者其實自己D技術都唔係太好.....所以唔買相機的確係明智既抉擇

到6點半左右哥哥同阿嫂都到左....之後我地打wii...打左一陣就開飯喇~ 姐姐買左聖誕禮物比我~ 好開心呀~~係史迪仔儲物箱~其實我都買左野比小寶...

係準備開餐既時候...姐姐幫小寶換左聖誕裝....好可愛呀~~仲tum 到兩老好開心~

媽媽整左沙律同薯仔餅....又叫左KFC 套餐...姐姐買左壽司...阿嫂整左cheesecake..估唔到食唔晒呀~~之後打多一陣機...小寶眼訓...大家就解散各自回家喇

好開心既平安夜....^^ 同家人一齊真係好happy..哈哈~ 小寶你真係為地屋企帶黎左好多歡樂呀.. 雖然佢今日明顯係好累...個樣有D cool 但佢依然有展示佢可愛既笑容~ 係度諗...如果無左今日既family party..我呢日平安夜都係自己係家中好悶o甘渡過.... 所以我真係好開心係呢個家既一份子..

不過 31號無節目...好想倒數呀>__<

哈哈~最後先發現....原來無影全家幅呀~~ 呀~~~~~~~~~~~呀

包餃

媽媽突然提議今晚唔煮飯...包餃食

幫手包~ 當然無媽媽包得o甘好~ 附圖全部都係我既傑作

唔係講笑~ 我真係覺得自己有少少煮野食既天份架....記得細個個時...唔會睇電視...反而係廚房睇媽媽煮飯~

哈哈~想食﹖ 娶左我先喇XDDDDDDDDDDDDDDDDD

累的一天

今日中午第一站係工展會...基本上每年都黎...點解每年都去...原因只係因為我本身唔鐘意shopping (行商場個D shopping).......而工展會對我黎講係一個活動.....每年我都唔會買好多野...今年賣熟食既地方細左~ 零售多左好多...天氣亦好熱...唔敢想象係2008年12月20號我仲著住背心裙行街...係曬到傻既一刻...我覺得今日既節目其實應該係去海灘晒太陽XDD

今年無買好多野既原因如下﹕
1) 價錢唔係最平...有D野平時超市特價買仲平過工展會
2) 因為唔係即刻回家...買完唔想扲
3) 無o羊特別野一定要買

最後...都只係買左心愛既時片就算....買...都只係因為唔想吉手而回...雖然如此...下年我仲會支持的...

之後始終都係行街...行街...簡直用晒我畢生既精力....今日可以話係好盡力 ....non-stop 行左6個幾hours....

夜晚...係outback 食....當然係食好味既cheesefries...再加上佢個個免費既麵包..基本上叫左個扒都勉強食完~ 本來一心去食既甜品都無食到>___< 下次再食

收到手鏈一條~好多謝~係我喜歡既款式.....不過太破費了~~ 10萬個開心同多謝...

舊曆生日快樂

其實都係偶然發現今日係我舊曆生日....生日快樂XDDD

擒晚太子仔突然call back 番我...原來佢又係大陸番黎...結果即刻同左佢出去飲野...今次佢帶左我去棉登徑...一間貴少少但好靜好舒服既地方飲....傾計傾到12點...佢同我講生日快樂XDD

不過....原來舊曆生日真係會完全無感覺...而且逼人同我講生日快樂個感覺好搞笑~哈哈哈哈

仲有多謝Adrian 既生日快樂~ 又係我逼的...

羊生都好似有講...不過好明顯我已經斷片~~

生日有o羊好~ 又老一歲......尤其我已經好老~哈哈

day off...

因為清假~~所以星期5放假

放假最好係陪下兩老...不過....係我陪佢...其實定係佢陪我~哈哈

去左圓玄學院既菊花展~ D花好令~不過如果遲多3日去仲好~因為未開晒

陪左佢地食齋...好味道

之後又去見小寶...依然唔肯主動比我抱~ 我懷疑係關副黑眼鏡既事XDDD

殘忍

現實真係好殘忍...本來預留比2個小朋友既聖誕禮物budget..一下子就比我用左了XDDDD

話說公司樓下開倉...作為puma fans 既我竟然買到平野...

最後買左 1件 puma x BMW F1 衫 $90, 1件 puma x BMW F1 sweater $80, 1件 普通puma 衫 $90, 1件 puma x 法拉利衫 $90

除左因為平之外...因為D款唔花巧~全部都係我好like 既平實款式~~ 不過因為開倉~ 無得試~ 全部都買了size L...番到家試下~~有D鬆....我諗我可以著M 碼的XD

再講多次.....我諗我可以著M 碼的XD

小朋友既禮物....唯有係小妹EE 既姑婆儲備度抽D $$$ 出黎喇

Merry X'mas!!

近況

最近既我...勞嘈左好多....成日都發抆...

其實或者呢個先係本來既我吧.........

人生不如意事十常八九...我唔介意要面對....不過最好唔好要我諗野喇...尤其當諗完一大論又做唔到又實現唔到...

周敏敏結婚喇~~~

愛一個人或者有時就係唔可以好理性o甘去行動....有時想同做係真係好難配合..

旁觀者清...當局者迷

...其實....佢地既事關我o羊事~~無畏 要罷晒D報紙既頭版吧~

聚會

舊同學Peter係加國番黎渡假....擒日約左見面~ 開心開心~ 一行4人~簡簡單單

大家都唔願諗...去左富臨打邊邊~ 貪佢坐得耐

估唔到D 野食幾好~價錢亦唔貴~ 朋友講番中學D 野....死喇~ 好多我都唔記得...老了老了

原來Peter 同Leon 27號去日本...羨慕死~ 如果早D 通知我...我都一定會拋低所有野跟埋去~~畢竟去日本亦係我夢想XDD

Henry同學...年中結婚....年輕人有心有力...將會下年4月添男丁~ 恭喜恭喜~~

最後再約...Peter走之前去Henry 屋企打牌聚會~

好朋友貴精不貴多....我未必有好多朋友..未必會成日見....對方亦未必當我係最好既朋友...不過係我心目中...你地絕對係我既好兄弟好姊妹

= 0 =

因為星期六出左街...同兩老講話星期日先陪佢地...點知擒晚番到家問佢地想去邊...佢地竟然話約左打牌 = 0 =" 搞錯呀~~

結果星期日佢地有佢地既節目...雖然我已經係家食左早餐...但都陪左佢地出去去食多次....之後我就全日留左係家休息...感覺好無聊...換左床單...執下間房...

on 居居...諗下野....send sms 無人覆XDD

今朝起身...竟然碌左落地下 ...我張床其實有patpat 位o甘高...一向都好小心...住左差唔到1年第一次有呢樣野發生...跌落地個下因為未訓醒...完全唔識得防備...不過好彩唔係好大力...﹗

傻了~~~

12月15日....好快聖誕lu...

原來呢篇係第598篇日記....

幸會史迪仔~~~

去迪迪尼一直係我既心願...有人覺得好無聊...不過作為史迪仔fans 既我當然唔會...本來呢~我一直係希望有人會安排我去 lor...最後都係要靠自己.....XDD 係我既努力安排之下......終於去到喇

可能係星期5..有好多人...亦可能係因為聖誕多左野睇...呢10個鐘頭裡面我係無反到所有野...>___< 點解會有人可以話無野做...我連D 主題公仔都只係見到3隻 ...其他個D根本無時間去排 ....

當我反完巴C光年個game....走既時候撞到腳...結果家下撞淤左呀~~鄧子峰...我會搵你算帳架XDD

真係超級開心...尤其係搵到史迪仔同我影相~~ 個staff 知道我係佢fans..同史迪仔講...史迪仔就不停轉pose 同我影喇~ 個staff 仲好人到係o甘幫我影(total 影左5張)...yeah..我仲開心到家下呀

將來我肯定會再去多一次架 ...maybe...Halloween?? hahaha...不過希望下次可以住埋佢間酒店

Post d 相比大家睇先...

btw...我係fans都要講番句 ...真人版既stitch 真係好醜樣呀~XDD

爸爸生日快樂

今日係爸爸既生日...雖然之前已經同家姐同哥哥買左禮物同請左佢食飯...不過今晚亦都買左蛋糕作一個少少既神秘驚喜...

希望阿爸身體健康~成日都開心快樂笑口成開...希望阿哥快D添個孫比佢湊下...哈哈

但最surprise 既竟然係睇緊電視既時候...阿嫂話電視個人個扎花好似佢生日收個扎...媽媽問..同事送個扎呀 (因為佢D同事夾份送左比佢) ﹖﹖ 跟住阿嫂竟然答...浩洋(即我阿哥)送個扎呀....

之後...我..媽媽同爸爸既反應係好齊o甘大叫........o華~~~XDDDDDDDDDDDDDDDD

因為哥哥係出名既無情趣...送花呢樣野佢從來都唔多做...阿嫂生日之前媽媽曾經叫佢去買...哥哥仲懶係o羊o甘話唔送...點知原來偷偷安排左....所以我地知道後都o華一聲.....原來無情趣都會有情趣XDDDD 勁搞笑呀~~

其實多人幫你慶祝生日...係咪代表你既人緣好呢...? 自問自己都真係好少會有人幫我慶祝生日...所以近年我亦開始唔鐘意過節日...自己無o羊野做個感覺都幾孤獨.....所以我永遠都好記得3年前...小遠幫我安排既生日聚餐...

不過.. 我已經大個女喇...諗起自己呢個年紀...其實真係無做過Do羊...讀書唔成...又唔係搵好多養唔起阿爸阿媽...

無可否認今年我諗多左好多野...或者都係因為年紀大既關係 ...

有緣睇到呢個日記既你....我想問.....其實你有無諗過...家下既你渴求D o羊...而你會唔會為呢樣野而一直堅持.... 呢個..係我最近成日思考既問題....你會比到答案我嗎﹖

向日葵

今日個狀態有D怪...朋友話我扁桃線發炎....不過我無發燒...應該唔係掛.....不過今晚都會早D休息下....

令人開心既向日葵~ yeah

七十二句話令你大智若愚，細味人生！

七十二句話令你大智若愚，細味人生！

一、人之所以痛苦，在於追求錯誤的東西。

二、與其說是別人讓你痛苦，不如說自己的修養不夠。
　
三、如果你不給自己煩惱，別人也永遠不可能給你煩惱。因為你自己的內心，你放不下。


四、好好的管教你自己，不要管別人。
　
五、不寬恕眾生，不原諒眾生，是苦了你自己。

六、別說別人可憐，自己更可憐，自己修行又如何？自己又懂得人生多少？
　
七、學佛是對自己的良心交待，不是做給別人看的。

八、福報不夠的人，就會常常聽到是非；福報夠的人，從來就沒聽到過是非。

九、修行是點滴的工夫。
　
十、在順境中修行，永遠不能成佛。

十一、你永遠要感謝給你逆境的眾生。

十二、你隨時要認命，因為你是人。

十三、你永遠要寬恕眾生，不論他有多壞，甚至他傷害過你，你一定要放下，才能得到真正的快樂。

十四、這個世界本來就是痛苦的，沒有例外的。

十五、當你快樂時，你要想，這快樂不是永恆的。當你痛苦時你要想這痛苦也不是永恆的。


十六、認識自己，降伏自己，改變自己，才能改變別人。

十七、今日的執著，會造成明日的後悔。

十八、你可以擁有愛，但不要執著，因為分離是必然的。

十九、不要浪費你的生命在你一定會後悔的地方上。

二十、你什麼時候放下，什麼時候就沒有煩惱。

二一、內心沒有分別心，就是真正的苦行。

二二、學佛第一個觀念，永遠不去看眾生的過錯。你看眾生的過錯，你永遠污染你自己，你根本不可能修行。

二三、你每天若看見眾生的過失和是非，你就要趕快去懺悔，這就是修行。

二四、業障深重的人，一天到晚都在看別人的過失與缺點，真正修行的人，從不會去看別人的過失與缺點。

二五、每一種創傷，都是一種成熟。

二六、當你知道迷惑時，並不可憐，當你不知道迷惑時，才是最可憐的。

二七、狂妄的人有救，自卑的人沒有救。

二八、你不要一直不滿人家，你應該一直檢討自己才對。不滿人家，是苦了你自己。

二九、一切惡法，本是虛妄的，你不要太自卑你自己。一切善法，也是虛妄的，你也不要太狂妄你自己。

三十、當你煩惱的時候，你就要告訴你自己，這一切都是假的，你煩惱什麼？　

三一、當你未學佛的時候，你看什麼都不順。當你學佛以後，你要看什麼都很順。

三二、你要包容那些意見跟你不同的人，這樣子日子比較好過。你要是一直想改變他，那樣子你會很痛苦。要學學怎樣忍受他才是。你要學學怎樣包容他才是。

三三、承認自己的偉大，就是認同自己的愚癡。

三四、修行就是修正自己錯誤的觀念。

三五、醫生難醫命終之人，佛陀難渡無緣的眾生。

三六、一個人如果不能從內心去原諒別人，那他就永遠不會心安理得。

三七、心中裝滿著自己的看法與想法的人，永遠聽不見別人的心聲。

三八、毀滅人只要一句話，培植一個人卻要千句話，請你多口下留情。

三九、當你勸告別人時，若不顧及別人的自尊心，那麼再好的言語都沒有用的。

四十、不要在你的智慧中夾雜著傲慢。不要使你的謙虛心缺乏智慧。

四一、根本不必回頭去看咒罵你的人是誰？如果有一條瘋狗咬你一口，難道你也要趴下去反咬他一口嗎？

四二、忌妒別人，不會給自己增加任何的好處。忌妒別人，也不可能減少別人的成就。

四三、永遠不要浪費你的一分一秒，去想任何你不喜歡的人。

四四、多少人要離開這個世間時，都會說出同一句話，這世界真是無奈與淒涼啊！

四五、戀愛不是慈善事業，不能隨便施捨的。感情是沒有公式，沒有原則，沒有道理可循的。可是人們至死都還在執著與追求。

四六、請你用慈悲心和溫和的態度，把你的不滿與委屈說出來，別人就容易接受。

四七、創造機會的人是勇者。等待機會的人是愚者。

四八、能說不能行，不是真智慧。

四九、多用心去傾聽別人怎麼說，不要急著表達你自己的看法。

五十、同樣的瓶子，你為什麼要裝毒藥呢？同樣的心理，你為什麼要充滿著煩惱呢？

五一、得不到的東西，我們會一直以為他是美好的，那是因為你對他瞭解太少，沒有時間與他相處在一起。當有一天，你深入瞭解後，你會發現原不是你想像中的那麼美好。

五二、活著一天，就是有福氣，就該珍惜。

五三、當我哭泣我沒有鞋子穿的時候，我發現有人卻沒有腳。

五四、多一分心力去注意別人，就少一分心力反省自己，你懂嗎？

五五、自以為擁有財富的人，其實是被財富所擁有。

五六、不要太肯定自己的看法，這樣子比較少後悔。

五七、當你對自己誠實的時候，世界上沒有人能夠欺騙得了你。

五八、用傷害別人的手段來掩飾自己缺點的人，是可恥的。

五九、活在別人的掌聲中，是禁不起考驗的人。

六十、要瞭解一個人，只需要看他的出發點與目的地是否相同，就可以知道他是否真心的。


六一、人生的真理，只是藏在平淡無味之中。

六二、與其你去排斥它已成的事實，你不如去接受它。

六三、你要感謝告訴你缺點的人。

六四、能為別人設想的人，永遠不寂寞。

六五、如果你能像看別人缺點一樣，如此準確般的發現自己的缺點，那麼你的生命將會不平凡。永遠扭曲別人善意的人，無藥可救。

六六、世界上沒有一個永遠不被譭謗的人，
也沒有一個永遠被讚歎的人。
當你話多的時候，別人要批評你，
當你話少的時候，別人要批評你，
當你沈默的時候，別人還是要批評你。
在這個世界上，沒有一個人不被批評的。
當你的錯誤顯露時，可不要發脾氣，
別以為任性或吵鬧，可以隱藏或克服你的缺點。

六七、不懂得自愛的人，是沒有能力去愛別人的。

六八、雖然你討厭一個人，但卻又能發覺他的優點好處，像這樣子有修養的人，天下真是太少了。大多數的人一輩子只做了三件事；自欺、欺人、被人欺。

六九、太過於欣賞自己的人，不會去欣賞別人的優點。

七十、心是最大的騙子，別人能騙你一時，而它卻會騙你一輩子。

七一、當你手中抓住一件東西不放時，你只能擁有這件東西，如果你肯放手，你就有機會選擇別的。人的心若死執自己的觀念，不肯放下，那麼他的智慧也只能達到某種程度而已。

七二、如果你準備結婚的話，告訴你一句非常重要的哲學名言，你一定要忍耐包容對方的缺點，世界上沒有絕對幸福。

美食....繼續

由於我唔鐘意行街...所以擒日既節目依然係戶外影相..同埋搵好野食

上午既地點係Stanley..去到已經1點...搵左一間叫seafront 既餐廳食set lunch...

http://www.openrice.com/restaurant/sr2.htm?shopid=9914

由於天氣好好~ 好舒服...我地選擇左坐出面...真係好正...今次叫左Fish and Chips (個薯條好好食)同pizza (比我加了大量芝士粉XDD)...仲有令我肚痛左2次既咖啡..其實係我一向都唔可以空肚飲奶類飲品...擒日飲完先記得自己未食早餐...結果就奶野喇~ 所以我一向都好明白點解黎明會話“我唔會空肚食早餐” XDDD

講番D食物...味道唔錯架...不過當然環境同天氣令呢個lunch 加分不少...

而夜晚終於一賞我心願~ 去左意粉屋食芝士火鍋...行到去信和隔離個間...佢做discount $179..即刻入去食...由於第一次食...睇個 menu 話肉類要整5分鐘...菜類2分鐘...其他1分鐘就OK...初時就跟住呢個指示..但食食下都係覺得怪怪的XDD (本來D野已經熟左...但總係有未熟feel) 亦由於無耐性等...結果由好寫意變左好似平時打邊邊o甘...o羊都掉晒落去煮...XDDD

但煮得耐左既食物的確好味好多...而且臨尾個芝士開始傑...原來先係最好味....

由於食完有D漏...最後以好酸既開心雪糕黎做一個總結~~ 千期唔好問我重左幾多呀XDDDD..

食物

要數我最鐘意既食物...不分先後次序有...日本野, 芝士, 雞翼同薯條

呢個weekend 去左尋找呢D食物....實在太開心喇

上星期去左中環既Shake'Em Buns
http://www.openrice.com/restaurant/sr2.htm?shopid=20855

我地order左個包叫red on the neck.. 個包包好多肉汁...叫了Poutine 同芝士條...味道都OK~ 一路食真係覺得好開心...

不過如果要比較, 我當然始終都係推介triple O 既包包 (唔知點解每次食我都會流晒D汁係手XDD)...而outback 既Cheesefries 係一流....Poutine..我實在期待緊海港城遲D新開既New York Fries

諗........................................

唔知點解會睇左蘇GOOD...突然發現自己好耐無煮過野食 (i mean 煮一餐飯個D)...都已經7年..wow....或者係因為番左黎香港...阿媽係廚房既將門人...佢絕對唔比我地掂佢個廚房XDD

諗諗諗~ 將來如果有自己既廚房...我一定會試(無錯~係試)整好多野

整好多好多甜品 / 蛋糕
一定要係家食古力同芝士火鍋
要整好多唔同款式既雞翼

仲有之前睇電視~整炸芝士餃呀~~炒薯仔絲呀...薯仔pizza ar..我全部都好想試整呀~

幻想完畢......................

今朝又突然聽到朋友話去做義工...嗯~~其實一直都想做....話晒以前係個邊我都係義工既活躍分子....上網找找...其實家下我比較想做老人服務多D...但又唔知自己D EQ 夠唔夠...因為我驚見到D公公婆婆會成日諗起阿婆...不過上網搵唔到D 義工資料...send 左email 去問~ 睇下幾時有回覆先^^/

仲以為o甘好彩...今年無鼻敏感...點知今日起身個鼻塞左....不過相比我身邊D 朋友...我都已經非常OK...因為最多都係鼻塞.....大家要保重身體呀~~ 呢2日好凍凍呀~~

做

好多野想做..講講下已經有一段時間.....

做唔難....仲好容易...但點解仲未做到呢

我開始諗....其實係我期望太高......定係好多野原來最終都係要靠自己.....



有承諾就有期望....定係....其實做人無承諾先係最好既事~

唔知想講o羊.....

曖昧 楊丞琳

曖昧讓人受盡委屈
找不到相愛的證據
何時該前進　何時該放棄
連擁抱都沒有勇氣

只能陪你到這裡　畢竟有些事不可以
超過了友情　還不到愛情
遠方就要下雨的風景

到底該不該哭泣　想太多是我還是你
我很不服氣　也開始懷疑
眼前的人　是不是同一個　真實的你

曖昧讓人受盡委屈
找不到相愛的證據
何時該前進　何時該放棄
連擁抱都沒有勇氣

曖昧讓人變得貪心
直到等待失去意義
無奈我和你　寫不出結局
放遺憾的美麗　停在這裡

http://hk.youtube.com/watch?v=MpDeIDwXTJk

http://hk.youtube.com/watch?v=5FUeQ8wviK4